Kaala 29:7 - mzwDBL

⁷ Ásɛ dɛ fuɡe noo baa kpɔa dɛɛ do ba sɔfore ta la ane do o nyu ta.

Kaala 29:7 ပူးပေါင်းရင်းမြစ်များ

Yela 133:2

A wer dɛ do kɛŋɔ, baa dɛ cheɡ Arɔn sɔfore ta, dɛ fuɡe noo a yoɡ aa kpeɡa do o nyu ta, a palɛ jo o tampona ta, dɛ ba le o batakaare baŋa ta ken.

Yela 89:20

N fuɡe noo aa do ɡoroŋ do n bonɔɔ Devid nyu ta, dɛ cheɡo kora ta.

Kaala 28:41

Haa kpɔ laala nɔ do he dɔɔ Arɔn ne o bibaala tonɛ la, hé fuɡe noo do ba nyuune ta dɛ́ kpɔ ba sɔfo toma do ba nɔn ta. Ɛɛ ba bá do ɡoroŋ dɛ́ won dɛɛ ɛ n toma kɛŋɔ sɔfore.

Kaala 40:13

Kpɔ laala aa do ɡoroŋ do Arɔn, ásɛ dɛ fuɡe noo do o nyu ta, dɛ́ leo cheɡ ó do ɡoroŋ tɛ men Korowii, dɛ́ won ɛ sɔfo dɛɛ tom mɛ kɛrɛdɛ.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Lewi Dea Tena 10:7

He bɛ Korowii Dea Cheremibɔr doonyoa bela le kaa bobɛlbwa, ásɛ dɛ ba serewe. Dɛkalkɛ Korowii noo aa do ɡoroŋ ba fuɡe do he nyuune ta dɛ do heyaa sɔfore ta la lɔ he nɛ.” Anomanta, ba ɛ ɡɛ Mosis aa bola la.

Lewi Dea Tena 21:10

Sɔfo baa leo o bala bini dɛ fuɡe noo do o nyu ta, dɛ ɛo Sɔfonomoa dɛ doo laala la ta chɛ kɛŋɔ ó ɡel o nyumpona loromi kɛɛ ó kɛɛ o laala á baɡle kɛ o lɔ lwe ta.

Lewi Dea Tena 21:12

kɛɛ dɛ́ le Korowii waa dɛ tomɔ Dea ta, kɛɛ dɛ́ ɡel o kah doŋa, dɛkalkɛ ba fuɡe noo do o nyu ta dɛ ɛo Sɔfonomoa tɛ Korowii waa dɛ tomɔ. Korowiirii bola.

Lewi Dea Tena 7:35

Gɛ bɔra nɔɔ ɛ Arɔn ne o bibaala dibɔra dɛ le saraha kwaa baa fuah tɛ Korowii, awola baa den fuɡe noo do ba nyuune ta dɛ́ do ba sɔfore ta.

Sekaria 4:14

Ate o ŋɔ, “Kpala anɛ nɔɔ cheɡa tɛ baala banɛ, Korowii waa ɛ harɛ nɔ bwa Dɔɔ aa lee ba, dɛ fuɡe noo do ba nyuune ta baa tomɔ la.”

Nɛra Kura 35:25

Nɛra baa chema dɛ bol waa la lɛ nɛn waa kpo o dɔŋ la le nɛn waa dɛ nyinu dɛ́ kpo bɔ kem la nɔn ta, dɛ́ berɛ kpɔɔ kaa bwɛɛ waa chwaa dɛɛ la ka so o ta dɛ́ dɔ o nyu la ta. Ó so bela ka tel kɛŋɔ Sɔfonomoa baa fuɡe noo do o nyu ta Korowii sɔn ta la, aa baa sewɛ mɔɔ.

Amanesoma Jɔn Aa Chwera Tɔn 3:34

Nɛn Korowii aa tomɔ la, Korowii wobolee wɛɛ bol, dɛkalkɛ Korowii tɛo o Domadɛɛɡe la tɛɛ tenten.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.