Kaala 28:3 - mzwDBL

³ Ŋɔ baala bwa maa tɛɛ ba kwaa nyara wejema la be ŋɔ, ba nyarɛ laala baa kpɔ do Arɔn baa kpɔ doo sɔfore dii ta, ásɛ o won dɛɛ tom mɛ kɛ sɔfo.

Kaala 28:3 ပူးပေါင်းရင်းမြစ်များ

Ɛfesos 1:17

Ásɛ n soŋe ya Dɔɔ Yeesu Kristo Mɛɛ Korowii waa dɔ jirima kɛrɛdɛ ɡa la, ó ja heyaa wejema, dɛ́ chaah he sie ásɛ he won dɛɛ jemɛ o waa saŋ bɛlbwa,

Aesaya 11:2

Korowii Doma ɛɛ so o nɛɛ, dɛ́ ɡel o dɔ wejema ne waa mun noe, dɛ́ jemɛ nɛra jae dɛ́ dɔ kpeɡri, dɛ́ berɛ ɡel ó jemɛ Korowii waa bini dɛɛ duuru.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Mmarare 34:9

Nun bibaa Josua ɡe dɔ wejema kɛrɛdɛ, dɛkalkɛŋɔ dɛ Mosis leo ŋɔ ó chiɡ o naa ta. Dɛ Israel tena la dɛ teŋɛ waa Korowii aa cheɡɛ Mosis nɛɛ dɛ kpɔ tɛ Josua la ta dɛɛ no o be.

Sɛɡla 2:6

Korowii bee wejema le, onee dɛɛ tɛ wejema ne waa mun noe.

Kaala 35:35

O tɛɛ ba wejema ba won kwaa bwa soo siwi ɛɛ ne banɔ la baa dɔ kwaa kwaara a do wer dɛ di ɡwini dawɛ a ta wejema, ne banɔ la baa won jiseburum ne jisekɔl ne jiseswɛm dɛ jisepondɛɛɡe kpɔe dɛ́ sɔh dawɛ yal ta. Ba bwa ɛ nɛra baa dɔ waa nɔ wejema kɛrɛdɛ dɛ dɔ liire baa won baɡle nɛra bá kpɔ ɛ kwaa á do wer.”

Kaala 35:30

Asɛ Mosis ŋɔ Israel tena be ŋɔ, “He na, Korowii le Uri bibaa Besalɛl, o nabaa aa ɛ Hur le Juda dea,

Kaala 35:25

Haahna baa dɔ yabi tae wejema bwa tao dɛ ba jisere bwa soo siwi kɛŋɔ burumre ne aŋkɔla ne answɛɛma dɛ ampoŋa andɛɛɡa ne.

Kaala 35:31

asɛ dɛ kpɔ o Doma ne o wejema waa kpɔa dɛɛ sɛh kwaa ne kwaa bwa soo siwi sɔeh tɛo,

Kaala 36:1

Mosis ŋɔ, “A chɛ kɛ Besalɛl ne Oholiab dɛ banɔ la Korowii aa tɛɛ ba liire ne wejema kohona la, bá won jemɛ ɡɛ bwa baa ɛ dɛ́ do Korowii Dea la, dɛ pa mun dɛɛ ɛ o toma ɡɛ Korowii aa do ba la.”

1 Koranar 7:14

A ɡɛ Hiram nɔ, luhaah bɛl waa le Naftale dea biee on. Dɛ o mɛɛ le bwɛjen Taaya, dɛ dɔ ayaawa kpɔe dɛ́ ɛ kwaa wejema. O wejema ne liire waa dɔa dɛ kpɔ dɛɛ ɛ ayaawa kwaa bwa soo siwi kan taeh. O la Kooro Solomɔn yer la, dɛ ka ɛ toma bwa waa ŋɔa o ɛ.

Kaala 35:10

Nomɛlbwa waa dɔ kwaa kwaara wejema he bini la le ba, ásɛ dɛ ba ɛ kwaa Korowii aa do yaa ŋɔ yá ba ɛa nɔ.

Kaala 36:2

Ate, Mosis yerɛ Besalɛl ne Oholiab dɛ banɔ la Korowii aa tɛɛ ba liire ne wejema ba bambile lawɛ toma la ɛɛ bwa ŋɔ bá ba.