Kaala 28:1 - mzwDBL

¹ Korowii berɔ ŋɔ Mosis be ŋɔ, “Gel bá kpɔ he dɔɔ Arɔn ne o bibaala Nadab ne Abihu ne Eliasa dɛ Itama le Israel tena bini, ásɛ ba ɛ sɔfore dɛɛ tom mɛ.

Kaala 28:1 ပူးပေါင်းရင်းမြစ်များ

1 Webena 23:13

Amram ɡe bibaalaa, Arɔn ne Mosis. Ba le Arɔn cheɡ, asɛ o ne o naanar ɛɛ nyiŋi kwaa baa lea cheɡ tɛ Korowii a do ɡoroŋ kohona ta. Asɛ ba kpɔ saraha kwaa dɛɛ la Korowii sie, dɛɛ ɛ toma o sie dɛ che o sɔn ta swee andɛɛɡa tɛ nɛra saŋ bɛlbwa dɛɛ la.

1 Webena 6:10

Johanan lolɛ Asaria, a ɡɛ Asaria nɔɔ fa di sɔfore Korowii Dea Kooro Solomɔn aa doa Jerusalam la.

1 Webena 6:34

Ɛlkana bibaa Samoɛl, Jɛroham bibaa Ɛlkana, ne Eliel bibaa Jɛroham, dɛ Toa bibaa Eliel,

2 Webena 11:14

Lewi dea tena la ɡel harɛre aa ɛ ba kondɛɛra dibɔra dɛ ir ka so Juda ne Jerusalam, dɛkalkɛŋɔ Kooro Jɛroboam ne o bibaala ta sɛɛh kɛŋɔ bá ɛ Korowii sɔfore.

Yela 115:10

Korowii sɔfore, hé kpɔ he te dawɛ Korowii nɛ, onee dɛɛ cha heya, dɛɛ tɔ heyaa ɡbemɡbe.

Yela 99:6

Dɛ Mosis ne Arɔn fa ɛ o sɔfore, asɛ Samoɛl che o sɔn ta dɛɛ soŋo. Ba soŋe Korowii, asɛ o no ba be.

Kaala 24:1

Korowii berɔ ŋɔ Mosis be ŋɔ, “He ne Arɔn ne Nadab ne Abihu dɛ Israel nomonome fifraanuanɛ la teeh bwe ba n be. Hé che bojaŋ tama dɛɛ tom mɛ.

Kaala 24:9

Ate, Mosis ne Arɔn ne Nadab dɛ Abihu ne Israel nomonome fifraanuanɛ la bwa teeh kaa bwe la doa,

Kaala 28:41

Haa kpɔ laala nɔ do he dɔɔ Arɔn ne o bibaala tonɛ la, hé fuɡe noo do ba nyuune ta dɛ́ kpɔ ba sɔfo toma do ba nɔn ta. Ɛɛ ba bá do ɡoroŋ dɛ́ won dɛɛ ɛ n toma kɛŋɔ sɔfore.

Kaala 29:1

Korowii berɔ ŋɔ Mosis be ŋɔ, “Kenii hɛɛ ba ɛɛ dɛ́ le Arɔn ne o bibaala cheɡ bá do ɡoroŋ, ásɛ dɛɛ ɛ n toma kɛŋɔ sɔfore. Lawɛ nabale ne pebala anɛ aa wola kirihiah bɛlbwa dii,

Kaala 29:44

Gɛɛ mɛɛ ba ɛɛ n Dea Cheremibɔr la ne saraha kon la do ɡoroŋ, dɛ́ ɛ Arɔn ne o bibaala ɡe ba do ɡoroŋ dɛ́ ɛ sɔfore dɛ́ɛ tom mɛ.

Kaala 29:9

dɛ́ pi ba ɡbɛrɛre. Ásɛ dɛ kpɔ kirisore vɔwɛ Arɔn ne o bibaala la. Ba ne ba naanar ɛɛ ɛ sɔfore, dɛɛ tom mɛ saŋ bɛlbwa dɛɛ la. Gɛɛ hɛɛ ba ɛɛ dɛ́ le Arɔn ne o bibaala dɛ́ kpɔ ba toma do ba nɔn ta.

Kaala 30:30

Fuɡe noo la ane do Arɔn ne o bibaala nyuune ta, ásɛ ba do ɡoroŋ dɛ́ won ɛ sɔfore dɛɛ tom mɛ.

