Kaala 28:34 - mzwDBL

³⁴ He do suuɡaswɛm dorɔŋre aa, dɛ he do konɡuleɡule la bɛl ɡe, ásɛ a do ɡɛ bar o nyoa cheme.

Kaala 28:34 ပူးပေါင်းရင်းမြစ်များ

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Yelsom 8:2

N fe ɛɛ tɔ he sie dɛ́ ba he ne n nya dem, onee baɡ mɛ wa. N fe ɛɛ tɛɛ sen a sɔɔh aa somaa he nyɔ, n daa fee nee ba harama ɛ sen.

Yelsom 6:11

N la almɔn daa koo ta, dɛ́ ka na kɛŋɔ mɛɛ na a fee, kɛɛ dɛ́ na ɡrepo ne pɔmeɡranet daa fee.

Yelsom 6:7

He faɡra dɛ nyɛɡle yal bini. A do ɡuleɡule kɛŋɔ daa bɛl baa dɛ yerɔ pɔmeɡranet nɔna.

Yelsom 4:13

Kwaa aa lɔ bela kpeɡo dɛ do wer. A do kɛŋɔ daa bɛl baa dɛ yerɔ pɔmeɡranet dɛɛ nɔnɛ nɔndɛɛɡa. Kwaa aa sɔɔh aa soma ne alele ta bela nyae,

Yelsom 4:3

He nyotɔne swɛɛrɔ kɛŋɔ ŋwɛnswɛm, a ne wobol do wer kohona. He faɡra dɛ nyɛɡle yal bini.

Yelsom 2:3

Gɛ apol daa aa lɔ kɔr bini, dɛɛ nɔnɛ nɔndɛɛɡa la, ɡɛɛ baa maa dɛ nyinu do wer bonɔɔna bini. N sie lɛo kɛ ń so o chunchule lɔɡa, o nɔna som n nyoa bini.

Yela 89:15

Nɛra baa ɡo yela dɛɛ kpɛɛre, ne banɔ la baa dɛ valɛ bɔr waa chaah he sie la, ba na som.

Kaala 28:33

Kpɔ jiseburum ne jisekɔl dɛ jiseswɛm nyarɛ kwaa aa do ɡuleɡule kɛŋɔ daa bɛl nɔna baa dɛ yera pɔmeɡranet do batakaare la nyoa bar, dɛ́ ɛ suuɡaswɛm dorɔŋre saɡre a baahna ta.

Kaala 28:35

Arɔn aa baa ɛ sɔfore toma men Korowii sie laanee chɛ kɛŋɔ ó do a ɡɛ batakaare nɔ. O ba dɛ ba men Korowii sie Boɡoroŋ bela dɛ berɛ dɛɛ le aa, baa no dorɔŋre la sii, ásɛ Arɔn bɛ ba sewɛ.

Kaala 39:22

Arɔn batakaarejaŋ waa do ombora la dɛɛ dawɛ o ta la, jiseburum ɡbosoroo nee ba sɔɔh. Nɛn waa dɔ kwaa sɔeh wejemaa sɔɔh,

Kaala 39:26

Ba do suuɡaswɛm dɔrɔŋ aa, dɛ ba do kon ɡuleɡule la bɛl ɡe, asɛ a do ɡɛ bar o nyoa cheme. Sɔfo nomoa la chɛ kɛŋɔ ó doa dɛ́ kpɔ ɛ Korowii toma, ɡɛ Korowii aa do Mosis la.