Kaala 32:30 - mzwDBL

³⁰ Tɔ aa pera la, Mosis ŋɔ nɛra la be ŋɔ, “He ɛ wechɔɡa kohona. Kɛ mɛɛ la Korowii be bwejen la doa belaa dɛ́ ka na, n ken ɛɛ won soŋe wechɔɡa haa ɛa la tɛ heya.”

Kaala 32:30 ပူးပေါင်းရင်းမြစ်များ

2 Samoɛl 12:9

Ɛrɛɛ he vɛh men Korowii waa maa doe a ta dɛ ɛ wechɔɡa ɡɛ nɔɔ? He ɡelɔ ba kpo Uria Hiti te la, asɛ he kpɔ o haah mo. Amɔn tena nɔn taa he kpɔɔ do, dɛ ɡel ba kpoo laa ta.

2 Samoɛl 16:12

Korowii ken ɛɛ na n suna maa dɛ di nɔɔ, dɛ́ kpɔ wedɛɛɡa ba chiɡ taahna aa dɛ ba n nɛɛ fini nɔ naa ta.”

2 Koranar 17:21

Korowii aa pere Israel harɛ waa lɔ weekaŋle nyunduabɔr le Juda harɛ waa lɔ weekaŋle harɛbɔr nɛɛ la, Israel tena kpɔ Nɛbat bibaa Kooro Jɛroboam ɛ ba kooro. Kooro Jɛroboam ɡelɔ ba ɡel Korowii toma, a ɡel ba ɛ wechɔɡa kohona.

Yela 99:6

Dɛ Mosis ne Arɔn fa ɛ o sɔfore, asɛ Samoɛl che o sɔn ta dɛɛ soŋo. Ba soŋe Korowii, asɛ o no ba be.

Kaala 32:29

Mosis ŋɔ ba be ŋɔ, “Gɛ haa yo he bii ne nimanar dɛ dɔɔranar la ɡelɔ he le he te tɛ Korowii fini. Korowii swee heyaa andɛɛɡa taraken.”

Emɔs 5:15

Hé hah wechɔɡa, dɛ́ nyin wedɛɛɡa, hé ɡel kasinteŋ ɛɛ ɛ toma kɔɔto deene. Nemenɛ Korowii ken ɛɛ sune Josef dea nɛra baa kaa nɛɛ.”

Jona 3:9

O baah ken ɛɛ sɔɔhnoo, ásɛ o dɔ tedoma tɛ yaa, dɛ́ charɛ o liire le o bandia waa dɛ ba kpɔe ba chɔɡ yaa la ta, ásɛ ya bɛ serewe.’ ”

Nɛra Kura 16:47

Ate, Arɔn ɛ ɡɛ Mosis aa ŋɔ o be la, dɛ den kpɔ ɛ warane chwa ka jo nɛra la baah ta. Dɛ weechɔɡa la dɔɔ pa mun, asɛ Arɔn fuh daawiile la, dɛ ka soŋe ba wechɔɡa Korowii be tɛɛ ba o kpɔ kɛ ba.

Nɛra Kura 25:13

Ásɛ a chɔ le tɛ o ne o naanar baa ka ba bwa, kɛ bá ɛ sɔfore saŋ bɛlbwa dɛɛ la, dɛkalkɛŋɔ o ta nomɛlbwa toma sɛɛh ka ja men Korowii waa dɛ tom mɛ nɛ, dɛ́ soŋe Israel tena bwa wechɔɡa tɛɛ ba.”

Amanesoma Luk Aa Chwera Tɔn 15:18

Mɛɛ iruu, dɛ́ la n mɛɛ be dɛ́ ka ŋɔ, “N mɛɛ, n ɛ wechɔɡa dɛ jo he ne Korowii bwa nɛ.

Amanesoma Luk Aa Chwera Tɔn 7:47

Anomanta, mɛɛ dii kasinteŋii. Nyina haah nɔ aa nyin n waa kohona nɔ baɡlɔ kɛ Korowii kpɔ o wechɔɡa damanta waa ɛa la bwa kɛo. Naate waa wola wechɔɡa ɛɛ kohona a ɛ kɛŋɔ he kpɔa kɛo la, nyina waa dɛ nyin he waa la aa kan do. Waa Korowii jam kohona kɛ nɛn waa ɛ anjena la.”

Tɔn Pɔɔl Aa Chwerɛ Rom Tena 9:3

N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

2 Timoti 2:25

dɛɛ baɡle nɛra o ne ba liire aa wola beŋkpoŋ ɛɛ la waa taa ne. Bɛl lole naa, Korowii ɛɛ na ɡɛ nɛra la sumii, dɛ́ ɡel ba charɛ ba liire, ásɛ ba won jemɛ kasinteŋ waa la,

Jems 5:16

Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.

1 Samoɛl 12:17

Lɔmɔɡa saŋ laa nɔ naa? Mɛɛ soŋe Korowiirii ó ɡel bwaala nɛ dɛ kɔr. Anee hɛɛ ba nae kɛŋɔ kooro haa soŋa la ɛ wechɔɡa Korowii be.”

1 Samoɛl 12:19

Ate, nɛra la bwa ŋɔ Samoɛl be ŋɔ, “Soŋe Korowii haa dɛ tomɔ la, ásɛ yan yaa ɛ he bonɔɔna nɔ bɛ serewe. Ya wechɔɡa la habɔɔ, ya berɔ ɛ wechɔɡa kɛŋɔ yaa ŋɔa ya dɛ nyin kooro la.”

1 Samoɛl 12:20

Samoɛl ŋɔ, “A lole kɛŋɔ he ɛ wechɔɡa nɔ bwa te, kɛ hɛɛ berɛ ɔma, he bɛ habɔɔ berɛ kpo Korowii, hɛ́ɛ tomɔ bambile bwa ne.

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.

1 Samoɛl 2:17

Sɔfo Eli bibaala wechɔɡa baa do kan Korowii sie. Dɛ ba ta ɡelɛ duure do kwaa baa kpɔa ba ɛ saraha dɛɛ tɛ Korowii la ta.