Kaala 31:10

ne sɔfore laala baa sɔah a do ɡoroŋ tɛ Arɔn ne o bibaala, baa doa dɛ kpɔ dɛɛ ɛ sɔfore toma,

Kaala 35:19

ne sɔfore laala baa sɔah dɛ doa dɛɛ ɛ toma Korowii Dea bela, ne Arɔn waa ɛ Sɔfonomoa la laala aa do ɡoroŋ, dɛ o bii la ɡe laala baa doa dɛɛ ɛ toma kɛ sɔfore.”

Kaala 6:23

Arɔn ɡe mo haah. O sɔne Eliseba. Dɛ Aminadab bihaahnee o ɛ Naasɔn nimambie. Bibaala baa lola laanee Nadab ne Abihu ne Eliasa dɛ Itama.

Lewi Dea Tena 10:1

Arɔn bibaala Nadab ne Abihu kpɔ ba ɡbaɡba kwaa baa dɛ fuh daawiile a sɔɔh aa soma a bini ba buh nii, dɛ fuah tɛ Korowii dɛ jo Korowii kii nɛ kɛŋɔ baa wola an aŋwɛnɛ ta ɛɛ la.

Lewi Dea Tena 10:12

Ate, Mosis ŋɔ Arɔn ne o bibaala Eliasa ne Itama baa kaa la be ŋɔ, “Hé kpɔ mea saraha baa fuh ane tɛ Korowii la kar ɛ kondikwa, dɛ bɛ iisi a ta do ásɛ dɛ dia saraha kon la keŋkeŋ, dɛkalkɛ a do ɡoroŋ kɛrɛdɛ.

Lewi Dea Tena 7:35

Gɛ bɔra nɔɔ ɛ Arɔn ne o bibaala dibɔra dɛ le saraha kwaa baa fuah tɛ Korowii, awola baa den fuɡe noo do ba nyuune ta dɛ́ do ba sɔfore ta.

Lewi Dea Tena 8:1

Korowii ŋɔ Mosis be ŋɔ,

Lewi Dea Tena 8:2

“Kpɔ Arɔn ne o bibaala ne ba sɔfo batakaani, ne noo baa kpɔa dɛɛ do ba sɔfore ta, ne nabal baa kpɔ ɛ wechɔɡa kpɔe dɛ kɛ saraha, ne pebala anɛ dɛ paanoo iisi aa wola toole a ta wɛɡrɛ la ba n Dea Cheremibɔr la doonyoa,

Nɛra Kura 18:7

He ne he bibaala la ɡboo chɛ kɛ hé ɛ sɔfore toma kon baa dɛ ɛ saraha o ta ne pateesan la bini toma. N kpɔ sɔfore toma la dɛɛ kɛ heya. Nɛmpɛɛ bɛlbwa waa ba Boɡoroŋ la jwɛɛh la chɛ kɛ bá kpoo.”

Nɛra Kura 2:4

O dea tena la lɔ kaɡboŋa fifraanuanɛ dɛ banaarɛ lafraanumɛl.

Nɛra Kura 26:61

Nadab ne Abihu kpɔ nii aa wola chɛ kɛ bá kpɔ do kon baa ɛ saraha o ta dɛɛ tɛ Korowii ta dɛ serewe.

Amanesoma Luk Aa Chwera Tɔn 1:8

Awola bɛl, Abia be pera sɔfore toma telo, asɛ Sekaria do Korowii Dea dɛɛ ɛ o Sɔfo toma.

Mmarare 10:6

Dɛ nɛra bane lole baa yer ba Jaakan tena. Israel tena baa tel ba buli ta dɛ so bela. Ba ir bela dɛ ba Mosera. Belaa sɔfo Arɔn sewɛ ba huɡo. O bibaa Eliasa ba chiɡ o naa ta, dɛ ɛ sɔfo.

Mmarare 18:5

dɛkalkɛŋɔ ba ne ba naanaree Korowii haa dɛ tomɔ le he deene la bwa bini ŋɔ bá che o sɔn ta, dɛ́ɛ ɛ o toma saŋ bɛlbwa.

1 Samoɛl 2:28

Israel deene fi dɛ anɛ bwa binii n le he naa Arɔn ne o bibaala cheɡ ŋɔ, bá ɛ n sɔfore, dɛ́ɛ la bela baa ɛ saraha dɛɛ tɛ men Korowii, dