Kaala 29:29 - mzwDBL

²⁹ Dɛ Arɔn baa sewaa, o naanar la bɛlbwa waa ba chiɡ o naa ta la, wɛɛ won do laala aa do ɡoroŋ la bá ɛo we-ɛɛla dɛ́ doo sɔfore toma ta.

Kaala 29:29 ပူးပေါင်းရင်းမြစ်များ

Nɛra Kura 18:8

Korowii berɔ ŋɔ Arɔn be ŋɔ, “N ɡbabirii kpɔe chɔ sarahare baa kpɔa baa tɛ mɛ la nyoa. Saraha kwaa aa do ɡoroŋ Israel tena kpɔ baa tɛ mɛ la bwa, he ne he bibaalaa n kpɔa dɛɛ tɛ, á ɛ he dibɔr saŋ bɛlbwa dɛɛ la.

Nɛra Kura 35:25

Nɛra baa chema dɛ bol waa la lɛ nɛn waa kpo o dɔŋ la le nɛn waa dɛ nyinu dɛ́ kpo bɔ kem la nɔn ta, dɛ́ berɛ kpɔɔ kaa bwɛɛ waa chwaa dɛɛ la ka so o ta dɛ́ dɔ o nyu la ta. Ó so bela ka tel kɛŋɔ Sɔfonomoa baa fuɡe noo do o nyu ta Korowii sɔn ta la, aa baa sewɛ mɔɔ.

Kaala 40:15

He tonaa, hé fuɡe noo do ba nyuune ta ɡɛ haa ɛ ba mɛɛ la, ásɛ ba won ɛ sɔfore dɛɛ ɛ n toma. Noo fuɡa dɛ do ba nyuune ta nɔɔ dɛɛ ba ɡela sɔfore toma do ba luɡe ta saŋ bɛlbwa dɛɛ la.”

Kaala 30:30

Fuɡe noo la ane do Arɔn ne o bibaala nyuune ta, ásɛ ba do ɡoroŋ dɛ́ won ɛ sɔfore dɛɛ tom mɛ.

Kaala 28:2

Nyarɛ laala aa do ɡoroŋ tɛ Arɔn ó dɔ jirima ne duure.

Kaala 29:28

Anee ɛ dibɔra aa chɛ kɛŋɔ saŋ bɛlbwa Israel tena kpɔ baa tɛ Arɔn ne o bibaala. A ɛ bɔra aa chɛ kɛŋɔ bá kpɔ ba tɛ men Korowii dɛ le deŋnesɔɔhna saraha kwaa ta.

Kaala 29:30

O bibaa bɛlbwa waa ba chiɡ o naa ta dɛ ɛ sɔfo la chɛ kɛ ó do laala la tɔpera anuanɛ mɔɔ bá ɛo we-ɛɛla o won jo n Dea Cheremibɔr la bini ka ɛ toma Boɡoroŋ bela.

2 Webena 13:9

He laa doŋi Korowii sɔfore baa ɛ Arɔn naanar ne Lewi dea tena, dɛ berɛ le nɛra bane so ba buɡ ta, ɡɛ harɛre ane nɛra aa ɛa la aa? Nomɛlbwa ɛɛ won kpɔ nabale kɛɛ peera anuanɛ ba ŋɔ bá sɔ o doŋa ta, dɛ́ ɛo kerekpoŋri kwaa haa dɛ yera he voɡa la ta.

Lewi Dea Tena 8:1

Korowii ŋɔ Mosis be ŋɔ,

Lewi Dea Tena 16:32

Nɛn baa fuɡe noo do o nyu ta, dɛ doo sɔfore toma ta o ba chiɡ o mɛɛ naa ta kɛŋɔ Sɔfonomoa laanee chɛ kɛŋɔ ó soŋe tɛ nɛra. Ó kpɔ sɔfo laala baa kpɔ yapondɛɛɡa nyara la do,