Kaala 3:8 - mzwDBL

⁸ N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Kaala 3:8 ပူးပေါင်းရင်းမြစ်များ

Mumpar 11:5

Asɛ Korowii tu ba harɛ dɛ ba na bwɛjen la ne dejaŋ nɛwɛnyina aa dɛ ma la ɡɛ waa kaa nyundua.

Mumpar 11:7

Korowii aa bera kaa nyundua la, o ŋɔ, “Amɔ hé ɡel ya tu kaa harɛ ta ásɛ dɛ ka beɡre ba wobol, ásɛ bane kapa bɛ ba dɔŋa wobol no kpa.”

Mumpar 15:13

Belaa Korowii ŋɔ o be ŋɔ, “Jemɛ kɛŋɔ he naanar ɛɛ ka ɛ hɔɔhra nɛra bane harɛ taa, dɛ́ ɛ yoma, ásɛ ba ɛɛ ba hɔhɔrɔwa bene lafraanaarɛ.

Mumpar 15:14

Kɛ mɛɛ tɛr a ɡɛ harɛ la tena deŋnee. Ba ne bela lee dɛ ba la, kondɔɔh tenten nee baa ba bela lee ba.

Mumpar 18:21

anomanta, mɛɛ la belaa, dɛ́ ɡbabir kpɔ n siwi ka na kɛŋɔ ɡɛ maa dɛ no ba waa la ɛ kasinteŋ, kɛɛ ɡɛ laa a doɔ?”

Mumpar 43:11

Ba mɛɛ ɡe ŋɔ, “Dɛ ɡɛɛ tenaa, hé kpɔ ya harɛ nɔ ta kwaa kɛŋɔ, noo tama ne tooh tama ne konsɔɔhsoma, ne korobo ne daa nɔna aa dɔ pɛla do he pure bini ka tɛ nomoa la.

Mumpar 46:4

Mɛɛ teŋɛ he nɛɛ kaa bela, ásɛ dɛ berɛ ba he naanar ne a ɡɛ Keenan harɛ nɔ ta. He dɛ ba sewaa, Josef ɛɛ lawɛɛ he sewɛ.”

Mumpar 50:24

Josef ŋɔ o dɔɔranar la be ŋɔ, “N dɛ́ ba sewa, kɛ Korowii ɛɛ nyiŋi he nɛɛ ásɛ dɛ kpɔ heyaa le harɛ nɔ ta kaa harɛ waa baɡɛ Abraham ne Aesek ne Jekɔb nyoa la ta.”

1 Webena 1:15

ne Hivi ne Aaki dɛ Sen tena,

Nehemia 9:8

He nao kɛŋɔ o waa dɔ kasinteŋ tɛɛ, asɛ he ne o fɔwɛ fɔo. He baɡɔ nyoa kɛŋɔ hɛɛ kpɔ Keenan ne Hiti ne Amɔre, ne Pɛrɛs ne Jebus, dɛ Girɡasi tena harɛree tɛ o naanar ba so a ta. He teŋɛ he nyobaɡa ta, dɛkalkɛ he waa dɔ kasinteŋ.

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Yela 12:6

Korowii waa do chasee, dɛ do yaradae, kɛŋɔ suuɡapoŋ baa laa doŋa kpɔ o ta kera anuanɛ, o do wer kohona la.

Yela 34:8

Hé daɡɛ Korowii waa la, dɛ́ na kɛ o wer, nɛra baa chwaa kaa marɔ la, ba na som.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Kaala 12:41

A ɡɛ bene lafraanaarɛ fifraatoro nɔ jaɡa taa Korowii nɛra baa lɔ Ijipt harɛ la bwa ir le bela.

Kaala 12:51

Awola tɔpere la tentenee Korowii lawɛ o nɛra Israel tena bwa le Ijipt harɛ denaa ta.

Kaala 13:5

Dɛ Korowii baa kpɔ heyaa tel Keenan ne Hiti ne Amɔre ne Hivi, dɛ Jebus tena harɛ waa ŋwɛɛra baɡle he naawa ŋɔ wɛɛ kpɔɔ tɛ heya ó ɛ he kon la ta, harɛpare ondɛɛɡe ta naa, a chɛ kɛ hé di a ɡɛ tɔpere nɔ korobie nɔ ta. Dɛkalkɛ o ba he ne harɛ o taa soma ta.

