Kaala 3:12 - mzwDBL

¹² Asɛ Korowii chaŋo ŋɔ, “Mɛɛ ja he nɛɛ, ásɛ dɛ he baa kpɔ n nɛra le Ijipt harɛ ta ba naa, bá baa tom mɛ bwejen nɔ ta. Anee dɛɛ ba baɡla kɛŋɔ menee tomɛ.”

Kaala 3:12 ပူးပေါင်းရင်းမြစ်များ

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Mumpar 15:8

Belaa Abram bɔɔro ŋɔ, “Nemenɛ Korowii, ɛrɛɛ aa ba ɛɛ ń jemɛ kɛŋɔ n konee yɔ?”

Mumpar 26:3

So bonɔ tama. Mɛɛ che he mun taa dɛ́ tɛɛ hɛɛra, dɛkalkɛŋɔ he ne he naanaree mɛɛ ba ń kpɔ harɛ nɔ bwa tɛ, ɡel n nyoa maa baɡɛ he mɛɛ Abraham la che kɛrɛdɛ.

Mumpar 31:3

Belaa Korowii ŋɔ Jekɔb be ŋɔ, “Berɛ kaa he lolanar bini, he naawa harɛ la ta. Mɛɛ teŋɛ he nɛɛ.”

2 Koranar 19:29

Ate, Aesaya ŋɔ Kooro Hɛsɛkea be ŋɔ, “Waa aa che a ta, n naa Kooro Hɛsɛkea, he jemɛ laanee nɔ. ‘Koo kwaa baa koma bena nɔ la, ane ɛɛ le a buɡ taa, ásɛ he dia, ásɛ benanyoa chemaa, hé di a tenten. A bentooro te la, hé du mea dɛ́ koma, dɛ́ parɛ daa kooni, dɛ́ di a nɔna.

1 Webena 9:20

Wubwa la, dɛ Eliasa bibaa Fenehas nɛɛ Korowii ja wɛɛ nyiŋi nɛra baa dɛ daah doonyoo la nɛ.

Yela 86:17

Gel n na waane, á baɡle kɛŋɔ he waa wer tɛ mɛ, ásɛ n dɔma na sihiih kpo ba, dɛkalkɛ henee cha mɛ dɛ larawe n bwara.

Kaala 18:5

Jetro ne Mosis haah ne o bibaala banɛ la bwaa la o be pua hɛŋle ɡbo harɛ ta, bela waa soɡa dɛ baŋre o tɛnte dea Korowii bwe la jwɛɛh la.

Kaala 3:1

Awola bɛl, Mosis kpɔ o helabaa Jetro waa ɛ Midian sɔfo la kondɛɛra kaa di bɔr. O teɡa ka ɡarɛ pua hɛŋle ɡbo harɛ ta, dɛ ka le bwe waa do ɡoroŋ baa yerɔ Sinai la ta.

Kaala 3:13

Belaa Mosis chaŋo dɛ ŋɔ, “Amɔ dɛ n la Israel tena be dɛ ka ŋɔ, Korowii ba naawa aa tomɔ laanee tom mɛ ba be, asɛ ba bɔɔ mɛ o sɔn aa, bɔkwa waa ń bol ba be nɔ?”

Kaala 33:14

Belaa Korowii chaŋo ŋɔ, “Mɛɛ ja he nɛɛ n ne he kaa, ásɛ he dɔ bambisɔɔhna.”

Kaala 4:12

Ir kaa, mɛɛ chae he bol wa, dɛ́ baɡle ɡɛ bwa haa bol.”

Kaala 4:15

Bol ɡɛ bwa haa dɛ nyin bola bwa do o nyoa. Mɛɛ cha heyaa he bol wa, dɛ́ baɡle heya ɡɛ bwa haa ɛ.

Kaala 8:27

Gɛ Korowii yaa dɛ tomɔ aa ŋɔ ya be la, a chɛ kɛ yá valɛ tɔpera atoro ŋwɛnɛ pua hɛŋle ɡbo harɛ ta, dɛ́ ka kpoo kwaa tɛo.”

