Kaala 29:13 - mzwDBL

¹³ Laa o noyal bwa ne o pwɛ bela waa wera, ne o kporombie anɛ la dɛ a noorare bwa kpɔ, dɛ́ fuah saraha kon la ta.

Kaala 29:13 ပူးပေါင်းရင်းမြစ်များ

1 Samoɛl 2:16

Dɛ nɛn waa baa ɛ saraha la ŋɔ o be ŋɔ, “Fuh ol la noo tonɛ mɔɔ, dɛ́ kpɔ onɔ la haa dɛ nyin” aa, bonɔɔ la ɛɛ chaŋoo ŋɔ, “Akai, kpɔ tɛ mɛ taraken, dɛ ɡɛ laa aa, amɔ te kpeɡri nee mɛɛ ba kpɔe.”

Aesaya 43:24

He ta daawiile kalamus a sɔɔh aa soma yawɛ bá fuh tɛ mɛ, á ba ɛ kɛŋɔ he tɛ mɛ he saraha kwaa bodɛɛɡa á su n siwi. Kɛ he wechɔɡa kan dɛ ɛɛ mɛ bone, he wedoŋa ɡe ɛɛ le n mee.

Aesaya 34:6

Chal ne noo ɡboo tɔ Korowii kere la bwa, kɛŋɔ baa kpo pebiiri ne boohna dɛ ler a kporombie ɛ saraha ken. Korowii dɔ saraha ɛɛ bwɛjen Bosra. Nɛra ɛɛ serewoo kɛrɛdɛ kere la nyoa, Edom harɛ ta.

Aesaya 1:11

O ŋɔ, “Bɔkwaa kwaa haa dɛ kpoo kohona dɛ kpɔ ɛ saraha dɛɛ tɛ mɛ la ɛɛ baɡleɔ? Kwaa haa kpoora dɛ fuah dɛ kpɔ dɛɛ jam mɛ, pebala, ne ola noorare pe mɛ, nae ne pebiiri ne boohna chale aa men pɛla dɔ.

Yela 22:14

N bokpeɡa tonɔ kɛŋɔ, baa fuɡe nee ta harɛ ken, asɛ n hoɡa bwa soɡre, n bambile chɔɡ, n ta hwɛɡa bɛlbwa dɔe kpa.

Nɛra Kura 18:17

Nao kɛɛ pee, kɛɛ booh biloɡle waa ɛ ombal te, he bɛ a nyuune charɛ. A te ɛ n kwa. Hé kpɔ a chale merɛ saraha kon la ta, ásɛ dɛ fuh a noorare la kɛŋɔ saraha baa dɛ fuah. A sɔɔh ɛɛ do men Korowii somee.

Lewi Dea Tena 17:6

Sɔfo la tonaa, ó ɛ a chale merɛ men Korowii saraha kon la ta, n Dea Cheremibɔr doonyoa bela, dɛ́ fuh a noorare, ásɛ a sɔɔh do n som kohona.

Lewi Dea Tena 16:25

Ó berɛ kpɔ ol waa kpɔa ɛ saraha la noo ɛ wechɔɡa kpɔe dɛ kɛ saraha, dɛ́ fuah saraha kon la ta.

Lewi Dea Tena 9:19

Arɔn kpɔ nao la ne pee la noorare, ne o muŋɡo noo ne o noyal, ne o kporombie dɛ o pwɛ bela waa wera la,

Lewi Dea Tena 9:10

O fuh kon la noorare ne o kporombie dɛ o pwɛ bela waa wera la saraha kon la ta ɡɛ Korowii aa do Mosis la.

Lewi Dea Tena 8:25

O kpɔ o no, ne anɔ la aa lɔ o muŋɡo ta bwa ne o noyal ne o pwɛ bela waa wera, ne o kporombie anɛ ne a noorare aa lɔ a ta dɛ o nadiɡ hwi.

