Kaala 29:21 - mzwDBL

²¹ Berɛ kpɔ chal la aa lɔ saraha kon la ta la ane, ásɛ dɛ fuɡe noo baa kpɔa dɛɛ do ba sɔfore ta la ane do Arɔn nyu ne o laala ta, dɛ́ berɛ do ane o bibaala la ɡe nyuune ta, dɛ́ ɛ merɛ ba ɡe laala ta. Gɛɛ dɛ ɡel o ne o bibaala la ne ba laala bwa do ɡoroŋ.

Kaala 29:21 ပူးပေါင်းရင်းမြစ်များ

Hibru 9:22

Mmara la ta la, chal nee baa fee doŋa waa ne kwaa kɛrɛdɛ ta. Dɛ chal ta fuɡaa, Korowii aa wechɔɡa kpɔe dɛɛ kɛ.

Lewi Dea Tena 8:30

Asɛ o kpɔ noo baa kpɔa dɛɛ do ba sɔfore ta, ne chal la ane le saraha kon la ta dɛ ɛ merɛ Arɔn laala ta, dɛ o bibaala la ɡe kwaa ta. O ɛ ɡɛ dɛ le Arɔn ne o laala ne o bibaala la ɡe ne ba laala cheɡ ba do ɡoroŋ.

Kaala 29:7

Ásɛ dɛ fuɡe noo baa kpɔa dɛɛ do ba sɔfore ta la ane do o nyu ta.

Kaala 29:1

Korowii berɔ ŋɔ Mosis be ŋɔ, “Kenii hɛɛ ba ɛɛ dɛ́ le Arɔn ne o bibaala cheɡ bá do ɡoroŋ, ásɛ dɛɛ ɛ n toma kɛŋɔ sɔfore. Lawɛ nabale ne pebala anɛ aa wola kirihiah bɛlbwa dii,

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

Amanesoma Jɔn Aa Chwera Tɔn 17:19

Ba nomanta, n kpɔ n te tɛɛ dɛ ɛ he ɡbosoroo nɛn ásɛ ba ɡe ɡba won berɛ he ɡbosoroo nɛra, teŋa baa dɛ teŋɛ he kasinteŋ la ta nomanta.

Yela 133:2

A wer dɛ do kɛŋɔ, baa dɛ cheɡ Arɔn sɔfore ta, dɛ fuɡe noo a yoɡ aa kpeɡa do o nyu ta, a palɛ jo o tampona ta, dɛ ba le o batakaare baŋa ta ken.

Lewi Dea Tena 14:29

Ásɛ dɛ kpɔ noo la kabora aa lɔ o nɔmpaa bini la do naate baa dɛ ba o doŋa laa dɛ́ kpɔ o nɛɛ la nyu ta, dɛ́ kpɔ soŋe naate la wechɔɡa tɛo men Korowii sie ń kpɔ kɛo.

Kaala 29:20

Teŋe o baŋa dɛ ɛ o chal la ane leɡe Arɔn ne o bibaala diɡ deŋna nyoo, ne ba diɡ nonibala dɛ ba diɡ nanibala ta. Ásɛ dɛ ɛ chal la ta saraha kon la baŋne la bwa ta.

Kaala 29:22

Kpɔ pee la no ne anɔ la aa lɔ o muŋɡo ta bwa, ne o noyal ne o pwɛ bela waa wera, ne o kporombie anɛ ne noorare aa ja a ta bwa dɛ o nadiɡ hwi.

Lewi Dea Tena 8:23

Mosis teŋe pee la baŋa asɛ dɛ kpɔ chal la ane ɛ Arɔn diɡ deŋne nyoa, ne o diɡ nonibal dɛ o diɡ nanibal ta.

Lewi Dea Tena 7:35

Gɛ bɔra nɔɔ ɛ Arɔn ne o bibaala dibɔra dɛ le saraha kwaa baa fuah tɛ Korowii, awola baa den fuɡe noo do ba nyuune ta dɛ́ do ba sɔfore ta.