Kaala 30:10 - mzwDBL

¹⁰ Benanyoa bɛlbwa, kerabeŋkpoŋii chɛ kɛ Arɔn ɛ wechɔɡa kpɔe dɛ kɛ saraha, dɛ́ kpɔ kon baa kpo ɛ saraha la chal laa doŋa kpɔ nyeɡlare la ta. O do ɡoroŋ kohona tɛ mɛ.”

Kaala 30:10 ပူးပေါင်းရင်းမြစ်များ

Lewi Dea Tena 16:18

Wɛɛ berɔɔ le ba saraha kon la ta bela n sie, dɛ́ ba laa doŋa bɛlbwa kpɔ o ta. A chɛ kɛ ó kpɔ nao la chal la ane ne booh la chal ane, dɛ́ kpɔ ɛ kwaa aa paaɡe saraha kon la loŋkoni bwa ta.

Hibru 9:25

A ta hiaih kɛ o teŋɛ dɛɛ jo Boɡoroŋ Tenten la dɛ́ kpɔ o te ɛ saraha bena bɛlbwa ɡɛ Juu tena Sɔfonomoa aa dɛ jo ba kon ta chal aa wola o ɡbaɡba bwara chal ɛɛ ne la.

Lewi Dea Tena 23:27

“Korobie anuanɛ nɔ ta, o tɔpera fi ɛ Wechɔɡa Soŋa Korowii Be Ó Kpɔ Kɛ Tɔpejen. Hé bwa vɔwɛ nyoa dɛ́ cheme, dɛ́ tom mɛ awola tɔpere, dɛ́ kpɔ saraha kwaa baa fuah ba tɛ mɛ.

Hibru 9:7

Dea la bonɛɛte la te la, Sɔfonomoa ɡboo dɛɛ jo o bini. O ɡba kwaraa la, kerabeŋkpoŋ ɡboo wɛɛ jo bela bena bɛlbwa. O ta chal kpoŋaa, waa bela jo. A nee o kaa soŋe o wechɔɡa ne nɛra la wechɔɡa baa ɛa baa wola jemɛ kɛŋɔ ba ɛ wechɔɡa la.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Wepila 9:13

Nyundua torome waa jaa numɛl la hoh o bɛla, asɛ n no taa bɛl le kon baa dɛ fuh konsɔɔhsoma o ta ba kpɔ suuɡaswɛm ɛo o che Korowii sie dɛ dɔ loŋkoni anaarɛ la ta. Loŋkoni anaarɛ la bwa taa lɔŋɔ la le.

Kaala 30:9

He bɛ daawiile aa kora bɛlbwa fuh saraha kon nɔ ta, kɛɛ ol fuih saraha, kɛɛ mea saraha, kɛɛ sen saraha fuɡe ta o ta.

Kaala 30:11

Ate, Korowii ŋɔ Mosis be ŋɔ,

Lewi Dea Tena 16:2

O ŋɔ, “Ŋɔ he dɔɔ Arɔn be kɛŋɔ, o bɛ pateesan waa tɔ Boɡoroŋ Tenten la habɔɔ jo kaa bela N Ne Nɛwɛnyina Fɔo Daka tɔ la aa lole la warawara, dɛ́ ba sewɛ. Dɛkalkɛ Daka la tɔ doa belaa n che dɛɛ ba he be bam ta.

Lewi Dea Tena 16:16

Gɛɛ wɛɛ ba ɛɛ, dɛ́ fee doŋa ne deŋnekpeɡ, ne wechɔɡa bɛlbwa soo siwi Israel tena aa ɛa bwa ta Boɡoroŋ Tenten bela. A chɛ kɛ ó ɛ ɡɛ tenten n Dea Cheremibɔr la bini ɡe, waa cheɡɛ a baah ta nomanta, a bwaa kah doŋa.

1 Koranar 1:50

Dɛ Adonija ɡbabir dɛ ɔmɛ Kooro Solomɔn, anomanta, o iro jo Korowii Dea Cheremibɔr la bini, dɛ ka lawɛ kwaa aa paaɡe saraha kon la loŋkoni ta kɛŋɔ nyeɡlare la kpoŋe.

1 Webena 6:49

Arɔn ne o naanar ɡboo dɛ́ kpɔ saraha kwaa baa fuah ba kon baa dɛ fuh saraha o ta, dɛ́ kpɔ ane ɡe ba kon baa dɛ fuh daawiile o ta la ta. Banee dɛɛ ɛ Boɡoroŋ Tenten bela toma, dɛ́ soŋe Israel tena wechɔɡa Korowii be ó kpɔ kɛ ba, ɡɛ Korowii bonɔɔ Mosis aa do ba la.

Lewi Dea Tena 4:7

Ásɛ sɔfo la ɛ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni ta dɛ do n sie n Dea Cheremibɔr la bini la. Chal la kar la, ó le dɛ́ ka fuɡa ta o mun ta n doonyoa bela.

Lewi Dea Tena 4:18

Sɔfo la kpɔ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni la ta n sie, n Dea Cheremibɔr bela. Dɛ́ fuɡe chal la kabora ka ta kon baa dɛ fuh saraha kwaa o ta la mun ta, n Dea Cheremibɔr la doonyoa bɔr bela.