Kaala 31:13 - mzwDBL

¹³ “Ŋɔ Israel tena be ŋɔ a chɛ kɛŋɔ báa di n Ona Tɔpera. Anee dɛ́ ɛ danseɛ kon n ne ba baah dɛɛ lii ba, hale dɛ ka tel ba naanar baa ka ba bwa nɛ, ásɛ he jemɛ kɛŋɔ men Korowiirii le heyaa tɛ n te hé ɛ n nɛra.

Kaala 31:13 ပူးပေါင်းရင်းမြစ်များ

Nehemia 9:14

He ŋɔ báa di he Ona Tɔpera a do ɡoroŋ, dɛ che he bonɔɔ Mosis nɛɛ kpɔ he Mmarare tɛɛ ba.

Kaala 31:12

Belaa Korowii bol Mosis be ŋɔ,

Kaala 31:17

Onee dɛ́ do n ne Israel tena baah dɛɛ lii yaa saŋ bɛlbwa, dɛkalkɛ tɔpera anumɛlee men Korowii kpɔ ta nyundua ne harɛ, asɛ dɛ ɡel toma ɛɛ dɛ onɛ tɔpenuanɛ wee la ta.”

Aesaya 56:2

Naate waa dɛ ɛ waa nɔ dɛ lawa kpoŋe kɛrɛdɛ, dɛɛ di Ona Tɔpere waa wola on chɔɡ, dɛ lawɛ o te waa wola wechɔɡa ɛ la, o na som.”

Jeremia 17:22

He bɛ bone bɛlbwa kpɔ le he deremi ta, kɛɛ dɛɛ ɛ toma Ona Tɔpere la ta. Hé ɡel ó do ɡoroŋ ɡɛ maa do he naawa la.

Ɛsekeɛl 20:12

N ŋɔ baa di Ona Tɔpera la a ɛ fɔo dɛ́ chɔ n ne ba baah, dɛ́ lii kɛŋɔ men Korowiirii ɛɛ ba ba do ɡoroŋ.

Ɛsekeɛl 20:20

Hɛ́ɛ di n Ona Tɔpera la, dɛ́ ɡel a do ɡoroŋ, ásɛ a ɛ waa dɛ chɔ n ne he baah ta. Anee dɛ́ ɡel he jemɛ kɛŋɔ menee Korowii haa dɛ tom mɛ la.’

Ɛsekeɛl 37:28

N kpɔ n Dea la ba cheɡ ba harɛ la ta saŋ bɛlbwa dɛɛ la naa, anee dɛ́ ɡel harɛre nɛra jemɛ kɛŋɔ menee le Israel tena tɛ n te.’ ”

Ɛsekeɛl 44:24

Nomɛl ne o dɔŋ dɔ waane aa, sɔfore laanee dɛ́ nyiŋi a ta, dɛ́ bola, ɡɛ aa lɔ me Mmarare ta la. A chɛ kɛ baa teŋɛ me Mmarare ne n waa maa kpɔa tɛɛ ba bwa ta, n tɔpejena maa lea cheɡ bwa, ásɛ dɛɛ di n Ona Tɔpera la, dɛ́ ɡel a do ɡoroŋ.

Lewi Dea Tena 19:3

He bini bɛlbwa chɛ kɛ wɛ́ɛ duu o nya ne o mɛɛ, ásɛ dɛɛ di n Ona Tɔpera maa kpɔa tɛ heyaa la. Menee Korowii haa dɛ tom mɛ la.

Lewi Dea Tena 19:30

Hɛ́ɛ di n Ona Tɔpera la, ásɛ dɛ ɡel duure do bela haa dɛ tom mɛ la. Men Korowiirii bola.

Lewi Dea Tena 20:8

Hé lawɛ me Mmarare bini kpoŋe dɛ́ɛ teŋɛ a bwa ta, dɛkalkɛ menee Korowii, menee ɡela he do ɡoroŋ.

Lewi Dea Tena 21:8

Nɛra la ɛɛ nyiŋi sɔfore kɛŋɔ nɛra baa do ɡoroŋ, banee kpɔ saraha kondikwaa aa do ɡoroŋ baa tɛ Korowii baa dɛ tomɔ la. Onee Korowii, o do ɡoroŋ dɛ ɡel o nɛra ɡe ɛɛ do ɡoroŋ.

Lewi Dea Tena 23:3

Tɔpera anumɛlee lole kɛ hé kpɔ ɛ he tomare, kɛ tɔpenuanɛ wee la ɛ Ona Tɔpere. O ɛ tɔpere hé bwa aa cheme dɛ́ɛ tom mɛ o ta. He bɛ toma bɛlbwa ɛ o ta bobɛlbwa haa soɡa, o ɛ Ona Tɔpere dɛ tɛ Korowii.

Lewi Dea Tena 25:2

ó ŋɔ Israel tena be ŋɔ, “He baa tel harɛ maa kpɔa dɛɛ ba heyaa tɛɛ la ta naa, hé koh men Korowii wa, dɛ́ ɡel harɛ la ɡbabir dɔ ona saŋ bɛl tɛ mɛ.

Lewi Dea Tena 26:2

Hɛ́ɛ di n Ona Tɔpera la, ásɛ dɛ ɡel duure do n Dea bela. Men Korowiirii bola.

Emɔs 8:5

dɛɛ bol ŋɔ, “Saŋ besoo Korobifala Tɔpejena dii ɛɛ ba a jaɡa bala ásɛ ya yoɡ mea ɔ? Saŋ besoo Ona Tɔpere ɡe ba kaa ásɛ ya ka yawɛ kwa ɔ? Ásɛ ya kpɔ kwaa aa wola chɛ kɛ ya kpɔ maɡɛ kwa, dɛ́ dawɛ a yoɡ, dɛ́ faah nɛra a maɡa ta,

Matiu 23:17

Nyoŋeɡɛna bane! Suuɡaswɛm la ne Korowii Dea la waa ɡela suuɡaswɛm la do ɔma la, umee do ɔma ɡwaa o dɔŋ ɔ?

Amanesoma Jɔn Aa Chwera Tɔn 17:17

Che he kasinteŋ waa la ta, dɛ́ laa doŋa bɛlbwa kpɔ ba nɛɛ bá won ɛ he ɡbo nɛra. He waa ɛ kasinteŋ.

Amanesoma Jɔn Aa Chwera Tɔn 17:19

Ba nomanta, n kpɔ n te tɛɛ dɛ ɛ he ɡbosoroo nɛn ásɛ ba ɡe ɡba won berɛ he ɡbosoroo nɛra, teŋa baa dɛ teŋɛ he kasinteŋ la ta nomanta.

Mmarare 5:12

Hé di Ona Tɔpere la, dɛ́ ɛo tɔpedɛɛɡe ó do ɡoroŋ, ɡɛ men Korowii haa dɛ tom mɛ nɔ aa do heyaa wubwa la.

1 Tesalonika 5:23

Korowii waa dɛ tɛ yaa bosɔɔhna la, ó ɡbabir laa doŋa bwa kpɔ he nɛ, dɛ ɛ heyaa nɛndɛɛɡa ŋwɛnɛ bɛlbwa ta ka tel kɛŋɔ ya Dɔɔ Yeesu Kristo aa ba.

Tɔn Jud Aa Chwera 1:1

Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.