Kaala 29:18 - mzwDBL

¹⁸ Ásɛ dɛ fuh o bwa saraha kon la ta. A ɛ saraha kon baa dɛ fuh o bwa o sɔɔh ɛɛ do som n be.

Kaala 29:18 ပူးပေါင်းရင်းမြစ်များ

Mumpar 22:13

Abraham ha sie nyiŋi, asɛ dɛ na pebal o nyeɡlare aa karɛ kaɡra ane ta o che. Asɛ o ka lawɔ dɛ kpoo, dɛ kpɔ chiɡ o bie la naa ta, dɛ fuh ɛ saraha tɛ Korowii.

Mumpar 22:2

Belaa o ŋɔ o be ŋɔ, “Kpɔ he bibeŋkpoŋ Aesek haa dɛ nyin o waa la kaa Moria harɛ ta dɛ́ ka kpoo, dɛ́ fuuh ɛ saraha tɛ mɛ. Mɛɛ baɡlee bwejen bɛl haa ka ɛ saraha la o taa.”

Mumpar 22:7

Belaa Aesek yerɛ o mɛɛ Abraham ŋɔ, “N mɛɛ,” asɛ o sɛh ŋɔ, “N biee hen.” Anee Aesek chaŋe ŋɔ, “Nii ne daaree nɔ, aah leperaa pee haa dɛ ba kpɔe ɛ saraha la te dɔɔ?”

Mumpar 8:20

Nowa pa bwea dawɛ dɔŋa nɛ, asɛ dɛ lawɛ ola ne jumbii Korowii aa ŋɔa bá di la bini beŋkpoŋa, dɛ kpoora dɛ fuah ɛ saraha kon la ta, dɛ kpɔ jam Korowii.

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

1 Koranar 18:38

Ate, Korowii ɡel nii ba le saraha kwaa la ta, dɛ fuh a ne daa la ne bwea dɛ harɛ la bwa, nee aa lɔ bɔɔ la bini ɡe hweeh.

1 Koranar 3:4

Kooro Solomɔn la bwɛjen Gebeɔn ta, dɛ belaa kon baa dɛ ɛ saraha o ta do, nɛra bwa ɛɛ la o ta. O kaa ɛ sarahare bele kaɡboŋ o ta dɛ fuah.

Yela 50:8

Maa heyaa kah ŋɔ kwaa haa kpoora ɛ sarahare, kɛɛ kwaa haa fuah ɛ sarahare n sie saŋ bɛlbwa la aa were.

Kaala 29:17

Mɔne a bini dɛ́ yaɡle o tea bini kwaa ne o nakpale, dɛ́ kpɔa ja o nyu ne anɔ la aa kaa la bwa ta.

Kaala 29:25

Berɛ lɛ saraha kwaa la ba be, ásɛ dɛ kpɔ ja anɔ la baa fuah la ta, dɛ́ fuah saraha kon la ta. A ɛ saraha baa fuh a bwa a sɔɔh ɛɛ do som n be.

Aesaya 1:11

O ŋɔ, “Bɔkwaa kwaa haa dɛ kpoo kohona dɛ kpɔ ɛ saraha dɛɛ tɛ mɛ la ɛɛ baɡleɔ? Kwaa haa kpoora dɛ fuah dɛ kpɔ dɛɛ jam mɛ, pebala, ne ola noorare pe mɛ, nae ne pebiiri ne boohna chale aa men pɛla dɔ.

Jeremia 6:20

N waane laa daawiile baa le ane Seeba harɛ dɛɛ ba, kɛɛ kalamus a sɔɔh aa soma baa le a ne bojaŋ harɛ ta dɛɛ ba la. Maa saraha kwaa haa dɛ fuah la nyin, n sie aa kwaa haa kpoora dɛɛ tɛ mɛ ta lɛ.

Lewi Dea Tena 1:17

Ásɛ dɛ lawɛ o kena dɛ́ pere o bini anɛ, dɛ bɛ ɡel o cha ta. Ásɛ sɔfo la fuuh nii la ta. Anɔ nɔɔ ɛ saraha ba yon fuh o bwa o sɔɔh ɛɛ do som n be.”

Lewi Dea Tena 1:9

Naate yaɡle ol la tea bini kwa ne o nakpale la, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 4:31

Ó laa o noo la bwa kpɔ, ɡɛ baa dɛ ɛ deŋnesɔɔhna saraha kon noo la, ásɛ sɔfo la fuah saraha kon la ta a sɔɔh do som men Korowii be. Gɛɛ sɔfo la ɛɛ ba ɛɛ, dɛ́ soŋe naate wechɔɡa la n be, ásɛ n kpɔ kɛo.

Lewi Dea Tena 8:21

O yaɡle o tea bini kwaa ne o nakpale, dɛ fuh ane ol la bwa saraha kon la ta, dɛ ɛ saraha baa dɛ fuh o bwa o sɔɔh ɛɛ do som Korowii be ɡɛ waa do Mosis la.

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Amanesoma Mak Aa Chwera Tɔn 12:33

A chɛ kɛŋɔ yá nyinu ya bambile ne ya liire ne ya bokpeɡa bwa ne, dɛ́ nyin ya dɔŋa kɛŋɔ yaa dɛ nyin ya ɡbaɡba la. A ɡɛ mmarare anɛ nɔ ta teŋaa wera ɡwaa ɡɛ bwa yaa kpoo kwaa dɛ fuah dɛɛ tɛ Korowii, dɛ che kwaa kaa tɛo.”

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

1 Samoɛl 7:9

Ate, Samoɛl lawɛ pebie o taa dɛ ɔr ba ɛ saraha, dɛ fuuh tɛ Korowii. O cheɡɛ Israel tena naa ta, dɛ wi yerɛ Korowii asɛ Korowii sɛh o nyoa.