Kaala 3:17

Anomanta, o ŋɔ, wɛɛ lawɛ heyaa le Ijipt harɛ bela baa dɛ ɛ heyaa hɔhɔrɔwa kohona la, dɛ́ kaa he ne harɛpare ondɛɛɡe ta. Bela Keenan ne Hiti ne Amɔre ne Pɛrɛs ne Hivi dɛ Jebus tena aa soɡa la.’

Kaala 34:11

Hé nyiŋi kɛrɛdɛ dɛɛ teŋɛ waa maa dɛ do heyaa a ta fini nɔ ta. Mɛɛ doŋi Amɔre ne Keenan ne Hiti ne Pɛrɛs ne Hivi dɛ Jebus tena he siwi taa dɛ́ le harɛ nɔ ta.

Kaala 5:23

Le a ɡɛ saŋ maa cheɡɛ he sɔn ta dɛ ka bol waa la Ijipt kooro be la, teŋaa ba teŋɛ dɛɛ na wahala, asɛ he ɡe den vɛh ba lɛɛ kwara.”

Aesaya 36:17

dɛ ka tel kɛŋɔ maa kpɔ heyaa kaa bojaŋ harɛ waa do kɛŋɔ he kon nɔ ta. Harɛ daa kooni aa lole he dɔ sen le a ta, ne mea baa kpɔ ɛ paanoo, ne ɡrepo daa kooni.

Aesaya 64:1

N Naa Korowii, ɛrɛɛ haa wola nyundua pere dɛ́ ba harɛ nɔ? Bwejena fe ɛɛ nae dɛ́ ɔmɛ, dɛ́ yiiɡi.

Jeremia 11:5

Belaa n fe ɛɛ ba harɛ maa baɡɛ ba naawa nyoa ŋɔ o ɛ harɛpare ondɛɛɡe la kpɔe tɛɛ ba ó ɛ ba kon. Harɛ baa soɡe o ta fini nɔ.” Anee n chaŋe ŋɔ, “N Naa Korowii, á ɛ ɡɛ.”

Jeremia 2:7

Harɛpare ondɛɛɡe taa n kpɔ ba ba so, bá ba dɔ daa nɔna ne kondikwaa aa wera di. Kɛ ba kpɔ doŋa kah harɛ maa kpɔa tɛɛ ba la dɛ chɔɡo.

Jeremia 32:22

He kpɔ harɛpare ondɛɛɡe waa do ken nɔ tɛɛ ba, ɡɛ he fa aa baɡɛ ba naawa nyoa la.

Ɛsekeɛl 20:6

N berɔ ŋwɛɛ baɡ ba kɛŋɔ mɛɛ kpɔ baa le Ijipt harɛ ta ba harɛ maa nyina cheɡ ba ta, o ɛ harɛpare ondɛɛɡe ɡwaa harɛre bwa.

Lewi Dea Tena 20:24

N baɡɛ heyaa nyoa ŋɔ mɛɛ kpɔ ba harɛɛ tɛ heya hé so o ta o den ɛ he kon, harɛpare ondɛɛɡe. Menee Korowii haa dɛ tom mɛ n le heyaa korɛ harɛre nɛra bwa bini la.

Emɔs 2:10

Menee lawɛ heyaa le Ijipt harɛ ta, dɛ kpɔ heyaa kpɔ pua hɛŋle ɡbo harɛ ta bene fifraanaarɛ, dɛ ba kpɔ Amɔre tena harɛ tɛ heya.

Nɛra Kura 13:18

Hé pese harɛ la, dɛ́ na ɡɛ waa doa, dɛ́ berɛ nyiŋi kɛŋɔ nɛra baa soɡe o ta la kpeɡri kɛɛ baa kpeɡe, ba warɔ kɛɛ ba ta warɔɔ.

Nɛra Kura 13:19

Hé nyiŋi ɡɛ harɛ la mar aa doa ba so o ta la, o wer kɛɛ waa weroo? Ne ɡɛ bwɛɛre la aa doa ba so a ta. Ba ma danjwɛkpeɡa bara kɛɛ, ba ta mae bara ɔ?

Nɛra Kura 13:27

Ba ŋɔ Mosis be ŋɔ, “Ya laŋɔ ka nyiŋi harɛ haa tomɛ yaa o ta la. Kasinteŋ, o ɛ harɛ waa soma dɛ won kondikwaa ɛɛ kohona. Daa nɔna aa le o taa la.

