Kaala 32:20 - mzwDBL

²⁰ Belaa o fuh nabale baa kwaaro la, asɛ o namɔ dɛ ɛ o men la merɛ nee sie, asɛ dɛ ɡel Israel tena la nyɔ.

Kaala 32:20 ပူးပေါင်းရင်းမြစ်များ

1 Koranar 15:13

O ir o naa Maaka haŋkora ta, dɛkalkɛŋɔ, o ɛ voɡ Asera daa aa ɛ kii kwaa la. Kooro Asa teŋni daa la dɛ fuah Kedrɔn Fɛlembɔjen ta.

2 Koranar 23:15

O berɔ ɡel ba paɡre kon baa dɛ ɛ saraha dɛɛ tomɛ voɡa a ta, Nɛbat bie Kooro Jɛroboam aa ɛa Bɛtel la. Kooro Jɛroboam ɡelɔ Israel tena ɛ wechɔɡa dɛ jo Korowii nɛ, hale Kooro Josia paɡre kon baa dɛ ɛ saraha o ta, dɛ fuh bela baa dɛ tomɛ voɡa a ɛ mohooh kɛŋɔ bomboɡ ken, dɛ fuh voɡ Asera dajaŋ ɡe.

2 Koranar 23:6

Dɛ fuɡri voɡ Asera dajaŋa le Korowii Dea, dɛ kpɔ le Jerusalam dahare, dɛ ka fuah Kedrɔn Fɛlembɔjen ta o ɛ mohooh ken, dɛ pa ka ta nɛra ŋwama ta.

2 Webena 34:4

Kooro Josia ɡelɔ ba chɔɡ voɡ Baalre kwaa baa kpoo kwaa a ta dɛɛ ɛ sarahare, dɛ paɡre kwaa baa dɛ fuh daawiile a ta a bɛna la, dɛ kuuɡi Asera voɡare ne voɡare bwa soo siwi burbur ken, dɛ paa ka ta nɛra baa ɛ sarahare a ta mɔɔ dɛ serewe la ŋwama ta.

Kaala 32:21

O bɔɔ Arɔn ŋɔ, “Ɛrɛɛ nɛra nɔ ɛɛ asɛ he ɡel ba ɛ a ɡɛ wechɔɡ damanta nɔɔ?”

Sɛɡla 1:31

Anomanta, hɛɛ dɔ ɡɛ haa dɛ nyinii, ásɛ he ɡbaɡba we-ɛɛla ɡure he nyu ta.

Sɛɡla 14:14

Nɛn waa ɡel wedɛɛɡa ɛɛ dɛ́ dɔ deŋnetɛra, nɛndɛɛɡa ɡe ɛɛ dɔ ba we-ɛɛla kembɔr.

Mmarare 7:25

Hé fuh ba voɡare, he bɛ ɡel he pɛla lawɛ suuɡapoŋa ne suuɡaswɛm aa lɔ a ta la ásɛ dɛ ba kpɔa, dɛkalkɛŋɔ a do kɛŋɔ bela, dɛ́ won lawɛ heya. Korowii haa dɛ tomɔ nɔ kii.

Mmarare 7:5

Waa aa chɛ kɛŋɔ hé ɛɛ ba laanee kɛŋɔ, hé paɡre bela baa kpoo kwaa dɛ fuah dɛɛ tɛ ba voɡare, dɛ́ kuuɡi bwea baa paaɡa dɛɛ duura la, dɛ́ teŋni voɡhaah Asera dajaŋa la ta, dɛ́ fuh ba voɡare.

Mmarare 9:21

Asɛ dɛ kpɔ nabale haa ɛo o ɛ wechɔɡa tɛ heyaa la do nii ta, asɛ dɛ paɡro dɛ namɔ o ɛ mohooh ken, dɛ pa ta nee bɛl waa pala le bwejen la ta.