Kaala 3:15 - mzwDBL

¹⁵ Korowii berɔ ŋɔ Mosis be ŋɔ, “Ŋɔ Israel tena be ŋɔ, ‘Men Korowii ba nabaala Abraham ne Aesek dɛ Jekɔb aa tomɔ laanee tomɛ ba be.’ A ɡɛ sɔn nɔɔ dɛ́ ɛ n sɔn saŋ bɛlbwa dɛɛ la. Ásɛ naanar baa ka ba bwa ɡe ɛɛ yer mɛ ɡɛ.

Kaala 3:15 ပူးပေါင်းရင်းမြစ်များ

Mumpar 24:12

Ate, o soŋe Korowii ŋɔ, “N Naa Korowii n dɔɔ Abraham aa dɛ tomɛ, n dɛ soŋe, ɡel a chiɡ mɛ kɛrɛdɛ fini, dɛ́ teŋɛ nyoa haa baɡɛ n dɔɔ la ta.

1 Webena 16:16

Fɔo o ne ya naa Abraham aa fɔwa, ne nyoa waa baɡɛ Aesek la.

1 Webena 29:18

N Naa Korowii, ya naa Abraham ne Aesek dɛ Jekɔb aa tomɛ, ɡel ɡɛ nyina nɔ do he nɛra bambile ta saŋ bɛlbwa dɛɛ la, asɛ ba waa dɔ kasinteŋ tɛ he ɡbo.

2 Webena 28:9

Dɛ Korowii keame Ɔdɛd lɔ Samaria bela. O iro dɛ la ka cheme laa tena la ɡɛ saŋ baa ba Samaria la. O ŋɔ ba be ŋɔ, “Korowii he naawa aa tomɔ la baah di Juda tena nɛɛ waa o ɡel he yoo ba dɛ pɔ ba nɛɛ la. Kɛ he berɔ kpoo ba warɛ kohona to.

Yela 102:12

Kɛ hen Korowii te, he di kora saŋ bɛlbwa dɛɛ la. Naanar baa ka ba bwa ɛɛ lii he waa.

Yela 102:13

Hɛɛ sune bwɛjen Saayɔn tena nɛɛ, saŋ haa lea cheɡ la telo kɛ he dɔ tedoma tɛɛ ba.

Yela 135:13

N Naa Korowii, he sɔn haa dɔa la ɛɛ do lee saŋ bɛlbwa dɛɛ la. Naanar baa ka ba bwa ɛɛ dɛɛ lii he waa.

Yela 30:4

Korowii nɛra ba wa aa toɡra bwa, hé ɡo yela kpɛɛro, hé kpɛɛ o sɔn waa do ɡoroŋ la.

Yela 30:5

O baah diu waa, aa biɡri dɛ o sɔɔhnɔ, kɛ o nyina waa dɛ nyin nɛn lole saŋ bɛlbwa. Yaa won dɛɛ wi jwaana, kɛ tɔɔ ne pera dɛ silɛɛ ɡboo.

Yela 68:5

O ɛ bilalbii mɛɛ, dɛɛ che luhaahna habɔɔ. Onee Korowii waa soɡe o Dea waa do ɡoroŋ bini.

Yela 72:17

Gel kooro sɔn do le saŋ bɛlbwa dɛɛ la kɛŋɔ, wee aa lole dɛɛ lɔ saŋ bɛlbwa nɔ. Harɛre nɛra bwa ɛɛ che o nɛɛ dɔ andɛɛɡa ásɛ dɛ na kɛŋɔ Korowii sweero andɛɛɡa.

Yela 72:19

Hé kpɛɛ o sɔn waa dɔ jirima saŋ bɛlbwa dɛɛ la. Hé ɡel o jirima su harɛ nɔ ta bwa. Aamen.

Kaala 15:2

Korowiirii n bokpeɡa, o sɔn ber mɛ yel mɛɛ ɡo, onee n Lɛɛ, onee mɛɛ tomɛ dɛɛ kpɛɛro, Korowii n naa wa aa tomɔ laanee on, o sɔnee mɛɛ ba yera dɛɛ tomɔ.

Kaala 15:3

Korowiirii yoa dɛɛ tɛ yaa, Korowiirii o sɔn.

Kaala 3:13

Belaa Mosis chaŋo dɛ ŋɔ, “Amɔ dɛ n la Israel tena be dɛ ka ŋɔ, Korowii ba naawa aa tomɔ laanee tom mɛ ba be, asɛ ba bɔɔ mɛ o sɔn aa, bɔkwa waa ń bol ba be nɔ?”

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Kaala 4:1

Anee Mosis chaŋe Korowii ŋɔ, “Dɛ ba ta men yaradae dɛ cheɡ deŋne no n be, dɛ ŋɔ he ta he te kpɔe baɡ mɛ naa, n ŋɔ ɛrɔɔ?”