Amanesoma Jɔn Aa Chwera Tɔn 3:13

Dɛ Men Nɛn Bie laa aa, nomɛlbwa ta Korowii be nyundua laŋɛ mɔɔ. N ɡboo le o be nyundua dɛ tu ba harɛ.

Amanesoma Jɔn Aa Chwera Tɔn 6:38

dɛkalkɛŋɔ n ɡbaɡba tetoowa waa laa n le nyundua ba. Naate waa tom mɛ la tetoowa waa n ba.

Mmarare 1:25

dɛ kpɔ daa nɔna ane le bela harɛ la ta ba baɡle yaa dɛ ŋɔ, ‘Harɛdɛɛɡee Korowii kpɔ tɛ yaa la.’

Mmarare 1:7

Hé ir bonɔ dɛ́ kaa Amɔre tena deŋɡarere harɛ, ne harɛre aa bɛne bela dɛ do Araba Fɛlembɔjen la ta, bwejena harɛ ne wee cholibɔr deŋɡarere ta ne Nɛɡɛv waa ɛ pua hɛŋle ɡbo harɛ dɛ kaa Mɛdetereenea Mpo nyoa. Dɛ́ kpoŋe kaa Keenan tena harɛ ta, ne Lɛbanɔn harɛ, hale dɛ́ kaa Yufretis Moo ta.

Mmarare 27:3

ásɛ dɛ chwerɛ Mmarare la dawɛ a ta. Gɛ saŋ haa jo harɛ Korowii haa dɛ tomɔ nɔ aa kpɔa dɛɛ tɛ heyaa la ta la. O ɛ harɛpare ondɛɛɡe, ɡɛ Korowii he naawa aa tomɔ aa baɡɛ heyaa nyoa la.

Mmarare 28:11

Wɛɛ tɛ heyaa biirii taeh, dɛ́ tɛ heyaa nae kohona, ásɛ dɛ berɛ ɡel he dɔ koo kondikwaa kohona, harɛ waa baɡɛ he naawa nyoa ŋɔ wɛɛ kpɔɔ tɛ heyaa la ta.

Mmarare 6:3

Israel tena, hé noa dɛ́ kaa teŋɛ a ta, ásɛ a do wer kɛrɛdɛ dɛ́ tɛ heya. Anee dɛ́ ɡel hé ya kohona harɛpare ondɛɛɡe ta, ɡɛ Korowii he naawa aa tomɔ aa baɡɛ heyaa nyoa la.

Mmarare 7:1

Mosis berɔ ŋɔ Israel tena la be ŋɔ, “Korowii haa dɛ tomɔ dɛ la he ne harɛ haa dɛ la ka so o ta ó ɛ he kon la ta naa, wɛɛ doŋi wobobele anuanɛ bwa nɛra baa kana dɛ do kpeɡri ɡwaa heyaa le ba harɛre ta tɛ heya. Banee Hiti ne Girɡasi ne Amɔre tena, ne Keenan ne Pɛrɛs ne Hivi dɛ Jebus tena.

Josua 5:6

Israel tena aa le Ijipt harɛ ta la, ba ɡaaɡe pua hɛŋle ɡbo harɛ ta bene fifraanaarɛ, ka tel kɛ baala baa tela ne laa yoi bwa aa serewa. Ba ɛ deŋnekpeɡ ba ta Korowii waa la ta teŋɛ. Dɛ Korowii ŋwɛɛrɔ kɛŋɔ, nomɛlbwa waa wola o waa ta teŋɛ la aa harɛpare ondɛɛɡe o kpɔ baɡɛ ba naawa nyoa la taa tel.

Josua 9:1

Koranar baa lɔ Jɔɔdan Moo wee cholibɔr no ɡɛ Josua ne Israel tena aa dɛ pɔ nɛra nɛ, banɔ la baa lɔ deŋɡarere ta ne banɔ la baa lɔ deŋɡarere harɛbɔr wee cholibɔr, ne banɔ la baa lɔ Mɛdetereenea Mpo nyoa bwa, dɛ kpoŋe kaa weekaŋle nyundua Lɛbanɔn harɛ ta. A ɡɛ koranar laanee, Hiti ne Amɔre ne Keenan ne Pɛrɛs ne Hivi dɛ Jebus tena koranar.

Josua 9:7

Anee Israel tena la ŋɔ ba be ŋɔ, “Ɛrɛɛ ya ne hɛɛ ba wona fɔwɛ fɔo a maɡre ɔ? He ken ka soɡe ya jwɛɛh bonɔ tenten.”