Kaala 30:1 - mzwDBL

¹ Korowii berɔ ŋɔ Mosis be ŋɔ, “Kpɔ akaasia daa kwaa kon baa dɛɛ fuh daawiile o ta tɛ mɛ.

Kaala 30:1 ပူးပေါင်းရင်းမြစ်များ

1 Koranar 6:20

Korowii Dea la bini tenten la paɡri lɔ naɡale fifraatoro, o jaŋne dɛ kaa nyundua lɔ naɡale fifraatoro, asɛ o jaŋne ɡe naɡale fifraatoro. Ba kpɔ suuɡaswɛm tenten kwaa o bini bwa, dɛ kpɔ peleme daa pɛɡle kon baa dɛ ɛ saraha o ta la bwa.

1 Koranar 6:22

Korowii Dea la bini bwa ne kon baa dɛ ɛ saraha o ta o do o bini tenten bela la, o kpɔ suuɡaswɛm ɛ a bwara bwa.

1 Koranar 7:48

Kooro Solomɔn berɔ kpɔ suuɡaswɛm ɛ Korowii Dea la bini laala. Anee, suuɡaswɛm kon baa dɛ ɛ saraha o ta, ne teeburre baa kpɔ paanoo baa bil o ta Korowii sie,

1 Webena 28:18

ne suuɡaswɛm tenten baa kpɔ ɛ kon baa dɛɛ fuh daawiile a sɔɔh aa soma o ta ne a tɔɡre. Kooro Devid kpɔ kon waa do kɛ torɔɡo baa kpɔ Kerobim baa kpɔ suuɡaswɛm tenten ɛa, a paɡri kena tɔ Korowii Ne Nɛwɛnyina Fɔo Daka la ta ne a tɔɡre ɡe baɡlo.

1 Webena 6:49

Arɔn ne o naanar ɡboo dɛ́ kpɔ saraha kwaa baa fuah ba kon baa dɛ fuh saraha o ta, dɛ́ kpɔ ane ɡe ba kon baa dɛ fuh daawiile o ta la ta. Banee dɛɛ ɛ Boɡoroŋ Tenten bela toma, dɛ́ soŋe Israel tena wechɔɡa Korowii be ó kpɔ kɛ ba, ɡɛ Korowii bonɔɔ Mosis aa do ba la.

2 Webena 26:16

Kɛ Kooro Ussia aa ba dɛ di kpeɡri la, mbarafo nomanta o cholo. O waa ta kasinteŋ dɔe tɛ Korowii waa dɛ tomɔ, dɛ ka jo Korowii Dea ŋɔ o ka fuh daawiile a sɔɔh aa soma kon baa dɛ fuah a ta la ta.

Kaala 30:10

Benanyoa bɛlbwa, kerabeŋkpoŋii chɛ kɛ Arɔn ɛ wechɔɡa kpɔe dɛ kɛ saraha, dɛ́ kpɔ kon baa kpo ɛ saraha la chal laa doŋa kpɔ nyeɡlare la ta. O do ɡoroŋ kohona tɛ mɛ.”

Kaala 30:2

Gel ó ɛ fɔɔskwɛɛ, o jaŋne ɛ naɡale beŋkpoŋ ne tama, o paɡri ɡe naɡale beŋkpoŋ ne tama, ásɛ o daŋa ɡe ɛ naɡale atoro. Daa beŋkpoŋii chɛ kɛ he kpɔ sɛh o ne kwaa aa lɔ o loŋkoni anaarɛ ta dɛ do kɛŋɔ nyeɡlare la bwa.