Aesaya 37:30

Ate, Aesaya ŋɔ Kooro Hɛsɛkea be ŋɔ, “Waa aa che a ta, n naa Kooro Hɛsɛkea, he jemɛ laanee nɔ. Koo kwaa baa koma bena nɔ la, ane ɛɛ le a buɡ taa, ásɛ he dia, ásɛ benanyoa chemaa, hé di a tenten. A bentooro te la, hé du mea dɛ́ koma, dɛ́ parɛ daa kooni, dɛ́ di a nɔna.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 43:2

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Jeremia 1:8

Dɛɛ berɛ ba ɔma. Mɛɛ ja he nɛɛ dɛ́ lɛɛ. Men Korowiirii bola.”

Nɛra Kura 16:28

Asɛ Mosis ŋɔ, “Anɔ taa hɛɛ ba cheɡa dɛ́ jemɛ kɛŋɔ n ɡbaɡba liire ne laa mɛɛ ɛ ɡɛ waa nɔ bwa, kɛ Korowiirii tom mɛ.

Nɛra Kura 23:21

N ta wahala bɛlbwa nae Israel tena nɛ. N ta tebinichɔɡ nae ba bini. Korowii baa dɛ tomɔ ja ba nɛ. Ba kooroo on baa kpɛɛro.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Amanesoma Mak Aa Chwera Tɔn 16:20

Asɛ o habɔteŋra la kaa bobɛlbwa dɛ kaa bol Korowii Waa la. Dɛ Korowii teŋɛ ba nɛɛ asɛ ba we-ɛɛla baa dɛ ɛ la ɡel nɛra jemɛ kɛŋɔ ba waa baa bola dɛɛ ɡaaɡe la ɛ kpela.

We-ɛɛla 11:21

Dɛ Korowii dɛ cha ba o kpeɡri ne, asɛ nɛra no Yeesu waa la dɛ yaradaa, dɛ charɛ ba liire, dɛ kpɔ ba te tɛ Yeesu. A ɡɛ nɛra nɔ warɔ kɛrɛdɛ.

We-ɛɛla 7:7

Dɛ ŋɔ wɛɛ bol a ɡɛ harɛ la tena waa dɛ́ pa ba bole, dɛ bɔ ba a kem, ásɛ a habɔɔ la o nɛra ba bonɔ dɛ baa tomɔ.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Mmarare 31:23

Josua mɛɛ sɔne Nun. Korowii ŋɔ, “Josua, che kiŋkiŋ, bɛ ɔmɛ. Mɛɛ ja he nɛɛ dɛ́ ɡel he tɔ Israel tena sie, dɛ́ kpɔ ba kaa harɛ maa baɡ ba nyoa la ta.”

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Sitɔɔla 6:12

Korowii nyundua torome la kpɔ o te baɡle Gedeɔn, dɛ ŋɔ o be ŋɔ, “Banyoo, Korowii ja he nɛ.”

Sitɔɔla 6:16

Asɛ Korowii ŋɔ, “Mɛɛ ja he nɛɛ ásɛ he kpoo Midian tena bwa, kɛŋɔ haa yo nɛmbeŋkpoŋ ken.”

Sitɔɔla 6:17

Anee Gedeɔn chaŋe ŋɔ, “Dɛ he sie lɛ n nɛ aa, ɛ waane ásɛ n jemɛ kɛŋɔ henee dɛɛ bol waa n be nɔ.

Sitɔɔla 6:21

Dɛ Korowii nyundua torome la kpoŋe daŋɡbala bɛl. O kpɔ daŋɡbala la nyoa leɡe ola la ne paanoo la, asɛ nii le bwe la ta dɛ fuh ola la ne paanoo la bwa. Asɛ Korowii nyundua torome la den nyoɡre le o sie kaa.

Sitɔɔla 7:11

Hɛɛ ka no waa baa dɛ bolee, dɛ́ won che a ta dɛ́ dɔ bambikpeɡ dɛ́ yoo ba.” Anomanta, o ne o bonɔɔ Pura kaa pɛl ba dɔma la dahara.

1 Samoɛl 14:10

Kɛ dɛ ba ŋɔ, ‘Hé ba ya be bonɔ naa,’ yaa teehnoo kaa ba be, anee dɛ́ chaɡle kɛŋɔ Korowii kpɔ ba do ya nɔn ta.”