Lewi Dea Tena 8:16

Mosis berɔ kpɔ o noyal bwa ne o pwɛ bela waa wera, ne o kporombie anɛ la dɛ a noorare bwa, dɛ fuah saraha kon la ta.

Lewi Dea Tena 7:31

Sɔfo la fuh noo la saraha kon la ta, kɛ o bambile la te, Arɔn ne o bibaala konee.

Lewi Dea Tena 7:3

O noorare la bwa chɛ kɛ bá kpɔ tɛ mɛ. O muŋɡo noo la ne o noyal waa lɔ o tea bini bwa,

Lewi Dea Tena 6:12

A chɛ kɛ ba ɡel nii la ɛɛ hɔ saraha kon la ta dɛ bɛ dime bwa. Chɔɔ bɛlbwa la, a chɛ kɛ sɔfo la pa daa do nii la ta, ásɛ dɛ kpɔ saraha kwaa baa dɛ fuah la dawɛ a ta, dɛ́ kpɔ deŋnesɔɔhna saraha noorare la ɡe ja a ta fuh.

Lewi Dea Tena 4:35

Ó laa o noo la bwa kpɔ, ɡɛ baa dɛ ɛ deŋnesɔɔhna saraha kon noo la, ásɛ sɔfo la kpɔ ja kwaa baa kpɔa ba ɛ saraha dɛ́ fuah tɛ mɛ la ta. Gɛɛ sɔfo la ɛɛ ba ɛɛ, dɛ́ soŋe naate wechɔɡa waa ɛa n be ásɛ n kpɔ kɛo.”

Lewi Dea Tena 4:31

Ó laa o noo la bwa kpɔ, ɡɛ baa dɛ ɛ deŋnesɔɔhna saraha kon noo la, ásɛ sɔfo la fuah saraha kon la ta a sɔɔh do som men Korowii be. Gɛɛ sɔfo la ɛɛ ba ɛɛ, dɛ́ soŋe naate wechɔɡa la n be, ásɛ n kpɔ kɛo.

Lewi Dea Tena 4:26

Ó kpɔ o noo la bwa, ásɛ dɛ fuah saraha kon la ta ɡɛ baa ɛa dɛɛ fuh deŋnesɔɔhna saraha kwaa la. Gɛɛ sɔfo la ɛɛ ba ɛɛ, dɛ́ soŋe naate la wechɔɡa n be, ásɛ n kpɔ kɛo.

Lewi Dea Tena 1:15

Sɔfo la kpɔ kon la kaa saraha kon la ta, dɛ́ tor o nyu ta nii la ta ó fuh, ásɛ dɛ kpoŋo o chal la bwa hwaah ta saraha kon la baŋ bɛl.

Lewi Dea Tena 1:9

Naate yaɡle ol la tea bini kwa ne o nakpale la, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Kaala 29:25

Berɛ lɛ saraha kwaa la ba be, ásɛ dɛ kpɔ ja anɔ la baa fuah la ta, dɛ́ fuah saraha kon la ta. A ɛ saraha baa fuh a bwa a sɔɔh ɛɛ do som n be.

Kaala 29:22

Kpɔ pee la no ne anɔ la aa lɔ o muŋɡo ta bwa, ne o noyal ne o pwɛ bela waa wera, ne o kporombie anɛ ne noorare aa ja a ta bwa dɛ o nadiɡ hwi.

Kaala 29:18

Ásɛ dɛ fuh o bwa saraha kon la ta. A ɛ saraha kon baa dɛ fuh o bwa o sɔɔh ɛɛ do som n be.

Kaala 12:9

He bɛ ola la an lwɛɛ kɛɛ an daala chwe. Hé wɔɔ ane a nyuune ne nakpale ne a tea bini kwaa te bwa.

Lewi Dea Tena 7:4

ne o kporombie anɛ ne a noorare aa ja a ta, dɛ o pwɛ bela waa wera. Bá laa o pwɛ bela waa wera la ne o kporombie anɛ la laa kpɔ a pɛ dɔŋa nɛ.