Kaala 31:8

ne teebur la ne o konjeɡre, ne kandea daa waa ɛ suuɡaswɛm ɡbo la ne o koŋkwaare, dɛ kon baa dɛ fuh daawiile a sɔɔh aa soma o ta,

Kaala 35:15

ne kon baa ba dɛ fuh daawiile o ta, ne daa baa kpɔ dɛɛ cheo, ne noo baa kpɔa dɛɛ do nɛn sɔfore ta, ne daawiile a sɔɔh aa soma kohona, dɛ pateesan wáa saɡɛ Korowii Tɛnte Dea doonyoa,

Kaala 39:38

ne suuɡaswɛm kon baa dɛ fuh daawiile a sɔɔh aa soma o ta, ne noo baa kpɔa dɛɛ do nɛra sɔfore ta, ne konsɔɔhsoma, dɛ pateesan baa kpɔ saɡɛ tɛnte la doonyoa,

Kaala 40:5

Kpɔ suuɡaswɛm kon baa dɛ fuh daawiile o ta la cheɡ N Ne Nɛwɛnyina Fɔo Daka la sie, dɛ́ kpɔ pateesan saɡɛ o doonyoa.

Ɛsekeɛl 41:22

Ba kpɔ daa kwaa kon baa dɛɛ ɛ saraha o ta. O daŋa lɔ naɡale anaarɛ ne tama, dɛ dɔ baŋne anaarɛ. Bɛlbwa lɔ naɡale atoro. Asɛ baa la ŋɔ n be ŋɔ, “Teebur waa cheɡɛ Korowii sie laanee la.”

Lewi Dea Tena 4:18

Sɔfo la kpɔ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni la ta n sie, n Dea Cheremibɔr bela. Dɛ́ fuɡe chal la kabora ka ta kon baa dɛ fuh saraha kwaa o ta la mun ta, n Dea Cheremibɔr la doonyoa bɔr bela.

Lewi Dea Tena 4:7

Ásɛ sɔfo la ɛ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni ta dɛ do n sie n Dea Cheremibɔr la bini la. Chal la kar la, ó le dɛ́ ka fuɡa ta o mun ta n doonyoa bela.

Nɛra Kura 3:31

Ba tomaa kɛŋɔ báa nyiŋi Korowii Ne Nɛwɛnyina Fɔo Daka la ta, ne teebur ne kandea daa ne kwaa baa dɛ ɛ saraha a ta la, ne koŋkwaa sɔfore aa kpɔ dɛɛ ɛ toma Korowii Tɛnte Dea bela, ne pateesan waa tɔ Boɡoroŋ Tenten la ta. Gɛ bwa aa chɛ kɛ bá kpɔ kwaa nɔ bwa ɛ toma lɔ ba nɔn ta.

Nɛra Kura 4:11

Bá kpɔ yaburum bɛl paɡri bɔle suuɡaswɛm kon baa dɛ ɛ saraha o ta la, dɛ́ kpɔ mpo nae tɔne bɔle, ásɛ mɔɔ dɛ́ kpɔ daa baa kpɔa dɛɛ cheo la suuɡi nɔnloɡa aa lɔ o loŋkoni la ta.

Hibru 9:4

Korowii Boɡoroŋ Tenten la bɔr bela la, dɛ suuɡaswɛm kon baa dɛ fuh daawiile a sɔɔh aa soma o bini la lɔ bela. Dɛ Korowii Ne Nɛwɛnyina Fɔo Daka baa kpɔ suuɡaswɛm ɛ o bwara bwa, asɛ o che tɛ ba ne Korowii fɔo la lɔ bela. Dɛ suuɡaswɛm vii la baa kpɔ kondikwaa aa le nyundua baa yera maana do o bini la, ne Arɔn daŋɡbala waa moɡɛ papooni la, ne bwepɛle anɛ la ba fa aa chwerɛ o ne ba fɔobene la mmara fi la do a ta la lɔ Daka la bini.

Wepila 8:3

Nyundua torome bɛl balɔ dɛ kpoŋe suuɡaswɛm kon baa kpɔa dɛɛ fuh daawiile a sɔɔh aa soma, dɛ ka che bela baa fuh kwaa ɛ saraha dɛɛ tɛ Korowii la. Ba kpɔ konsɔɔhsoma la kohona tɛo o kpɔ ja Korowii nɛra ba wa aa toɡra wesoŋa la ta, dɛ fuah konsɔɔhsoma la fuih bɔr baa kpɔ suuɡaswɛm ɛo o che kookara la sie la.