Kaala 32:11 - mzwDBL

¹¹ Anee Mosis soŋe Korowii waa dɛ tomɔ la ŋɔ, “N Naa Korowii, kpeɡri ne bokpeɡa kohona nee he lawɛ he nɛra le Ijipt harɛ ta, bɛ ɡel he baah di ba nɛ.

Kaala 32:11 ပူးပေါင်းရင်းမြစ်များ

Mumpar 18:27

Asɛ Abraham berɛ ŋɔ, “Kaforachɛ, a fe ta chɛɛ kɛ n maɡa nɔ dɔŋ maa ɛ nɛwɛnyini nɔ su baah che n Dɔɔ sie dɛ bol wa.

1 Koranar 8:51

Ya ɛ he nɛra, he kapɛrɛ diile haa kpɔ yaa le Ijipt harɛ ta yaa na bonyɛɡa kohona la.

Nehemia 1:10

N Naa Korowii, ba ɛ he bonɔɔna ne he ɡbaɡba nɛra. He kpeɡri ne he bokpeɡa nee he lɛɛ ba.

Yela 106:23

He baah diu dɛ fee ŋɔ hɛɛ chɔɡ baa, kɛ Mosis waa ɛ he bonɔɔ, he leo tɛ he te la soŋe, dɛ sɔɔh he bandia nyoa, he ta ban chɔɡɛ kpa.

Kaala 32:7

Anee Korowii ŋɔ Mosis be ŋɔ, “Berɛ tu kaa harɛ, he nɛra haa kpɔ ba le Ijipt harɛ la ɛ wechɔɡa dɛ vɛɛh mɛ.

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Kaala 8:8

Belaa Ijipt kooro yerɛ Mosis ne Arɔn dɛ ŋɔ ba be ŋɔ, “Hé soŋe Korowii ásɛ o laa sapone nɔ kpɔ n ne n nɛra nɛ, ásɛ n tɛ he nɛra ŋwɛnɛ bá ka kpoo kwaa tɛ Korowii.”

Aesaya 63:17

N Naa Korowii, ɛrɛɛ he ɡel ya kpaŋe ya laa sie kpɔ he ŋwɛnɛre ta nɔɔ? Ɛrɛɛ he ɡel ya ɛ deŋnekpeɡ, dɛ berɛ habɔɔ kpoe nɔɔ? Koh banɔ la baa dɛ tomɛ ne banɔ la baa ɛ he nɛra la waa dɛ́ ba ya be.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Wiile 2:20

N Naa Korowii, nyiŋi na. Umee he ɛ ken bwa nɔ? A chɛ kɛ haahna chwe ba bii baa dɛ nyin ba ola aa? A chɛ kɛ bá kpoo sɔfore ne Korowii keamere he Dea la bini naa?

Ɛsekeɛl 20:9

Gɛ aa ɛ ásɛ harɛre baa soɡe a ta nɛra bɛ n sɔnchɔɡe yerɛ ŋɔ n bolɔ ŋɔ, mɛɛ lawɛ Israel tenaa le Ijipt harɛ ta nomanta, n ta ɡɛ ɛɛ.

Daneɛl 9:15

N Naa Korowii yaa dɛ tomɛ, henee cheɡɛ he kpeɡri ta lɛ he nɛra le Ijipt harɛ ta, dɛ lɛ sɔn tɛ he te a ta chɔ le ba le fini, kɛ ya ɡarɔ ɛ wechɔɡa kohona.

Joel 2:17

Hé sɔfore haa dɛ tomɛ Korowii o Dea doonyoa ne saraha kon baah ta la, hé wi dɛ́ soŋo ŋɔ, “Ya Naa Korowii, sune yan yaa ɛ he nɛra nɛ, bɛ ɡel harɛ nɛra bane mamɛ yaa dɛ́ ŋɔ, ‘Leperaa Korowii haa dɛ tomɔ la dɔɔ?’ ”

Nɛra Kura 11:11

Asɛ Mosis pɛɛ Korowii ŋɔ, “N Naa Korowii, bɔkwa waa he kpɔ ɡɛ wahala nɔ dawɛ men maa ɛ he bonɔɔ nɛɛ ken ɔ? Bɔkwaa n ɛ dɛ jo he nɛɛ, he kpɔ ɡɛ nɛra nɔ waa bwa dawɛ n nɛɛ ŋɔ mɛ́ɛ nyiŋi ba nɛɛ nɔɔ?

Nɛra Kura 14:13

Mosis berɔ ŋɔ Korowii be ŋɔ, “Dɛ Ijipt tena no a wa aa, ɛrɛɛ baa ba bola ɔ? Ba ɡbabir na he kpeɡri haa kpɔa lɛ nɛra nɔ le ba be.

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

Nɛra Kura 21:7

Israel tena la berɔ ba Mosis be, dɛ ba sɛh ba chɔɡre dɛ ŋɔ, “Ya ɛ wechɔɡa kɛ yaa bol waa yaɡɛ Korowii ne hen. Soŋe Korowii tɛ yaa, ásɛ o le harɛkwaare nɔ ne tɛ yaa.” Asɛ Mosis soŋe Korowii tɛɛ ba.

Nɛra Kura 27:4

Ɛrɛɛ waa ɡela ya mɛɛ sɔn he Israel tena bini nɔɔ? Waa wola bibaala dɔe waa kɛɛ? Tɛ yaa harɛ ɡɛ haa tɛ o lolanar baa le ya dea la, ásɛ ya mɛɛ sɔn bɛ he.”

1 Samoɛl 15:11

“A dɛ we n nɛɛ kɛ maa cheɡ Sɔɔl kooro, dɛkalkɛŋɔ o ta n waa ta teŋɛ dɛ vɛɛh mɛ.” Samoɛl liire chɔɡ ɡɛ waa nɔ waa kɛrɛdɛ, asɛ o wi no Korowii awola jwaana la bwa.