Kaala 29:38 - mzwDBL

³⁸ Kwaa haa lawɛ ba saraha kon la ta ba ɛ saraha tɛ mɛ tɔpere bɛlbwa laanee pebiiri anɛ, a bɛlbwa aa di benanyoa.

Kaala 29:38 ပူးပေါင်းရင်းမြစ်များ

1 Webena 16:40

Dɛ a chɛ kɛ ŋɔ bá kpɔ saraha kwaa baa dɛ fuah baa tɛ Korowii bela, kon baa dɛ fuh saraha o ta chɔɔ ne jɔmɔra, ɡɛ aa lɔ Korowii Mmarare bini o kpɔ tɛ Israel tena la.

Daneɛl 12:11

Le ɡɛ saŋ baa ɡel tɔpere bɛlbwa sarahare ɛɛ, dɛ́ kpɔ konchɔɡechɔɡe waa dɛ paɡre bwɛɛ la pa la ɛɛ ɛ tɔpera kaɡboŋ lafraanɛ fifraanuanaarɛɛ.

2 Webena 31:3

Kooro Hɛsɛkea lawɛ o ɡbaɡba nae ne boohna ne peera tɛ ŋɔ, bá kpɔ ɛ sarahare baa dɛ fuah chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane baa lea cheɡ ta, ɡɛ baa chwera do Korowii Mmara tɔn bini la.

2 Webena 13:11

Chɔɔ ne jɔmɔra bwaa ba kpɔ saraha kwaa ba baa fuh, dɛ fuh daawiile a sɔɔh aa soma dɛɛ tɛ Korowii. Ba kpɔ paanoo dɛɛ dawɛ teebur waa do ɡoroŋ doŋa bɛlbwa aa wola toole o ta, dɛ choŋi kandere aa lɔ kandea daa baa kpɔ suuɡaswɛm ɛo jɔmɔra bɛlbwa. Ya dɛ ɛ waa Korowii yaa dɛ tomɔ la aa do yaa, kɛ he te vɛoh.

2 Webena 2:4

N dɛ ba Dea doe tɛ Korowii maa dɛ tomɔ, ásɛ baa tomɔ o bini. Wɛɛ do ɡoroŋee, ásɛ n ne n nɛra fuh daawiile a sɔɔh aa soma dɛɛ tomɔ bela, dɛ́ kpɔ paanoo baa lea cheɡ tɛ Korowii o do ɡoroŋ dɛɛ ba o sie tɔpere bɛlbwa, dɛɛ fuh saraha kwaa chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane Korowii yaa dɛ tomɔ aa lea cheɡ. Gɛ waa nɔ chɔ le tɛ Israel tena saŋ bɛlbwa dɛɛ la.

Daneɛl 9:27

Nomoa la ne nɛra baa wara ɛɛ fɔwɛ fɔwee bene anuanɛ. Bene anuanɛ la baah ta la, wɛɛ ɡeloo ba ɡel kwaa baa kpoora dɛɛ ɛ saraha, ne koŋkɛɛla baa dɛ ba a ne Korowii Dea la ne bala. Ásɛ o kpɔ konchɔɡechɔɡe waa dɛ paɡre bwɛɛ la ka pa Korowii Dea doa bobɛl waa do jaŋne kaa nyundua, ásɛ o do bela ka tel kɛŋɔ chɔɡa aa dɛ ba o nɛɛ bala aa bala, ɡɛ Korowii aa bola la.”

Ɛsra 3:3

A lole kɛŋɔ dɛ ba dɛ ɔmɛ nɛra baa bar ba cheme la te, kɛ ba berɔ kwaa ma saraha kon la cheɡ o buɡ bene la ta, dɛ fuh kwaa chɔɔ ne jɔmɔra ɛ sarahare dɛɛ tɛ Korowii o ta.

1 Pita 1:19

Yeesu Kristo waa do kɛ saraha pebie doŋa bɛlbwa aa wola toole o nɛ, waa wola kirihiah bobɛlbwa dii la, o ɡbaɡba chal nee Korowii yawɛ heya.

Hibru 7:27

O ta doe kɛŋɔ Lewi dea Sɔfonomonome la baa dɛ ɛ wechɔɡa saraha tɔpere bɛlbwa la. Ba te chɛ kɛ ba tɔ sie ɛ ba ɡbaɡba wechɔɡa saraha mɔɔ dɛ ɛ nɛra la ɡe wechɔɡa saraha. Saraha beŋkpoŋ ɡboo Yeesu ɛ, bɛl ta jae kpa. O kpɔ o te ɡbaɡba ɛ saraha.

