Kaala 32:4 - mzwDBL

⁴ Ate, o kpɔa dɛ do kon bini dɛ ɛa a do kɛŋɔ nabale dɛ kpɔ tɛɛ ba, waa baa sɔɔh la, ba bol dɔŋa be ŋɔ, “Yabala Israel tena, voɡ waa tɔ ya sie dɛ kpɔ yaa le Ijipt harɛ ta laanee la.”

Kaala 32:4 ပူးပေါင်းရင်းမြစ်များ

Nehemia 9:18

Ba ɛ voɡ waa do kɛ nabale, dɛ ŋɔ onee tɔ ba sie le bane Ijipt harɛ ta. N Naa Korowii, na ɡɛ baa bole nɛnhɛlwobol.

Mmarare 9:16

N nao kɛŋɔ he ɛ wechɔɡa dɛ jo Korowii haa dɛ tomɔ nɛɛ kohona. He ɛ voɡ o le nabale dɛ tɛ he te. He deno laa he te kpɔ ŋwɛnɛre Korowii aa do heyaa la ta.

We-ɛɛla 7:41

Belaa ba ma voɡ bɛl kɛŋɔ nabii ken, dɛ kpoo kwaa dɛɛ tɛo, dɛ koh kon la ba ɡbaɡba aa maa la waa di kwa, dɛ sa dɛɛ lɛ ba sie.

Kaala 32:8

Ba charɛ ba liire warane dɛ le waa maa do ba a ta la ta. Ba kpɔ suuɡaswɛm ɛ nabale dɛɛ ɡuŋu, dɛ kpoo koŋkwaa ɛ saraha dɛɛ tɛo, dɛ ŋɔ yabala Israel tena, voɡ waa tɔ ya sie dɛ kpɔ yaa le Ijipt harɛ laanee la.”

1 Koranar 12:28

O ja o te, dɛ kpɔ suuɡaswɛm ɛ nabali anɛ. Dɛ ŋɔ Israel tena la be ŋɔ, “He bɛ he te koh dɛɛ la Jerusalam kpa. He voɡa aa cha heyaa he won le Ijipt harɛ ta he naawa bere saŋ ba laanee la.”

Hosia 13:2

Ba ta teŋɔ dɛɛ ɛ wechɔɡa kohona, ba kpɔ ba suuɡapoŋa dɛɛ ɛ voɡa, ba ɛa a do wer kɛrɛdɛ, a bwa ɛ kwaa nɛra baa dɔ a wejema aa ɛa. Ba bol ɡɛ nɛra nɔ waa ŋɔ, “Ba kpoo nɛra dɛɛ ɛ saraha, dɛɛ mo voɡ baa ɛo kɛŋɔ nabale la lwɛɛma.”

We-ɛɛla 17:29

Korowii biirii yan, anomanta, ya bɛ on kpɔ maɡɛ suuɡaswɛm ne suuɡapoŋ ne bwea koŋkwaare nɛwɛnyini ɡbaɡba aa kpɔ ba liire maa la.

Hosia 10:5

Nɛra baa soɡe bwɛjen Samaria ɛɛ ɔmɛ suuɡaswɛm baa kpɔa loɡɛ nabale o do bwɛjen Bɛt Avɛn la waa. Ba ne sɔfore baa dɛ tomɔ la bwa ɛɛ wiu kɛrɛdɛ, ba sie aa o we-ɛɛla taa lɛ, dɛkalkɛ ba laa kpɔ le ba be kaa bojaŋ harɛfale ta.

Aesaya 46:6

Bane fuɡe suuɡaswɛm ne suuɡapoŋa le pure bini, dɛ kpɔa dawɛ kon baa kpɔa dɛɛ kari kwaa ta. Ba kpɔa tɛ nɛn waa dɔ suuɡaswɛm kpɔe dɛ ɛ kwaa wejema o kpɔ kwaa voɡ, asɛ ba ɡuŋi dɛɛ tomɔ.

2 Webena 13:8

Taraken he dɛ nyin kɛ he yo Korowii Kora waa kpɔa do Kooro Devid naanar nɔn ta la. He laa tena warɔ dɛ berɛ dɔ nabali Kooro Jɛroboam aa kpɔ suuɡaswɛm ɛa, a ɛ voɡa haa dɛ toma.

2 Webena 11:15

Kooro Jɛroboam le o ɡbaɡba kerekpoŋra ba so voɡa ta, dɛɛ tomɛ daabii ne nabali, dɛ voɡa waa sɛah la.

Kaala 20:23

He bɛ suuɡapoŋa kɛɛ suuɡaswɛm bɛlbwa kpɔ ɛ voɡa dɛɛ toma ka ja n nɛ.

