Kaala 28:38 - mzwDBL

³⁸ Wɛɛ dawɛ Arɔn tile taa ásɛ dɛ Israel tena kpɔ ba saraha kwaa bɛlbwa soo siwi ba tɛ mɛ dɛ ba koni a ta naa, bolchɔɡe la ba dawɛ Arɔn nɛ. Gɛɛ wɛɛ ba o tile ta dawa saŋ bɛlbwa ásɛ n lɛ ba saraha kwaa la.

Kaala 28:38 ပူးပေါင်းရင်းမြစ်များ

Kaala 28:37

Kpɔ ŋwɛmburum do o ta dɛ́ kpɔ ka vɔwɛ yal baa kpɔa vɔwɛ o nyu la ta, ásɛ o do ɡbɛrɛ la sie.

Kaala 28:43

Arɔn ne o bibaala chɛ kɛŋɔ báa do laala nɔ saŋ bɛlbwa baa jo n Dea Cheremibɔr bela, kɛɛ dɛ la kon baa dɛ ɛ saraha o ta dɛ́ ka tomɛ Boɡoroŋ bela, dɛ bɛ bolchɔɡe ba di dɛ́ serewe. Gɛ waa nɔɔ chɛ kɛ á chɔ le tɛ Arɔn ne o naanar saŋ bɛlbwa.”

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Aesaya 56:7

“Mɛɛ la he ne Saayɔn Bwejen waa do ɡoroŋ taa, dɛ́ tɛ heyaa silɛɛ n soŋebɔr bela. N siwi ɛɛ su kwaa baa fuah ɛ saraha dɛɛ tɛ mɛ n saraha kon ta laanee dɛ́ lɛa, dɛkalkɛŋɔ baa yerɛ n Dea Korowii soŋebɔree tɛ harɛre nɛra bwa.”

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Lewi Dea Tena 1:4

Náate kpɔ nɔn dawɛ saraha kon baa fuuh la nyu ta, ásɛ kon la che o naa ta lɛ o wechɔɡa waa dɛ soŋ mɛ tɛo.

Lewi Dea Tena 10:17

“Ɛrɛɛ he ta wechɔɡa kpɔe dɛ kɛ saraha kon la ka dii Korowii Dea nɔɔ? O do ɡoroŋ kohona ba kpɔ tɛ heyaa kɛŋɔ hé kpɔ soŋe nɛra la wechɔɡa Korowii sie ó kpɔ ba wechɔɡa kɛ ba.

Lewi Dea Tena 22:16

dɛ́ ɡel nɛra baa wola ŋwɛnɛ dɔe kɛ ba dia la di. Sɔfore baa laa sie kpɔ ɡɛ waa nɔ ta la ɛɛ ɡeloo nɛra di bolchɔɡe, dɛ́ dɔ deŋnetɛra. Menee Korowii, men ɡela a do ɡoroŋ.”

Lewi Dea Tena 22:27

“Dɛ nao, pee kɛɛ booh lolɔ aa, o bie la chɛ kɛ ó do o nya lɔɡa tɔpera anuanɛ. Le tɔpenuatoro wee dɛɛ kaa la, o wer kɛŋɔ he won kpɔ ɛ saraha ba fuuh tɛ men Korowii.

Lewi Dea Tena 22:9

Sɔfore bwa chɛ kɛŋɔ bá teŋɛ dɛɛ ɛ anɔ la maa do ba a ta, dɛ bɛ sie laa kpɔ a ta, dɛ́ di bolchɔɡe dɛ́ ba sewɛ. Menee Korowii, menee lee ba cheɡ dɛ ɡel ba do ɡoroŋ.

Lewi Dea Tena 23:11

Sɔfo la ɡee kpɔɔ ka ɡɔɔra nyundua, dɛ́ viiɡa n sie ɛ saraha tɛ mɛ Ona Tɔpere la habɔɔ, ásɛ n lɛ dɛ́ kpɔ ɛ waa waa dɛ nyin la tɛo.

Nɛra Kura 18:1

Korowii ŋɔ Arɔn be ŋɔ, “He ne he bibaala ne Kohat dea tena baa le Lewi dea nɔn taa n Tɛnte Dea la wobɛlbwa do. Dɛ sɔfore toma ane ta aŋwɛnɛ ta kpɔe yaa, he ne he bibaala ɡbo deŋnee mɛɛ ba tɛra.

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Ɛfesos 1:6

O Binyini la waa o sune ya nɛɛ dɛ ta tea dɛ cha yaa ɡɛ, ásɛ nɛra won kpɛɛro ya sum waa dɛ na kohona la wa.

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.