Kaala 3:16 - mzwDBL

¹⁶ La ka cheme Israel nomonome dɛ́ ŋɔ ba be ŋɔ, ‘Korowii he naawa Abraham ne Aesek ne Jekɔb aa tomɔ la ba n be dɛ ba ŋɔ, o nyiŋo, dɛ na ɡɛ baa dɛ ɛ heyaa hɔhɔrɔwa Ijipt harɛ.

Kaala 3:16 ပူးပေါင်းရင်းမြစ်များ

Mumpar 1:7

Gɛɛ Korowii ta bɔr nyundua dɛ pere nee la, ane kaa nyundua ane ɡe ka harɛ. Asɛ a ɛ ɡɛ.

Mumpar 21:1

Korowii aa baɡɛ Saara nyoa la, o chao dɛ ɡel o nyobaɡa la ɛ ɡɛ.

Mumpar 28:13

Dɛ Korowii cheɡɛ o jwɛh dɛ ŋɔ, “Menee Korowii, menee he mɛɛ Abraham ne Aesek tomɛ la. Harɛ haa chɔ o ta nɔ, he ne he naanaree mɛɛ ba kpɔe tɛ.

Mumpar 48:15

Asɛ o soŋe tɛ Josef ŋɔ, “Korowii n mɛɛ Abraham ne Aesek aa tomɔ la swee bii nɔ andɛɛɡa. Korowii waa dɛ nyiŋi n nɛɛ, dɛ ba le fini tɔpere nɔ swee ba andɛɛɡa.

Mumpar 50:24

Josef ŋɔ o dɔɔranar la be ŋɔ, “N dɛ́ ba sewa, kɛ Korowii ɛɛ nyiŋi he nɛɛ ásɛ dɛ kpɔ heyaa le harɛ nɔ ta kaa harɛ waa baɡɛ Abraham ne Aesek ne Jekɔb nyoa la ta.”

Yela 102:21

Anomanta, baa kpɛɛ Korowii sɔn bwɛjen Saayɔnee, dɛ́ kpɔ duure tɛo Jerusalam,

Yela 33:18

Korowii sie lɔ nɛra baa dɛ teŋɛ o waa ta, nɛra baa dɛ hwɛɡɛ o nyina aa wola jaɡa dɔe ta la.

Yela 8:4

nɛwɛnyini ɡee bɔkwa, asɛ hɛɛ lii o waɔ? Nɛwɛnyini ɡee bɔkwa, hɛɛ dawɛ o waɔ?

Kaala 1:8

Belaa koofale bɛl waa wola Josef waa jemɛ ba di kara Ijipt harɛ ta.

Kaala 13:19

Mosis aa dɛ kaa la, o pa Josef hoɡa dɛkalkɛ Josef ɡelɔ Jekɔb bii fa ŋwɛɛ baɡlo. O ŋɔ, “Korowii ɛɛ ba lɛ heyaa, anomanta, a chɛ kɛ hé kpɔ n chɔɔ le bonɔ harɛ nɔ ta.”

Kaala 15:14

Harɛre ta nɛra ɛɛ no he waa ásɛ ɔmee laɡ ba, bambichɔɡ ɛɛ ɡeloo Filisti tena bwara yɔr kɛŋɔ loltea yon lɔ haah la.

Kaala 17:5

Anee Korowii chaŋe Mosis ŋɔ, “Tɔ nɛra la sie. Kpɔ nomonome la bini bane ja he nɛ, dɛ́ kpɔ daŋɡbala la haa kpɔa lɔ Nael Moo sie la ɡe kpoŋe kaa.

Kaala 18:12

Ate, Jetro kpɔ kon waa fuh ɛ saraha ne saraha kwaa ane ɡe ba tɛ Korowii. Asɛ Arɔn ne Israel nomonome bwa le ba, asɛ ba ne o di kwa Korowii sie.

Kaala 2:25

Korowii na Israel tena wenaale, asɛ ba waa we o nɛɛ kohona.

