Kaala 31:16 - mzwDBL

¹⁶ Israel tena chɛ kɛŋɔ báa di Ona Tɔpere nɔ, o ɛ fɔo dɛ chɔ le saŋ bɛlbwa tɛ naanar baa ka ba bwa.

Kaala 31:16 ပူးပေါင်းရင်းမြစ်များ

Mumpar 17:11

Penteŋa nɔɔ dɛ́ baɡle fɔo waa chɔ n ne he baah.

Mumpar 9:13

Mɛɛ ɡeloo n bwaala deŋɡare do nyundua baama bini, dɛɛ baɡle fɔo n ne haa fɔwa harɛ nɔ ta la.

Nehemia 13:15

A ɡɛ saŋ la, n na Juda tena bane baa dɛ tiɡri ɡrepo nɔna ta, dɛ kpɔ a nee dɛɛ ɛ sen Ona Tɔpere ta. Bane ɡe che mea ne sen ne ɡrepore, ne fiɡ daa nɔna, dɛ kwaa bwa soo siwi ba keeɡore ta, dɛɛ ba Jerusalam. Anomanta, n kah ba ŋɔ, bá nyiŋi kɛrɛdɛ dɛ bɛ komɛlbwa yoɡ Ona Tɔpere ta.

Kaala 31:15

Tɔpera anumɛlee chɛ kɛŋɔ bɛlbwa kpɔ ɛ o toma, kɛ tɔpenuanɛ wee la ɛ Ona Tɔpere. O ɛ tɔpere waa do ɡoroŋ dɛ tɛ men Korowii. Nomɛlbwa waa ɛ toma o ta la chɛ kɛŋɔ bá kpoo.

Kaala 31:17

Onee dɛ́ do n ne Israel tena baah dɛɛ lii yaa saŋ bɛlbwa, dɛkalkɛ tɔpera anumɛlee men Korowii kpɔ ta nyundua ne harɛ, asɛ dɛ ɡel toma ɛɛ dɛ onɛ tɔpenuanɛ wee la ta.”

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Jeremia 50:5

Baa bɔɔ Saayɔn ŋwɛnɛ waa, dɛ́ kpɔ sie chaɡɛ bela kaa. Baa kpɔ ba tenee ba pɛl men Korowii, ásɛ n ne ba fɔwɛ fɔo waa do le saŋ bɛlbwa dɛɛ la, baa wola o waa soh bwa.