Kaala 30:6 - mzwDBL

⁶ Kpɔ kon baa dɛ fuh konsɔɔhsoma o ta la cheɡ pateesan waa lɔ boɡoroŋ bɔr la sie. N Ne Nɛwɛnyina Fɔo Daka la ne o tɔ cheɡɛ o habɔɔ. Belaa mɛɛ ba heyaa dɛɛ chema.

Kaala 30:6 ပူးပေါင်းရင်းမြစ်များ

1 Webena 23:13

Amram ɡe bibaalaa, Arɔn ne Mosis. Ba le Arɔn cheɡ, asɛ o ne o naanar ɛɛ nyiŋi kwaa baa lea cheɡ tɛ Korowii a do ɡoroŋ kohona ta. Asɛ ba kpɔ saraha kwaa dɛɛ la Korowii sie, dɛɛ ɛ toma o sie dɛ che o sɔn ta swee andɛɛɡa tɛ nɛra saŋ bɛlbwa dɛɛ la.

1 Webena 28:11

Ate, Kooro Devid kpɔ ɡɛ baa ma dea la pato ne o bini deene, ne deene baa cheɡ laala a yoɡ aa kpeɡa bini, ne nyundua deene ne o bini deene, dɛ bela baa kpɔ nɛra wechɔɡa la Korowii be kaa soŋe, ó kpɔ kɛ ba tɛo.

Kaala 30:36

Namɛ ane a kper mohooh ken, dɛ́ kpɔ cheɡ n Dea Cheremibɔr, ásɛ dɛ kpɔ merɛ N Ne Nɛwɛnyina Fɔo Daka la sie. Á ɛ kwaa aa do ɡoroŋ kohona tɛ heya.

Kaala 30:5

Kwaa akaasia dajaŋa ásɛ dɛ kpɔ suuɡaswɛm ɛ a bwara.

Kaala 30:7

Arɔn chɛ kɛŋɔ ó fuh daawiile a sɔɔh aa soma o ta, chɔɔ bɛlbwa waa ba nyiŋi kandere la.

Kaala 40:26

Mosis berɔ ɡel ba kpɔ suuɡaswɛm kon baa dɛ fuh konsɔɔhsoma o ta dɛɛ tɛ Korowii la ba cheɡ o Dea Cheremibɔr la bini pateesan la sie,

Kaala 40:3

Kpɔ N Ne Nɛwɛnyina Fɔo Daka la cheɡ o bini dɛ́ kpɔ pateesan saɡɛ o sie.

Kaala 40:5

Kpɔ suuɡaswɛm kon baa dɛ fuh daawiile o ta la cheɡ N Ne Nɛwɛnyina Fɔo Daka la sie, dɛ́ kpɔ pateesan saɡɛ o doonyoa.

Lewi Dea Tena 16:13

Ó kpɔ daawiile la do nii la ta n sie bela, ásɛ a chuu la bɔle N Ne Nɛwɛnyina Fɔo Daka tɔ la ta, ásɛ o bɛ o tɔ la na dɛ́ ba sewɛ.

Nɛra Kura 17:4

Kpɔ daŋɡbale la ka bil n Dea Cheremibɔr, N Ne Nɛwɛnyina Fɔo Daka la sie bela maa dɛ cheme heyaa la.

Matiu 27:51

Waa sewa la, ate dɛ yal waa teŋe Korowii Dea la baah ta la pere anɛ le nyundua ba ta harɛ. Harɛ jiɡro, asɛ bwetala bini peɡri,

Hibru 4:16

Anomanta, hé ɡel ya lɔ bambile dɛ́ tel Korowii waa dɛ sune nɛra nɛɛ dɛɛ cha ba la sie. Wɛɛ na ya sumii dɛɛ cha yaa ɡɛ saŋ aa hiah yaa.