Kaala 29:12 - mzwDBL

¹² Ásɛ dɛ kpɔ noni ɛ nao la chal la ane ɛ kwaa aa paaɡe saraha kon la loŋkoni ta la ta, dɛ́ fuɡe a kar ta saraha kon la mun ta.

Kaala 29:12 ပူးပေါင်းရင်းမြစ်များ

Kaala 27:2

Sɛh o loŋkoni anaarɛ la bwa á kaa nyundua tama kɛŋɔ nyeɡlare ken. Daa beŋkpoŋii chɛ kɛ he kpɔ ɛ saraha kon la ne o nyeɡlare bwa, kpɔ ayaawa ɛ o bwara.

Lewi Dea Tena 9:9

Asɛ o bibaala kpɔ chal la ba tɛo, o kpɔ nonii do a ta dɛ ɛ ane ɛ kwaa aa paaɡe saraha kon la loŋkoni ta la ta. Dɛ fuɡe chal la kabora ta saraha kon la mun ta.

Lewi Dea Tena 8:15

Asɛ Mosis teŋe o baŋa dɛ kpɔ nonii ɛ o chal la ane merɛ kwaa aa paaɡe saraha kon la loŋkoni ta, dɛ leo cheɡ o do ɡoroŋ. Asɛ dɛ berɛ fuɡe chal la kar do saraha kon la mun ta. O ɛ ɡɛ dɛ laa doŋa kpɔ saraha kon la ta o do ɡoroŋ.

Kaala 30:2

Gel ó ɛ fɔɔskwɛɛ, o jaŋne ɛ naɡale beŋkpoŋ ne tama, o paɡri ɡe naɡale beŋkpoŋ ne tama, ásɛ o daŋa ɡe ɛ naɡale atoro. Daa beŋkpoŋii chɛ kɛ he kpɔ sɛh o ne kwaa aa lɔ o loŋkoni anaarɛ ta dɛ do kɛŋɔ nyeɡlare la bwa.

Hibru 10:4

dɛkalkɛŋɔ nae ne boohna chale aa won fee wechɔɡa nɛra nɛɛ bwa.

Hibru 9:22

Mmara la ta la, chal nee baa fee doŋa waa ne kwaa kɛrɛdɛ ta. Dɛ chal ta fuɡaa, Korowii aa wechɔɡa kpɔe dɛɛ kɛ.

Lewi Dea Tena 16:14

Ó kpɔ nonii ɛ nao la chal la ane merɛ N Ne Nɛwɛnyina Fɔo Daka tɔ la ta o sie, dɛ́ berɛ merɛ ane ɡe o sie tenten kera anuanɛ.

Lewi Dea Tena 5:9

ásɛ dɛ kpɔ chal la ane ɛ saraha kon la keŋkeŋ. Ásɛ dɛ fuɡe chal la kabora la ta saraha kon la mun ta. Anɔɔ ɛ wechɔɡa kpɔe dɛ kɛ saraha.

Lewi Dea Tena 4:34

Ásɛ sɔfo la kpɔ nonii do chal la ta, dɛ́ ɛ ane ɛ kwaa aa paaɡe kon baa dɛ fuh saraha kwaa o ta la loŋkoni ta. Ásɛ dɛ fuɡe a kabora la ta o mun ta.

Lewi Dea Tena 4:30

Ásɛ sɔfo la kpɔ o nonii do chal la ta, dɛ́ ɛ ane ɛ kwaa aa paaɡe kon baa dɛ fuh saraha kwaa o ta la loŋkoni ta. Ásɛ dɛ fuɡe a kabora la ta o mun ta.

Lewi Dea Tena 4:25

Ásɛ sɔfo la kpɔ o nonii do chal la ta, dɛ́ kpɔ ane ɛ kwaa aa paaɡe kon baa dɛ fuh saraha o ta la loŋkoni ta. Ásɛ dɛ fuɡe a kabora ta o mun ta.

Lewi Dea Tena 4:18

Sɔfo la kpɔ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni la ta n sie, n Dea Cheremibɔr bela. Dɛ́ fuɡe chal la kabora ka ta kon baa dɛ fuh saraha kwaa o ta la mun ta, n Dea Cheremibɔr la doonyoa bɔr bela.

Lewi Dea Tena 4:7

Ásɛ sɔfo la ɛ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni ta dɛ do n sie n Dea Cheremibɔr la bini la. Chal la kar la, ó le dɛ́ ka fuɡa ta o mun ta n doonyoa bela.

Kaala 38:2

O sɛh kwaa aa paaɡa kɛŋɔ nyeɡlare do o loŋkoni anaarɛ la bwa ta. Daa beŋkpoŋii o kpɔ kwaa saraha kon la ne o kwaa aa paaɡe o ta la bwa dɛ kpɔ ayaawa ɛ a bwara.

Wepila 6:9

Asɛ Pebie la swe kwaa baa kpɔa marɛ tɔn nuete la. Waa sweo la, n nyiŋi Korowii Dea bela baa dɛ ɛ saraha dɛɛ tɛ Korowii la harɛbɔr, dɛ na lala baa koh Korowii Waa la wa, ne cheɡa baa cheɡa tɛo waa dɛ kpoo ba la.

Kaala 29:11

Teŋe o baŋa men Korowii sie n Dea Cheremibɔr doonyoa bɔr bela.