Kaala 24:11

Kɛ Korowii ta Israel nomonome la wobɛlbwa ɛɛ. Ba na Korowii dɛ ta so le dɛ di kwaa dɛ nyɔ sen.

Kaala 3:2

Belaa Korowii nyundua torome bɛl kpɔ o te baɡlo dawii ane aa dɛ lawɛ nii baah ta. Mosis nao kɛŋɔ nii dɛ le bela, kɛ dɛ dawii la ɡe aa fuh.

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Kaala 4:1

Anee Mosis chaŋe Korowii ŋɔ, “Dɛ ba ta men yaradae dɛ cheɡ deŋne no n be, dɛ ŋɔ he ta he te kpɔe baɡ mɛ naa, n ŋɔ ɛrɔɔ?”

Kaala 4:29

Anomanta, o ne Arɔn bwa la Ijipt dɛ ka boa Israel nomonome la bwa nyoa,

Kaala 4:31

asɛ ba yaradao. Baa noa kɛŋɔ Korowii na ɡɛ baa dɛ ɛɛ ba hɔhɔrɔwa asɛ ba waa hiaoh kohona la, ba ɡuŋo dɛ duuru.

Kaala 4:5

Asɛ o berɛ ŋɔ, “Gɛ aa ɛ ásɛ ba yarada kɛŋɔ Korowii ba naawa Abraham ne Aesek ne Jekɔb aa tomɔ la kpɔ o te baɡle laanee la.”

Matiu 26:3

Anee Sɔfonomonome ne bwɛɛ nomonome ka cheme Sɔfonomoa Kaefas dem,

Amanesoma Luk Aa Chwera Tɔn 1:68

“Hé ɡel ya kpɛɛ Korowii Israel tena aa dɛ tomɔ, dɛkalkɛŋɔ o cha o nɛra dɛ lɛ yaa le wahala ta.

Amanesoma Luk Aa Chwera Tɔn 19:44

Baa wuruu jo he bwɛɛ nɔ ta, dɛ́ paɡre he deene dɛ́ kpoo heya. Baa kuuɡi he deene bwaa buruburu ken, bwe beŋkpoŋ kwara aa wola ka dɛ́ dawɛ o dɔŋ ta kpa. Anɔ bwa ɛɛ ɛo, dɛkalkɛŋɔ he lɛɛ tɔpere aa tela la, he ta sie doe.”

We-ɛɛla 11:30

Ba ta a ɡɛ suuɡa la, dɛ kpɔ tɛ Banabas ne Sɔɔl ba ka tɛ Juda harɛ asɔre tena la nomonome.

We-ɛɛla 15:14

Seemɔn Pita baɡle ɡɛ Korowii aa tɔ sie ɛ dɛ baɡle kɛ o dɛ nyin nɛra baa wola Juu tena ɛɛ la taeh. O baɡlɔ ŋɔ Korowii le ba bini bane ŋɔ ba ɛ o nɛra.

We-ɛɛla 20:17

Pɔɔl cheɡɛ Maeletus kal Ɛfesos asɔre tena nomonome ŋɔ bá ba o be Maeletus.

1 Pita 2:12

Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.

1 Pita 5:1

N dɛ nyin n bol waane he asɔre nomonome baa dɛ tɔ he sie la be. Asɔre nomoa la bɛlee n ɡe. N ɡbaɡba kpɔ siwi na wahala la soo Yeesu Kristo aa naa. Awola waa dɛ ba ɡela nɛra na o jirima la, n ɡe ɛɛ dɔ o jirima la bɛlee. N dɛ soŋe heyaa kɛŋɔ

Rut Tɔn 1:6

A habɔɔ la, o baa no kɛŋɔ Korowii cha o harɛ ta nɛra dɛ ɡel ba dɔ kondikwa. Anomanta, o ne o bii la haahna la kpɔ ba te ásɛ dɛ berɛ kaa o bwɛ.