Kaala 29:42 - mzwDBL

⁴² Gɛɛ dɛ chɔ le tɛ naanar baa ka ba la baa fuh a ɡɛ saraha kwaa nɔ tɔperee bwa n Dea Cheremibɔr doonyoa bela men Korowii sie. Belaa mɛɛ ba heyaa chema, dɛ́ bol waa he be.

Kaala 29:42 ပူးပေါင်းရင်းမြစ်များ

Kaala 25:22

N ne he Danseɛ Daka la doa Kerobim la baah taa mɛɛ ba he chema, dɛ́ kpɔ me Mmarare bwa tɛɛ hé kpɔ tɛ Israel tena.

Kaala 27:21

N Dea Cheremibɔr pateesan waa lɔ N Ne Nɛwɛnyina Fɔo Daka la habɔɔ la, Arɔn ne o bibaalaa chɛ kɛŋɔ bá nyiŋi kandere la ta aa hɔ Korowii sie le jɔmɔra ba le chɔɔ bwa. Gɛ waa nɔ chɛ kɛ á ɛ Mmara dɛ́ chɔ le tɛ Israel tena ne ba naanar baa ka ba bwa.”

Kaala 29:41

Teŋe penɛɛte la ɡe baŋa ɛ saraha wee aa baa jo la, dɛ́ kpɔ mea saraha ne sen saraha dɛ ɔleve noo ja o ta ɡɛ tenten fuh ɛ saraha tɛ mɛ. A ɛ saraha baa fuh a bwa a sɔɔh ɛɛ do som n be.

Kaala 29:43

Bela tentenee mɛɛ ba n cheme Israel tena, ásɛ n jirima tɔ bela bwa, dɛ́ ɡel o do ɡoroŋ.

Kaala 30:36

Namɛ ane a kper mohooh ken, dɛ́ kpɔ cheɡ n Dea Cheremibɔr, ásɛ dɛ kpɔ merɛ N Ne Nɛwɛnyina Fɔo Daka la sie. Á ɛ kwaa aa do ɡoroŋ kohona tɛ heya.

Kaala 33:7

Mosis yon kpɔ tɛnte le kaa bela baa soɡa la dahara tama ka baŋre dɛɛ yerɔ ‘Korowii Dea Cheremibɔr.’ Nomɛlbwa waa dɛ nyin ó jemɛ waane le Korowii be la yon la bela.

Nɛra Kura 17:4

Kpɔ daŋɡbale la ka bil n Dea Cheremibɔr, N Ne Nɛwɛnyina Fɔo Daka la sie bela maa dɛ cheme heyaa la.

Nɛra Kura 28:7

Hé kpɔ sen pɛrɛntoa beŋkpoŋ ne tama ne loɡla pebale la, dɛ́ ba fuɡe sen la ta saraha kon la ta, ásɛ a ɛ sen saraha.

Ɛsekeɛl 46:15

Gɛɛ hɛɛ ba pebie la ne mea saraha, dɛ noo la kpɔe dɛ́ baa ɛ saraha baa fuah chɔɔbɔr bɛlbwa dɛɛ tɛ men Korowii.”

Ɛsekeɛl 43:6

Dɛ baa la cheɡɛ n jwɛh, asɛ n no nomɛl taa Korowii Dea la bini wɛɛ bol waa n be.