Kaala 30:7 - mzwDBL

⁷ Arɔn chɛ kɛŋɔ ó fuh daawiile a sɔɔh aa soma o ta, chɔɔ bɛlbwa waa ba nyiŋi kandere la.

Kaala 30:7 ပူးပေါင်းရင်းမြစ်များ

1 Webena 23:13

Amram ɡe bibaalaa, Arɔn ne Mosis. Ba le Arɔn cheɡ, asɛ o ne o naanar ɛɛ nyiŋi kwaa baa lea cheɡ tɛ Korowii a do ɡoroŋ kohona ta. Asɛ ba kpɔ saraha kwaa dɛɛ la Korowii sie, dɛɛ ɛ toma o sie dɛ che o sɔn ta swee andɛɛɡa tɛ nɛra saŋ bɛlbwa dɛɛ la.

1 Webena 6:34

Ɛlkana bibaa Samoɛl, Jɛroham bibaa Ɛlkana, ne Eliel bibaa Jɛroham, dɛ Toa bibaa Eliel,

2 Webena 2:3

Kooro Solomɔn kpɔ kala tɛ Taaya Kooro Hiram ŋɔ, “Tɛ mɛ peleme daa ɡɛ haa tɛ n mɛɛ Kooro Devid o do koodem la.

2 Webena 2:4

N dɛ ba Dea doe tɛ Korowii maa dɛ tomɔ, ásɛ baa tomɔ o bini. Wɛɛ do ɡoroŋee, ásɛ n ne n nɛra fuh daawiile a sɔɔh aa soma dɛɛ tomɔ bela, dɛ́ kpɔ paanoo baa lea cheɡ tɛ Korowii o do ɡoroŋ dɛɛ ba o sie tɔpere bɛlbwa, dɛɛ fuh saraha kwaa chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane Korowii yaa dɛ tomɔ aa lea cheɡ. Gɛ waa nɔ chɔ le tɛ Israel tena saŋ bɛlbwa dɛɛ la.

2 Webena 26:18

Asɛ ba la o be ka bɔɔro ŋɔ, “N naa kooro, he ta ŋwɛnɛ dɔe kɛŋɔ he fuh daawiile a sɔɔh aa soma tɛ Korowii. Sɔfore baa ɛ Arɔn naanar baa sɔ ba doŋa ta, ba do ɡoroŋ Korowii be pera la, banee dɔ a ŋwɛnɛ kɛ bá ɛ ɡɛ toma nɔ. Le Korowii Dea bonɔ kaa, dɛkalkɛ he waa ta kasinteŋ dɔe o sie, waa andɛɛɡaa swee tɛɛ kpa.”

2 Webena 29:7

Ba berɔ laa Korowii Dea la ɡbeni tɔɔɡe, dɛ ɡel kandere la dirimi, dɛ vɛh daawiile a sɔɔh aa soma, kɛɛ saraha kwaa baa dɛ fuah fueh Korowii Israel tena aa dɛ tomɔ la Dea bini.

Yela 141:2

No n wesoŋa kɛŋɔ daawiile baa dɛ fuah a sɔɔh do som. Lɛ n nɔɔra maa ɡɔɔra dɛɛ soŋe nɔ, ɡɛ haa dɛ lɛ jɔmɔr saraha la.

Kaala 30:34

Korowii berɔ ŋɔ Mosis be ŋɔ, “Kpɔ konsɔɔhsoma aa ɛ daawiile ane baa dɛ yera rɛsem ne onicha ne ɡalbanum, dɛ fraŋkensɛns tenten á bwa ɛ kɛrɛdɛ,

Kaala 30:6

Kpɔ kon baa dɛ fuh konsɔɔhsoma o ta la cheɡ pateesan waa lɔ boɡoroŋ bɔr la sie. N Ne Nɛwɛnyina Fɔo Daka la ne o tɔ cheɡɛ o habɔɔ. Belaa mɛɛ ba heyaa dɛɛ chema.

Kaala 30:8

A chɛ kɛ ó berɛ ɛ ɡɛ tenten jɔmɔra bɛlbwa waa baa choŋi kandere la, ásɛ daawiile la ɛɛ fuh tɔperee te bwa men Korowii sie, ka tel ba naanar baa ka ba nɛ.

Kaala 40:27

asɛ dɛ fuh daawiile aa sɔɔh aa soma kohona o ta, ɡɛ Korowii aa doo la.

Lewi Dea Tena 6:5

kɛɛ waane waa ŋwɛɛ a ta pɛɛpɛɛ. Awola waa kpɔ o bolchɔɡe dii saraha ka tɛ sɔfo la, a chɛ kɛ o berɛ kwaa la bwa tɛ naate, dɛ́ bɔne anɔ la waa bera tɛ la dɔŋa bini anue, dɛ́ bɔ bɔrbeŋkpoŋ ja a ta.

Nɛra Kura 16:40

ɡɛ Korowii aa cheɡɛ Mosis nɛɛ dɛ baɡle Eliasa la. Anɔɔ dɛ́ ja Israel tena kɛ nomɛlbwa waa wola Arɔn naa mun leɛ ta chɛ kɛ ó la Korowii sie ka fuh daawiile. Bɛlbwa ɛ ɡɛ naa, Kora ne o bala waa aa puu ba laanee wɛɛ ba nae.

Nɛra Kura 7:56

ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

Amanesoma Luk Aa Chwera Tɔn 1:9

Gɛ sɔfore yon dɛɛ ɛ la, ba ta chacha mɔɔ dɛ leo ŋɔ ó jo Korowii Dea dɛ́ ka fuh daawiile a sɔɔh aa soma.

We-ɛɛla 6:4

ásɛ ya te won dɔ bɔr dɛ́ kpɔ Korowii soŋa ne o Waa bola ɡbo ɛ ya toma.”

Mmarare 33:10

Báa dɛɛ baɡle he nɛra he Mmara ta teŋa taa, dɛ́ kpoo jam kwaa dɛɛ tɛɛ he saraha kon la ta.

1 Samoɛl 2:28

Israel deene fi dɛ anɛ bwa binii n le he naa Arɔn ne o bibaala cheɡ ŋɔ, bá ɛ n sɔfore, dɛ́ɛ la bela baa ɛ saraha dɛɛ tɛ men Korowii, dɛ́ ka fuh daawiile a sɔɔh aa soma dɛ́ɛ tom mɛ, dɛ́ do sɔfo batakaarebora efɔd ba n sie. N berɔ tɛ he naawa dea tena ŋwɛnɛ Israel tena kwaa baa kpɔa ba ɛ saraha dɛ fuh dɛɛ tɛ mɛ la, baa kpɔ a bini ane.

1 Samoɛl 3:3

Dɛ kandea waa lɔ Korowii Dea Boɡoroŋ la ta dɛ chaah, asɛ Samoɛl chɔ bela Korowii Ne Nɛwɛnyina Fɔo Daka la aa cheɡa.