Kaala 4:5

Asɛ o berɛ ŋɔ, “Gɛ aa ɛ ásɛ ba yarada kɛŋɔ Korowii ba naawa Abraham ne Aesek ne Jekɔb aa tomɔ la kpɔ o te baɡle laanee la.”

Kaala 6:2

Korowii berɔ ŋɔ Mosis be ŋɔ, “Menee Korowii.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Aesaya 26:8

Ya sie dawɛ he nɛɛ yaa teŋɛ he Mmarare ta, he ɡbosoo ya bambile lawɛ.

Aesaya 42:8

Menee Korowii, n sɔnee ɡɛ. Maa ɡel nɛra kpɔ jirima aa chɛ kɛ ba tɛ mɛ la tɛ nomɛl, maa ɡel bá kpɔ kpɛɛra aa chɛ mɛ la tɛ voɡa.

Aesaya 63:12

Korowii aa cheɡɛ o kpeɡri ta dɛ ɡel Mosis ɛ wejena mpo teŋe la, o lɛ sɔn waa wola jaɡa dɔe.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Jeremia 33:2

“Menee Korowii maa ta harɛ nɔ dɛ kwaaro cheɡ o chɔŋɛ kwaa ta dɛ do le. N sɔnee Korowii,

Daneɛl 2:23

N Naa Korowii ya naawa aa tomɛ, n dɛ jaame dɛɛ kpɛɛre. He tɛ mɛ wejema ne kpeɡri, dɛ pili waa yaa soŋe bini baɡ mɛ, he ɡelɔ ya jemɛ kooro deera.”

Hosia 12:5

Korowii Waa Ɛ Kpeɡri Bwa Dɔɔ, Jekɔb ne o su luɡe la, o sɔnee Korowii, onee chɛ kɛ yá tomɛ.

Hosia 12:6

Kɛ a chɛ kɛŋɔ Jekɔb naanar, hé berɛ ba Korowii haa dɛ tomɔ la be, hé kpoŋe nyina ne kasinteŋ, dɛɛ no o be saŋ bɛlbwa.

Lewi Dea Tena 24:11

Dɛ o nya sɔne Sɛlomet, Dibri waa le Dan dea biee on. Sɛlomet bie la ɛ nɛnhɛlwa dɛ taah Korowii, asɛ ba lawɔ ba Mosis sie,

Maeka 4:5

Harɛre nɛra ɛɛ dɛɛ tomɛ ba voɡaree, kɛ ya te, Korowii yaa dɛ tomɔ waa taa yaa ba teŋa saŋ bɛlbwa dɛɛ la.

Malakae 3:6

Korowii ŋɔ, “Menee Korowii, maa charɛ bwa, a waa ɡela he Jekɔb naanar ta do le la.

Matiu 22:32

O ŋɔ, ‘Menee Korowii Abraham ne Aesek dɛ Jekɔb aa tomɔ la.’ Lala laa dɛɛ tomɛ Korowii, weeraa dɛɛ tomɔ.”

We-ɛɛla 3:13

Gɛ laa. Korowii ya nabaala Abraham ne Aesek dɛ Jekɔb aa tomɔ la, on tɛ o bonɔɔ Yeesu sɔn ɡɛ la. Onee he kpɔ tɛ nomonome ŋɔ bá bol o waa dɛ kpoo la. Harɛ nomoa Paelet aa ŋɔa ó tao la, he ta ŋɔe ŋɔ haa sɛah?

We-ɛɛla 7:32

‘Menee Korowii he naawa Abraham ne Aesek dɛ Jekɔb aa tom mɛ la.’ Mosis ɔmɔ dɛɛ chel, o ta berɛ dɔ bambile dɛ nyiŋu.

Mmarare 1:11

Ó ɡel he ya ɡɛ bele kaɡboŋ, dɛ́ swee andɛɛɡa tɛ heya, ɡɛ waa baɡɛ heyaa nyoa la.

Mmarare 1:35

‘Nɛra nɔ te kapa wechɔɡa aa su ba nɔ bini bɛlbwa aa harɛpare ondɛɛɡe maa baɡɛ nyoa ŋɔ mɛɛ kpɔɔ tɛ ba naawa la aa belaa la,

Mmarare 4:1

Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.

Hibru 11:16

Kɛ ɡɛ laa a do. Harɛdɛɛɡe waa wera ɡwaa bela baa lea la waa baa lii. Harɛ waa lɔ nyundua waa baa lii. Anomanta, a ta Korowii sihiih ɛɛ kɛŋɔ baa dɛ yerɔ ba Korowii, dɛkalkɛŋɔ o kwaa bwɛɛ bɛl cheɡ ba.

Hibru 13:8

Yeesu Kristo aa beɡre. Gɛ waa doa a saŋ la, ɡɛɛ o ta do fini, ɡɛɛ wɛɛ ba doe saŋ bɛlbwa.