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

Daneɛl 9:21

N ta aa lɔ n wesoŋa ta la, nyundua torome Gebreɛl n fa aa nao wepila aa tɔ sie ta la iro kpɔ nyundua wɔrɔbe nɛɛ dɛ ba n be. Dɛ jɔmɔr saraha saŋ telo.

Mumpar 22:7

Belaa Aesek yerɛ o mɛɛ Abraham ŋɔ, “N mɛɛ,” asɛ o sɛh ŋɔ, “N biee hen.” Anee Aesek chaŋe ŋɔ, “Nii ne daaree nɔ, aah leperaa pee haa dɛ ba kpɔe ɛ saraha la te dɔɔ?”

Kaala 40:29

O kpɔ kon baa fuh saraha kwaa o ta dɛɛ tɛ Korowii la ɡe ba cheɡ Korowii Tɛnte Dea waa ɛ o Cheremibɔr la doonyoa bela, asɛ dɛ kpɔ saraha kwaa baa dɛ fuah ne mea saraha ba tɛ Korowii ɡɛ waa doo la.

Lewi Dea Tena 3:5

Ásɛ Arɔn bibaala la fuah ja anɔ la aa lɔ saraha kon la ta dɛɛ fuh la ta. Anɔɔ ɛ saraha ba yon fuah a sɔɔh ɛɛ do som men Korowii be.

Lewi Dea Tena 6:9

“Do Arɔn ne o bibaala kɛŋɔ ŋwɛnɛre aa chɔ le tɛ saraha kwaa baa dɛ fuah laanee nɔ. A chɛ kɛ kwaa la dawɛ kafola waa lɔ saraha kon la ta awola la bwa tɔɔ ba per, dɛ́ ɡel nii la ɛɛ hɔ dɛ bɛ dime bwa.

Nɛra Kura 29:6

A ɡɛ sarahare nɔ ja korobie bɛlbwa ne saŋ bɛlbwa sarahare, ne a mea sarahare ne sen sarahare ɡɛ waa baɡla la ta. Á ɛ sarahare haa fuah baa tɛ Korowii a sɔɔh ɛɛ do som o be.

2 Webena 8:13

ɡɛ Mosis aa doa ŋɔ baa ɛ sarahare tɔpere bɛlbwa, Ona Tɔpera ne Korobifala Tɔpejena. Dɛ Tɔpejena atoro ane kɛŋɔ, Paanoo Iisi Aa Wola Toole A Ta Tɔpejen, ne Koo Kondikwaa Koma Tɔpejen, dɛ Kukure Tɔpejen dii ta la.

Ɛsra 3:5

A habɔɔ la, ba kpɔ kwaa baa fuah dɛɛ ɛ sarahare tɔpere bɛlbwa kɛŋɔ Korobifale ne saraha kwaa baa lea cheɡ tɔpejena aa do ɡoroŋ tɛ Korowii la ne, dɛ anɔ la aa le nɛra bambile ta, ba kpɔ ba ɛ sarahare tɛ Korowii la.

Lewi Dea Tena 9:17

O berɔ kpɔ mea saraha la ɡe ba, dɛ ɛ nɔndel dɛ pɛ fuah kon baa dɛ ɛ saraha o ta la ta, ane saraha kwaa baa dɛ fuah chɔɔ bɛlbwa la bwa.

2 Webena 2:3

Kooro Solomɔn kpɔ kala tɛ Taaya Kooro Hiram ŋɔ, “Tɛ mɛ peleme daa ɡɛ haa tɛ n mɛɛ Kooro Devid o do koodem la.

2 Webena 29:7

Ba berɔ laa Korowii Dea la ɡbeni tɔɔɡe, dɛ ɡel kandere la dirimi, dɛ vɛh daawiile a sɔɔh aa soma, kɛɛ saraha kwaa baa dɛ fuah fueh Korowii Israel tena aa dɛ tomɔ la Dea bini.

Ɛsekeɛl 46:13

Tɔpere te bɛlbwa chɔɔbɔr, a chɛ kɛ he lawɛ pebie waa wola kirihiah bɛlbwa dii dɛ di benanyoa ba ɛ saraha dɛ́ kpoo, dɛ́ fuuh tɛ men Korowii.

Ɛsekeɛl 46:15

Gɛɛ hɛɛ ba pebie la ne mea saraha, dɛ noo la kpɔe dɛ́ baa ɛ saraha baa fuah chɔɔbɔr bɛlbwa dɛɛ tɛ men Korowii.”