Kaala 30:34 - mzwDBL

³⁴ Korowii berɔ ŋɔ Mosis be ŋɔ, “Kpɔ konsɔɔhsoma aa ɛ daawiile ane baa dɛ yera rɛsem ne onicha ne ɡalbanum, dɛ fraŋkensɛns tenten á bwa ɛ kɛrɛdɛ,

Kaala 30:34 ပူးပေါင်းရင်းမြစ်များ

Kaala 37:29

O ɛ noo aa do ɡoroŋ baa kpɔa dɛɛ do nɛn sɔfore ta, ne daawiile baa dɛ fuah, ɡɛ nɛn waa dɔ a wejema aa dɛ ɛa la.

Lewi Dea Tena 2:15

Kpɔ noo do a ta, ásɛ dɛ kpɔ daawiile a sɔɔh aa soma ja a ta. A ɛ mea saraha.

Kaala 30:23

“Kpɔ konsɔɔhsoma aa wera kohona nɔ, korobo nee a tɔɡre aa ɛ kilo anumɛl, ne dapɛɡa a sɔɔh aa soma baa dɛ yera sinamɔn a tɔɡre aa ɛ kilo atoro, dɛ daa bɛl o sɔɔh aa soma o ɡe tɔɡre aa ɛ kilo atoro,

Kaala 25:6

ne ɔleve noo baa kpɔ do kandea ta, ne konsɔɔhsoma baa kpɔ koo noo baa kpɔa dɛɛ do nɛn sɔfore ta, ne anɔ la baa kpɔ koo daawiile ta dɛ́ fuah,

Matiu 2:11

Ba jo dem bela, dɛ ka na bie la ne o nya Mɛɛre. Ba kaa ɡuŋi bie la, dɛ duuru dɛ pur ba bone, dɛ kpɔ suuɡaswɛm ne daawiile ane a sɔɔh aa soma baa yera fraŋkensɛns ne korobo tɛ bie la.

Yelsom 3:6

Bɔkwaa le pua hɛŋle ɡbo harɛ ta, dɛ le chuu dɛɛ kaa nyundua a sɔɔh do som, kɛŋɔ daawiile ne korobo bonadiire aa dɛ yoɡa nɔɔ?

Nehemia 13:5

Asɛ Eliasib kpɔ dejen ba fa aa dɛ cheɡ mea baa kpɔa ba ɛ saraha ne daawiile, ne laala bwa soo siwi aa lɔ Korowii Dea, ne mea baa bɔne a bini bɔre fi bini bɔrbeŋkpoŋa, ne senfala dɛ ɔleve noo aa chɛ kɛ ba kpɔ tɛ Lewi dea tena, ne Korowii Dea yelɡoola dɛ nɛra baa dɛ nyiŋi doonyoo ta, dɛ anɔ la baa kpɔ tɛ sɔfore bwa, do Tobia nɔn ta.

Lewi Dea Tena 24:7

Baŋ bɛlbwa ta la, ɛ daawiile a sɔɔh aa soma bil a jwɛh a ɛ saraha kwaa baa fuh cheɡ paanoo la naa ta tɛ Korowii.

Lewi Dea Tena 5:11

Dɛ waa won dɔ kulukuku bii anɛ kɛɛ borɔnoma bii anɛ la aa, ó kpɔ men baa nama a kper kɛrɛdɛ dɛ ɛ kuruwa del ba ɛ o wechɔɡa kpɔe dɛ kɛ saraha. O bɛ noo kɛɛ daawiile a sɔɔh aa soma ane bɛlbwa do a ta, dɛkalkɛ a ɛ wechɔɡa kpɔe dɛ kɛ saraha.

Lewi Dea Tena 2:1

Korowii berɔ ŋɔ, “Nomɛlbwa kpɔ mea saraha dɛɛ ba n tɛɛ yaa, ó nama a kper kɛrɛdɛ. Dɛ́ fuɡe noo do a ta, dɛ́ ɛ daawiile ja a ta.

Kaala 30:33

Nomɛlbwa waa ɛ konsɔɔhsoma nɔ siwi, kɛɛ dɛ fuɡe ane do nomɛlbwa waa wola sɔfo ɛɛ nyu ta la, a chɛ kɛŋɔ bá le o ne o nɛra bini.”

Kaala 30:35

dɛ́ koora a sɔɔh do som kɛrɛdɛ, nɛn waa dɔ a ɛɛ wejema aa ɛa. A chɛ kɛŋɔ hé do yar a ta a ɡel á do wer dɛ́ do ɡoroŋ.

Kaala 31:11

ne noo baa kpɔa fuɡe dɛɛ do sɔfore nyu ta, dɛ daawiile a sɔɔh aa soma baa fuah Boɡoroŋ bela. Bá ɛa ɡɛ tenten maa doe la.”

Kaala 35:15

ne kon baa ba dɛ fuh daawiile o ta, ne daa baa kpɔ dɛɛ cheo, ne noo baa kpɔa dɛɛ do nɛn sɔfore ta, ne daawiile a sɔɔh aa soma kohona, dɛ pateesan wáa saɡɛ Korowii Tɛnte Dea doonyoa,

Lewi Dea Tena 16:12

Ó kpɔ kon buh nii le saraha kon la ta n sie, dɛ́ ɛ daawiile a sɔɔh aa soma ba nama a kper kɛrɛdɛ nɔndela anɛ, dɛ́ kpɔ jo ba Boɡoroŋ Tenten pateesan la habɔɔ.

Nɛra Kura 4:16

Arɔn bibaa Eliasaa dɛɛ ba wɛɛ nyiŋi noo baa kpɔ dɛɛ choŋi kandere, ne daawiile a sɔɔh aa soma, ne tɔpere bɛlbwa mea saraha, ne noo baa kpɔa dɛɛ do nɛn sɔfore ta. Onee chɛ kɛ wɛɛ nyiŋi n Tɛnte Dea la ne o laala ne o koŋkwaa bwa ɡe ta.”

Aesaya 43:23

Hé ta peera kpoe dɛ fuah ɛ sarahare tɛ mɛ, á ba ɛ kɛŋɔ hɛɛ kpɔ saraha bɛlbwaa ba duu mɛ. N ta mea sarahare waa kpɔe dawɛ he nɛɛ a ɛ heyaa bontɔɡa, n ta daawiile ɡe waa pɛɛrɛ le he be he mee le.

Kaala 30:7

Arɔn chɛ kɛŋɔ ó fuh daawiile a sɔɔh aa soma o ta, chɔɔ bɛlbwa waa ba nyiŋi kandere la.

Nɛra Kura 7:14

ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,