Kaala 32:33 - mzwDBL

³³ Belaa Korowii chaŋe Mosis ŋɔ, “Nɛra baa ɛ wechɔɡa dɛ jo n nɛɛ la sɔnaa mɛɛ ba n fee le n tɔn bini.

Kaala 32:33 ပူးပေါင်းရင်းမြစ်များ

Ɛsekeɛl 18:4

Nɛwɛnyina bwa nyu lɔ n nɔn ta, mɛɛ kɛɛ bie bwa nyu lɔ n nɔn ta. Naate waa ɛ wechɔɡa la, naatee dɛ́ sewɛ.

Yela 69:28

Gel ba fee ba sɔna le Mkpa Tɔn la bini, bɛ ba sɔna kpɔ ja he nɛra nɛ.

Mmarare 29:20

Korowii aa kpɔ kɛ ɡɛ nɛn la. Anee dɛɛ ba ɡela o baah di naate nɛɛ kohona, ásɛ taahna waa bol a waa tɔn nɔ bini la bwa dawɛ he nɛɛ ka tel kɛŋɔ waa chɔɡo le harɛ nɔ ta kwara.

Yela 9:5

He pa voɡtoroma bolchɔɡe, dɛ chɔɡ nyubinikpeɡ tena, dɛ ɡel ba sɔna he harɛ nɔ ta kwaraa.

Lewi Dea Tena 23:30

Nomɛlbwa ɡe waa ɛ toma tɔpere la ta la, mɛɛ kpoo.

Wepila 20:12

Belaa n na nɛra baa serewa bwa, ba bini nomonjena ne bechale bwa, asɛ ba che kookara la sie. Ba pili tɔne ane, asɛ dɛ berɛ pili onɔ la waa ɛ Mkpa Tɔn la. Belaa Korowii che toma nɛra la aa ɛa mɔɔ dɛ serewe a do tɔne la bini la ta, dɛ bol ba waa dɛ pa bole.

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

Felepae 4:3

N dɔŋdɛɛɡe, n dɛ soŋe, cha haahna la dɛ́ kwaa ba baah, dɛkalkɛŋɔ ba cha mɛ Amanesoma nɔ bola ta ɡa. Klɛmɛnt ne n bala tom-ɛɛra la ɡe jao. Ba sɔna lɔ Korowii Mkpa Tɔn bini.

Wepila 3:5

Naate waa won yo le la, mɛɛ tɔɔ yapoŋee kɛ ban. Maa o sɔnee fee le Mkpa Tɔn la bini bwa. Mɛɛ bol o waa n Mɛɛ ne o nyundua toroma la bee, kɛŋɔ n nɛnee on.

Kaala 17:14

Asɛ Korowii ŋɔ Mosis be ŋɔ, “Chwerɛ ɡɛ waa nɔ do tɔn bini á ɛ waa aa chɔ kerekere. Gel Josua no dɛkalkɛ n dɛ ba Amalɛk tena chɔɡa baa wola ba waa no harɛ nɔ ta bobɛlbwa kpa.”

Yela 69:29

N Naa Korowii, n bwara dɛ nyɛɡ, n hwɛɡa tonɛ, laɡ mɛ ir dɛ́ lɛɛ mɛ.

Ɛsekeɛl 18:20

Naate waa dɛ ɛ wechɔɡa laanee dɛɛ sewɛ. Bie ta chɛ kɛ ó na wa o mɛɛ wechɔɡa wa, mɛɛ ɡe ta chɛ kɛ ó na wa o bie wechɔɡa wa. Nomɛlbwa o waa aa toɡra wɛɛ ɛ wedɛɛɡa dɛ́ dɔ andɛɛɡa, nomɛlbwa waa dɛ ɛ wechɔɡa ɡe, wechɔɡaa dɛɛ teŋɛ o nɛ.