Kaala 28:18 - mzwDBL

¹⁸ Anɔ la aa teŋa nɛɛ la ɛ bwe burum baa dɛ yerɔ tɛɛkoes, ne bwe waa ɛ burum kohona baa yerɔ safaaya, dɛ bwe waa ɛ onlwɛɛ dɛ do ɡereŋ baa yerɔ ɛmeral.

Kaala 28:18 ပူးပေါင်းရင်းမြစ်များ

Wepila 4:3

Naate waa soɡe o ta la dɛ nyɛɡle al-al kɛŋɔ bwedɛɛɡa answɛɛma aa dɛ nyɛɡle. Dɛ bwaala deŋɡare bɛl bar o kookara la, dɛ do kɛŋɔ bwelwɛɛne ane aa dɛ nyɛɡle.

Ɛsekeɛl 28:13

Dɛ he fa lɔ Eden bodɛɛɡe men Korowii aa du daa la, dɛɛ do kwaa aa wera kɛŋɔ, bwedɛɛɡa bwa soo siwi baa dɛ yera rubi, ne topas, ne emirad, ne kresolet, ne onis, ne jasepa, ne safaaya, ne tɛɛkoes dɛ bɛrel. Awola baa tae laanee ba ɛ ɡɛ kwaa nɔ ne suuɡaswɛm kwaa tɛɛ.

Ɛsekeɛl 27:16

Siiria harɛ ta tena ne he di bona kwaa haa dɔa kohona nomanta. Ba kpɔ bwedɛɛɡa aa ɛ burum baa yera tɛɛkoes, ne bweswɛɛma ane baa dɛ yera rubire, ne koral aa le mpo bini, ne yakɔle, ne kwaa baa sɔah, ne yapondɛɛɡa, dɛ ba charɛ he laala.

Ɛsekeɛl 10:1

Men Ɛsekeɛl nyiŋi kon waa bɔle Kerobim la doa, dɛ na komɛl kɛŋɔ kookara baa kpɔ bwedɛɛɡa ane aa ɛ burum baa yera safaaya ɛo.

Ɛsekeɛl 1:26

Kon waa bɔle hweera kwaa la nyundua la, n na komɛl waa do kɛŋɔ kookara, ba kpɔ bwedɛɛɡa ane aa ɛ burum baa yera safaaya ɛ o doa, asɛ a do kɛŋɔ nɛn soɡe kookara la ta ken.

Jeremia 17:1

Korowii ŋɔ, “Juda tena, ba kpɔ buni chwerɛ he wechɔɡa dawɛ he bambili ta, dɛ kpɔ kwɛrboɔ dia ɡwine dawɛ nyeɡlare aa paaɡe saraha kwaa loŋkoni la ta.

Yelsom 5:14

O nɔɔra wer kɛŋɔ suuɡaswɛm bune, baa kpɔ bwedɛɛɡa a yoɡ aa kpeɡa cheɡ a ta. O bwadabii wer kɛŋɔ bala nyen baa loɡao la, dɛ kpɔ bwedɛɛɡa ane a yoɡ aa kpeɡa cheɡ a ta.

Job Tɔn 28:16

Haa won kpɔ suuɡaswɛm koŋkwaa dɔɔ, haa won kpɔ bwedɛɛɡa a yoɡ aa kpeɡa dɔɔ.

Job Tɔn 28:6

Bwedɛɛɡa ane a yoɡ aa kpeɡa lɔ bwea la ta, suuɡaswɛm do bwea la men ta.

Kaala 39:11

Anɔ la aa teŋa nɛɛ la ɛ bweburum peihpeih tɛɛkoes, ne bweburum kohona safaaya, dɛ bwelwɛɛ ɡereŋ emirad.

Kaala 24:10

dɛ ka na Korowii Israel tena aa dɛ tomɛ la. Harɛ waa cheɡɛ o ta la ɛ bobɛl baa mao bwea ne o ir nyundua, dɛ do ɡereŋ kɛŋɔ bwedɛɛɡe baa dɛ yerɔ safaaya la, dɛ ɛ burum kɛŋɔ nyundua ken.

Kaala 28:17

Bil bwedɛɛɡa a yoɡ aa kpeɡa bɔre anaarɛ á dawɛ o ta. Anɔ la aa tɔ sie la chɛ kɛŋɔ á ɛ bwe bɛl waa swɛɛra peihpeih baa yerɔ rubi, ne bweswɛm bɛl waa do kɛŋɔ solmen baa yerɔ topas, dɛ bwelwɛɛ bɛl baa dɛ yerɔ bɛrel.

Kaala 28:19

Toorote la ɡe ɛ bwe burum baa dɛ yerɔ jansɛf, ne bwe waa dɛ nyɛɡle baa yerɔ aɡat, dɛ bwekɔl baa dɛ yerɔ ametes.