Kaala 28:30 - mzwDBL

³⁰ Berɛ kpɔ Urim ne Tumim la do kon waa dawɛ Arɔn bambile ta la bini saŋ bɛlbwa waa dɛɛ ba men Korowii sie. Gɛɛ Arɔn ɛɛ ba ɛɛ saŋ bɛlbwa waa dɛɛ ba men Korowii sie.

Kaala 28:30 ပူးပေါင်းရင်းမြစ်များ

Ɛsra 2:63

Asɛ Juda harɛ nomoa ŋɔ ba be ŋɔ, baa won di kondikwaa aa do ɡoroŋ bɛlbwa baa kpɔa ba tɛ Korowii la, atane sɔfo bɛl lɔ bela dɛ́ do batakaare baa sɔh Urim ne Tumim dawɛ o ta, dɛ́ che a ta bɔɔ waa Korowii aa dɛ nyin la mɔɔ.

Nehemia 7:65

Asɛ Juda harɛ nomoa ŋɔ ba be ŋɔ baa won di kondikwaa aa do ɡoroŋ bɛlbwa baa kpɔa ba tɛ Korowii laa, atane sɔfo bɛl lɔ bela, dɛ́ do batakaare baa sɔh Urim ne Tumim dawɛ o ta ó che a ta bɔɔ waa Korowii aa dɛ nyin la mɔɔ.

Kaala 28:29

Saŋ bɛlbwa Arɔn aa jo Boɡoroŋ men Korowii sie la, Israel bii sɔna la ɛɛ dawɛ bambile kon la taa dɛɛ lii Korowii ba waa tɔpere bɛlbwa.

Lewi Dea Tena 8:8

O berɔ kpɔ kon baa dɛ dawɔ bambile ta la do Arɔn, asɛ dɛ kpɔ Urim ne Tumim la do o bini.

Sekaria 6:13

Onee dɛ́ do n Dea la, ásɛ dɛ dɔ jirima dɛ́ so kookara ta di kora. Sɔfo bɛl ɡe ɛɛ che o kookara la jwɛɛh o ne wɛɛ ɛ toma. Ba bwa dɔ nyopɛo deŋnesɔɔhna do ba nɛra banɛ bwa baah ta.’

Nɛra Kura 27:21

Josua chɛ kɛŋɔ ó kpɔ o te dawɛ sɔfo Eliasa nɛ, dɛ́ che kwaa baa dɛ yera Urim ne Tumim ta, dɛ́ jemɛ waa men Korowii aa dɛ nyin kɛ wɛɛ ɛ. A ɡɛ taa sɔfo Eliasa ne Israel tena nɔ ɛɛ ba cheɡa, dɛ́ na ɡɛ baa dɛɛ ɛ.”

2 Kɔrent 12:15

N sie ɛɛ lɛo kɛŋɔ n chɔɡ n komɛlbwa he nɛ. N chɔɡ n bokpeɡa he nɛɛ kwara dɛ won cha heya aa, a som n be. Maa dɛ nyin heyaa kohona waa he te laa n waa kpɔ he bambile ta kɛɛ?

2 Kɔrent 7:3

Waa maa bola nɔ, pwaeh laa mɛɛ pwah heya. Anee n faa bol la, ya dɛ nyin heyaa taeh. Seo taa yoo, bokpeɡa taa yoo, ya ne heyaa.

Mmarare 33:8

O bol Lewi dea tena ɡe waa ŋɔ, ‘N Naa Korowii, he cheɡɛ he nɛndɛɛɡa Lewi dea tena nɛ Urim ne Tumim ta, dɛ pili ɡɛ haa dɛ nyin baɡ ba, dɛ daah ba na Maasa, asɛ dɛ baɡle kɛŋɔ ba ɛ kasinteŋ tena Mɛreba nee ta.

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.

Hibru 9:12

Yeesu Kristo jo Korowii Boɡoroŋ Tenten la. Waa jo bela la, boohna ne nabie chal laa o kpɔ jo bela. O ɡbaɡba chalee o kpɔ jo bela, dɛ lɛ yaa ta aa wola jaɡaa dɔ bwa. Kerabeŋkpoŋii o jo bela. A ta hiaih kɛŋɔ o jo bela kpa.

Hibru 9:24

Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.

Sitɔɔla 1:1

Josua seo habɔɔ la, Israel tena soŋe Korowii ŋɔ, “Ya deene nɔ, bamewaa dɛ́ tɔ ya sie yá ka yo Keenan tena ba harɛ ta nɔ?”

Sitɔɔla 20:18

Israel tena la Bɛtel dɛ ka bɔɔ le Korowii be ŋɔ, “Ya bini bamewaa dɛɛ ba sie tɔe ka yo Bɛnjamen dea tena nɔɔ?” Belaa Korowii chaŋ ba ŋɔ, “Juda dea tenaa dɛ́ tɔ sie ka yo.”

Sitɔɔla 20:23

Israel tena la kaa wi no Korowii ka tel jɔmɔra, dɛ berɛ soŋo ŋɔ, “Yá ka pu ya bala Bɛnjamen dea tena la yo ja aa?” Anee Korowii chaŋe ŋɔ, “Hé kaa ka yoo ba.”

1 Samoɛl 28:6

O bɔɔrɔ le Korowii be dɛ na ɡɛ o fe aa ɛ, kɛ Korowii ta on chaŋɛ deera ta kɛɛ Urim ne Tumim waa ɛ komɛl baa cheɡɛ o ta dɛɛ jemɛ waa aa wera Korowii be, kɛɛ Korowii keamere be.