2 Koranar 10:29

Kɛ dɛ o ta teŋɛ Kooro Jɛroboam wechɔɡa waa ɛa dɛ ɡel Israel tena ɡe ɛ wechɔɡa dɛ jo Korowii nɛɛ la ta, suuɡaswɛm baa kpɔa ɛ nabali a che bwɛɛre anɛ ane baa dɛ yera Bɛtel ne Dan la.

Kaala 32:1

Nɛra la aa baa na kɛŋɔ Mosis biɡri bwejen la doa waa wola ba warane la, ba wuro ka tɔ Arɔn nɛ dɛ ŋɔ, “Taraken Mosis nɔ waa lawɛ yaa le Ijipt harɛ la, yaa jemɛ waa aa puu waa wola balɛ mɔɔ, anomanta, kwaa voɡa tɛ yaa á tɔ ya sie dɛ́ kaa ya ne.”

1 Koranar 12:32

O le tɔpejen cheɡ korobinuatoro o tɔpera fi dɛ anue ta, kɛŋɔ anɔ la baa dɛ dia Juda la ken, dɛ ɛ sarahare kon baa dɛ fuh kwaa o ta. O ɛ saraha kon Bɛtel, ba kpɔ nabali ɛ sarahare beŋkpoŋ waa kpɔ suuɡaswɛm ɛo la ta. Bɛtel bela la, o kpɔ kerekpoŋra so voɡa waa ɛa deŋɡarere ta la ta.

Kaala 28:11

Gɛ nɛn waa dɔ a wejema aa dɛ ɛa laanee chɛ kɛ he ɛ Israel bii sɔna la dawɛ bwe la ta. Ásɛ dɛ kpɔ cheɡ suuɡaswɛm kwaa ta a lawa kpoŋe,

Kaala 28:9

Kpɔ onis bwedɛɛɡa a yoɡ aa kpeɡa anɛ, ásɛ dɛ chwerɛ Jekɔb bibaala sɔna dawɛ a ta.

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

1 Kɔrent 10:7

Ya bɛ voɡa dɛɛ tomɛ ɡɛ ba bini bane fa aa dɛ ɛ la. Mosis chwerɔ ŋɔ, “Nɛra la soɡo dɛ kwaa ba voɡa, dɛ di kwa, dɛ nyɔ sen, dɛ ir sa sachɔɡa.”

Kaala 32:3

Belaa ba bwa laa ba deŋna kwaa la kpɔ ba tɛo.

Kaala 32:5

Arɔn aa na ɡɛ la, o ma kon baa ɛ saraha o ta la bɛl cheɡ nabale baa kpɔ suuɡaswɛm ɛo la sie dɛ ŋɔ ba be ŋɔ, “Kere ɛ tɔpejen tɛ Korowii yaa dɛ ba dii.”

Kaala 32:7

Anee Korowii ŋɔ Mosis be ŋɔ, “Berɛ tu kaa harɛ, he nɛra haa kpɔ ba le Ijipt harɛ la ɛ wechɔɡa dɛ vɛɛh mɛ.

Kaala 32:24

Anee n ŋɔ ba be ŋɔ nomɛlbwa waa dɔ suuɡaswɛm deŋna kwaa la laa kpɔ tɛ mɛ. Ba kpɔɔ tɛ mɛ asɛ n doa nii ta, a berɛ nabale.”

Kaala 32:35

Gɛɛ a do Korowii kpɔ weechɔɡa ba ta Israel tena la nɛ, suuɡaswɛm nabale Arɔn aa kwaara baa tomɔ la wa.

2 Koranar 10:20

Kooro Jehu ŋɔ, “Hé bol dɛ ɡel nomɛlbwa jemɛ kɛ ya le tɔpere yaa cheme cheɡ dɛ́ tomɛ voɡ Baal.” Asɛ ba bol.

Aesaya 30:22

Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”

Ɛsekeɛl 23:8

O teŋɛ jwamane waa pa a mun Ijipt harɛ ta la ta, dɛ chɔɡ o te. O toli saŋ bwaa o le baala lawɔ dɛɛ chɔ.

Kaala 20:4

He bɛ komɛlbwa waa lɔ nyundua kɛɛ harɛ ta hale nee bini bɛlbwa chaa ɛ.

Sitɔɔla 8:24

O berɔ ŋɔ, “Kombeŋkpoŋii mɛɛ ba heyaa soŋa. Hé bini bɛlbwa tɛ mɛ deŋne kon beŋkpoŋ dɛ́ le laala haa paa laa ta la ta.” Midian tena la nawee waa suuɡaswɛm deŋna kwaa doe.

Sitɔɔla 8:27

Gedeɔn kpɔ suuɡaswɛm la ɛ voɡ dɛ kpɔ cheɡ o bwɛɛ Ofra. Israel tena la bwa berɔ vɛh Korowii toma, dɛ ka tomɛ voɡ la, asɛ o ɛ bel dɛ chɔ kpa Gedeɔn ne o dem tena.