Kaala 28:41 - mzwDBL

⁴¹ Haa kpɔ laala nɔ do he dɔɔ Arɔn ne o bibaala tonɛ la, hé fuɡe noo do ba nyuune ta dɛ́ kpɔ ba sɔfo toma do ba nɔn ta. Ɛɛ ba bá do ɡoroŋ dɛ́ won dɛɛ ɛ n toma kɛŋɔ sɔfore.

Kaala 28:41 ပူးပေါင်းရင်းမြစ်များ

Kaala 28:1

Korowii berɔ ŋɔ Mosis be ŋɔ, “Gel bá kpɔ he dɔɔ Arɔn ne o bibaala Nadab ne Abihu ne Eliasa dɛ Itama le Israel tena bini, ásɛ ba ɛ sɔfore dɛɛ tom mɛ.

Kaala 28:4

Laala haa nyarɛ laanee, kon waa dawɛ o bambile ta ne batakaarebora, ne batakaarejaŋ ne onɔ la baa sɔɔh ó do mun ta, ne yal baa kpɔ vɔwɛ nyu dɛ kiriso waa kpɔ dɛɛ vɔwɛ chara. Gɛ laala aa do ɡoroŋ nɔɔ baa ba nyara tɛ he dɔɔ Arɔn ne o bibaala, ásɛ ba ɛ toma dɛɛ tɛ mɛ kɛ sɔfore.

Kaala 29:24

Kpɔa do Arɔn ne o bibaala nɔɔra ta, ásɛ ba ɡɔɔra nyundua dɛ́ viiɡa men Korowii sie.

Kaala 29:35

Hé ɛ wobɛlbwa maa do heyaa nɔ tɛ Arɔn ne o bibaala la, dɛ́ kpɔ tɔpera anuanɛ ɛ we-ɛɛla do ba sɔfore toma ta.

Kaala 29:7

Ásɛ dɛ fuɡe noo baa kpɔa dɛɛ do ba sɔfore ta la ane do o nyu ta.

Kaala 29:9

dɛ́ pi ba ɡbɛrɛre. Ásɛ dɛ kpɔ kirisore vɔwɛ Arɔn ne o bibaala la. Ba ne ba naanar ɛɛ ɛ sɔfore, dɛɛ tom mɛ saŋ bɛlbwa dɛɛ la. Gɛɛ hɛɛ ba ɛɛ dɛ́ le Arɔn ne o bibaala dɛ́ kpɔ ba toma do ba nɔn ta.

Kaala 30:35

dɛ́ koora a sɔɔh do som kɛrɛdɛ, nɛn waa dɔ a ɛɛ wejema aa ɛa. A chɛ kɛŋɔ hé do yar a ta a ɡel á do wer dɛ́ do ɡoroŋ.

Kaala 40:13

Kpɔ laala aa do ɡoroŋ do Arɔn, ásɛ dɛ fuɡe noo do o nyu ta, dɛ́ leo cheɡ ó do ɡoroŋ tɛ men Korowii, dɛ́ won ɛ sɔfo dɛɛ tom mɛ kɛrɛdɛ.

Kaala 40:15

He tonaa, hé fuɡe noo do ba nyuune ta ɡɛ haa ɛ ba mɛɛ la, ásɛ ba won ɛ sɔfore dɛɛ ɛ n toma. Noo fuɡa dɛ do ba nyuune ta nɔɔ dɛɛ ba ɡela sɔfore toma do ba luɡe ta saŋ bɛlbwa dɛɛ la.”

Aesaya 10:27

Mɛɛ laa wahala baa dɛ ɛ heyaa a berɛ heyaa bone laanee kpɔ he nɛ, ásɛ wobɛlbwa le he baŋa a ɡɛ saŋ.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Ɛsekeɛl 43:26

Tɔpera anuanɛɛ sɔfore la kpɔ soŋe men Korowii, dɛ́ laa doŋa bɛlbwa aa lɔ saraha kon la ta kpɔ tɛ mɛ, dɛ́ kpɔ do n nɔn ta dɛ́ pilu.

Lewi Dea Tena 10:7

He bɛ Korowii Dea Cheremibɔr doonyoa bela le kaa bobɛlbwa, ásɛ dɛ ba serewe. Dɛkalkɛ Korowii noo aa do ɡoroŋ ba fuɡe do he nyuune ta dɛ do heyaa sɔfore ta la lɔ he nɛ.” Anomanta, ba ɛ ɡɛ Mosis aa bola la.

Lewi Dea Tena 16:24

A chɛ kɛ ó ka sɔ nee bɔr waa do ɡoroŋ, dɛ́ berɛ kpɔ laalafala do. Ásɛ dɛ le ka kpɔ o ne Israel tena saraha kwaa baa fuah la fuh, dɛ́ soŋe o ne Israel tena bwa wechɔɡa, ásɛ n kpɔ kɛ ba.

Nɛra Kura 16:5

Belaa o ŋɔ Kora ne o bala baa ja o nɛɛ la bwa be ŋɔ, “Kere chɔɔ Korowii ɛɛ ɡeloo yá jemɛ naate waa ɛ o nɛn, dɛ́ ɡel naate ba o sie. Nomɛlbwa waa leo laanee dɛɛ ba wona la o sie.

Nɛra Kura 3:3

Dɛ ba fuɡe no do ba nyuune ta dɛ ɛɛ ba sɔfore.

Amanesoma Jɔn Aa Chwera Tɔn 3:34

Nɛn Korowii aa tomɔ la, Korowii wobolee wɛɛ bol, dɛkalkɛ Korowii tɛo o Domadɛɛɡe la tɛɛ tenten.

Hibru 5:4

Sɔfonomoa ɛɛ nɔ ɛ wejena. Nomɛlbwa toole dɛ ɡbaɡba won le o te dɛ ɛ a ɡɛ toma nɔ, nemenɛ Korowii aa leo kɛŋɔ waa le Arɔn o ɛ bɛl la.

Hibru 7:28

Baa nyiŋi Mosis Mmara ta dɛɛ kpɔ Sɔfonomonome la, nɛra baa wola wone dɛɛ vɛh wechɔɡa kɛŋɔ nɛwɛnyina bwa aa doa laanee baa kpɔ. Kɛ Mosis Mmara la habɔɔ la, waa Korowii aa bola dɛ ŋwɛɛ o ɡbaɡba la, an ɡela o Bie ɛ Sɔfonomoa. O te vɛh wechɔɡa dɛ do kaih saŋ bɛlbwa dɛɛ la.

1 Jɔn 2:20

He te dɔ Korowii Domadɛɛɡe la he nɛɛ dɛ le Korowii Biɡoroŋ la be, dɛ jemɛ o kasinteŋ waa la bwa.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.