Kaala 30:20 - mzwDBL

²⁰ Saŋ bɛlbwa baa jo n Dea Cheremibɔr bela la, a chɛ kɛŋɔ bá sarame ba te dɛ bɛ sewɛ. Ba berɔ ba kon baa fuh kwaa dɛɛ ɛ saraha o ta dɛɛ tɛ men Korowii aa,

Kaala 30:20 ပူးပေါင်းရင်းမြစ်များ

1 Webena 13:10

Korowii baah di Ussa nɛɛ dɛ kpoo buɡ la ta, dɛkalkɛ o kpɔ nɔn lawɛ Daka la. Anomanta, Korowii sie belaa o sewɛ.

Yela 89:7

Nyundua toroma bwa chemaa, hen Korowiirii do ɔma kohona, a bwa dɛ ɔmɛ, dɛ kpɔ duure dɛɛ tɛɛ.

Kaala 12:15

Hé di paanoo iisi aa wola toole a ta tɔpera anuanɛ. Tɔpere waa tɔ sie la, hé laa iisi bɛlbwa kpɔ he deene bini. Nomɛlbwa waa di paanoo iisi aa do o ta a ɡɛ tɔpera nɔ ta la, dɛ o ta n nɛra baa ɛ Israel tena la bini jae kpa.

Kaala 30:19

O bini nee Arɔn ne o bibaala ɛɛ ba ba nɔɔra ne naa sarama.

Kaala 30:21

bá sarame ba nɔɔra ne naa mɔɔ dɛ bɛ ba sewɛ. Gɛ waa nɔ ɛ waa aa chɔ le tɛ Arɔn ne o naanar baa ka ba bwa.”

Kaala 40:31

asɛ Mosis ne Arɔn ne o bibaala ɛɛ sarame ba nɔɔra ne nakpale o ta.

Lewi Dea Tena 16:4

A chɛ kɛ ó do sɔfo laala aa do ɡoroŋ baa kpɔ yapondɛɛɡe nyara. O yapebora waa lawɛ o bwadabi, ne batakaare baa dɛ doo mun ta ne o kiriso, dɛ o yal waa kpɔ vɔwɛ nyu. A do ɡoroŋ nomanta, a chɛ kɛ ó sɔ nee mɔɔ dɛ́ doa.

Lewi Dea Tena 8:6

Ate, Mosis lawɛ Arɔn ne o bibaala ba sie bela dɛ sɔ ba ne, dɛ laa ba doŋa bwa kpɔ ba nɛ.

We-ɛɛla 5:10

Buɡ la ta, o ɡe den chole chɔ Pita sie bela, dɛ ɡe sewɛ. Bonɔɔna la aa bala dɛ o ɡe sewɔ, asɛ ba cheo le buse dɛ ka huɡo o jaa jwɛh.

We-ɛɛla 5:5

Ananias aa dena no waa nɔ la, o den chole, dɛ sewɛ ɡe. Nɛra baa no a ɡɛ waa nɔ la bwa ɔmɔ kɛrɛdɛ.

1 Samoɛl 6:19

Korowii kpoo Bɛt Sɛmɛs baala fifraanuanɛ, nyiŋa baa kaa nyiŋi Korowii Ne Nɛwɛnyina Fɔo Daka la bini la wa. Bela tena la wii ba kohona, Korowii kpoe waa kpo ba la wa.