Kaala 30:23 - mzwDBL

²³ “Kpɔ konsɔɔhsoma aa wera kohona nɔ, korobo nee a tɔɡre aa ɛ kilo anumɛl, ne dapɛɡa a sɔɔh aa soma baa dɛ yera sinamɔn a tɔɡre aa ɛ kilo atoro, dɛ daa bɛl o sɔɔh aa soma o ɡe tɔɡre aa ɛ kilo atoro,

Kaala 30:23 ပူးပေါင်းရင်းမြစ်များ

1 Koranar 1:39

Asɛ sɔfo Sadɔk kpɔ nyeɡle bɛl noo aa lɔ o bini le Korowii Dea Cheremibɔr, dɛ ba fuɡe do Solomɔn nyu ta. Ba hoh bɛla la, asɛ nɛra baa teŋɛ o nɛɛ bwa ɛɛ moo kohona ŋɔ, “Korowii tɛ Kooro Solomɔn mkpajaŋ!”

1 Webena 9:29

Ba bini bane ɡe, Boɡoroŋ la bini kwaara ne laala aa kaa dɛ do bela la lɔ ba nɔn ta. Dɛ kwaane kɛŋɔ men aa kpera kɛrɛdɛ, ne sen ne ɔleve no ne daawiile a sɔɔh aa soma, dɛ konsɔɔhsoma.

1 Webena 9:30

Kɛ konsɔɔhsoma la koora te, sɔfore la bini bane nɔn taa a do baa ɛ.

Yela 45:8

He laala sɔɔh tɔ konsɔɔhsoma bwa soo siwi, ba kpɔ bala nyena kwaa he kooderemi, yelɡoola kpɔ janjela lɔ yela, dɛɛ lɛ he sie.

Kaala 25:6

ne ɔleve noo baa kpɔ do kandea ta, ne konsɔɔhsoma baa kpɔ koo noo baa kpɔa dɛɛ do nɛn sɔfore ta, ne anɔ la baa kpɔ koo daawiile ta dɛ́ fuah,

Kaala 30:22

Korowii berɔ ŋɔ Mosis be ŋɔ,

Kaala 30:24

ne konsɔɔhsoma baa dɛ yera kaasia a tɔɡre aa ɛ kilo anumɛl. Á bwa ɛ ɡɛ baa maɡa bil Korowii Dea la, dɛ ɔleve no pɛrɛntoa dela anumɛl aa ɛ ɡalɔŋ beŋkpoŋ.

Kaala 31:11

ne noo baa kpɔa fuɡe dɛɛ do sɔfore nyu ta, dɛ daawiile a sɔɔh aa soma baa fuah Boɡoroŋ bela. Bá ɛa ɡɛ tenten maa doe la.”

Kaala 35:28

ne konsɔɔhsoma ne noo baa kpɔ do kandea la ta, dɛ noo baa kpɔ do nɛn sɔfore ta, dɛ kpɔ koo daawiile baa fuah ta ba a ne.

Kaala 37:29

O ɛ noo aa do ɡoroŋ baa kpɔa dɛɛ do nɛn sɔfore ta, ne daawiile baa dɛ fuah, ɡɛ nɛn waa dɔ a wejema aa dɛ ɛa la.

Sɛɡla 7:17

Dɛ kpɔ korobo ne konsɔɔhsoma bwa soo siwi merɛ o ta.

Yelsom 1:13

N sɛno maa dɛ nyinu sɔɔh som kɛŋɔ korobo, dɛ do n ela baah.

Yelsom 1:3

He nosɔɔhsoma sɔɔh som, he sɔn do kɛŋɔ baa fuɡe nosɔɔhsoma ta. A waa ɡela bitoli bwa ɛɛ nyin he wa.

Yelsom 4:14

ne safrɔn, ne kalamus ne sinamɔn, ne korobo, dɛ konsɔɔhsoma aa wera bwa soo siwi.

Aesaya 43:24

He ta daawiile kalamus a sɔɔh aa soma yawɛ bá fuh tɛ mɛ, á ba ɛ kɛŋɔ he tɛ mɛ he saraha kwaa bodɛɛɡa á su n siwi. Kɛ he wechɔɡa kan dɛ ɛɛ mɛ bone, he wedoŋa ɡe ɛɛ le n mee.

Jeremia 6:20

N waane laa daawiile baa le ane Seeba harɛ dɛɛ ba, kɛɛ kalamus a sɔɔh aa soma baa le a ne bojaŋ harɛ ta dɛɛ ba la. Maa saraha kwaa haa dɛ fuah la nyin, n sie aa kwaa haa kpoora dɛɛ tɛ mɛ ta lɛ.

Ɛsekeɛl 27:19

Dan dea tena ne Grik tena baa le Usal kpɔ bune baa ɡuɡra dɛ choŋra, ne kalamus a sɔɔh a soma dɛ ɡel kondikwa ɛɛ do som, ba charɛ laala he be.

Ɛsekeɛl 27:22

Seeba tena ne Raama tena ne he di bona. Ba kpɔ konsɔɔhsoma bwa soo siwi aa wera kɛrɛdɛ ne bwedɛɛɡa a yoɡ aa kpeɡa, dɛ suuɡaswɛm ba charɛ laala he be.

Nɛra Kura 4:16

Arɔn bibaa Eliasaa dɛɛ ba wɛɛ nyiŋi noo baa kpɔ dɛɛ choŋi kandere, ne daawiile a sɔɔh aa soma, ne tɔpere bɛlbwa mea saraha, ne noo baa kpɔa dɛɛ do nɛn sɔfore ta. Onee chɛ kɛ wɛɛ nyiŋi n Tɛnte Dea la ne o laala ne o koŋkwaa bwa ɡe ta.”

1 Samoɛl 10:1

Belaa Samoɛl kpɔ ɔleve noo loŋbir dɛ fuɡe do Sɔɔl nyu ta, dɛ ɡbaaro pɛl bambile dɛ ŋɔ, “Korowii lee he ɛ o nɛra Israel tena sitɔɔ. Hɛɛ nyiŋi ba nɛɛ, dɛ́ lɛɛ ba le ba dɔma baa bar ba cheme nɔn ta. Anee dɛ́ baɡle kɛŋɔ Korowii lee he ɛ o nɛra Israel sitɔɔ.