Kaala 31:4 - mzwDBL

⁴ wejema waa won kpɔ suuɡaswɛm ne suuɡapoŋa dɛ ayaawa dɛɛ ɛ kwaa á do wer.

Kaala 31:4 ပူးပေါင်းရင်းမြစ်များ

1 Koranar 7:14

A ɡɛ Hiram nɔ, luhaah bɛl waa le Naftale dea biee on. Dɛ o mɛɛ le bwɛjen Taaya, dɛ dɔ ayaawa kpɔe dɛ́ ɛ kwaa wejema. O wejema ne liire waa dɔa dɛ kpɔ dɛɛ ɛ ayaawa kwaa bwa soo siwi kan taeh. O la Kooro Solomɔn yer la, dɛ ka ɛ toma bwa waa ŋɔa o ɛ.

2 Webena 2:7

Anomanta, tɛ mɛ nɛn waa dɔ wejema, dɛ́ won di ɡwine dawɛ suuɡaswɛm kɛɛ suuɡapoŋ kɛɛ ayaawa dɛ bune ta, dɛ́ berɛ won kpɔ jiseburum ne jisekɔl, dɛ onswɛm sɔh yal. Wɛɛ ba ja Juda ne Jerusalam nɛra baa dɔ kwaa sɛɛh wejema n mɛɛ Kooro Devid lee ba la nɛɛ baa ɛ toma.

Kaala 26:1

Korowii berɔ ŋɔ Mosis be ŋɔ, “Kpɔ jisepondɛɛɡe ne jiseburum ne jisekɔl dɛ jiseswɛm sɔh pateesanre fi, dɛ́ ɡel nɛn waa dɔ kwaa sɔeh wejema ɛ Kerobim dawɛ a ta, dɛ́ kpɔ kwaa Tɛnte Dea waa ɛ n dobɔr tɛ mɛ.

Kaala 28:15

Ɛ kon waa dawɛ Sɔfonomoa la bambile ta, ó kpɔ dɛɛ jemɛ waa aa wera dɛɛ le Korowii be, nɛn waa dɔ o wejemaa chɛ kɛ ó ɛo. Ɛo kɛŋɔ batakaarebora efɔd la siwi baa kpɔ suuɡaswɛm ne jiseburum ne jisekɔl ne jiseswɛm dɛ jisepondɛɛɡe sɔɔh la ken.

Kaala 31:3

dɛ ɡel n Doma so o nɛ, dɛ tɛo wejema waa kpɔa dɛɛ sɛh kwaa ne kwaa sɔeh dɛ anɔ la aa jaa dɛ do ken bwa,

Kaala 31:5

Bwedɛɛɡa sɛɛh dɛ́ cheɡa suuɡaswɛm ta, ne daa kpɔe dɛ́ sɛh koŋkwaa dɛ anɔ la aa do ken bwa soo siwi.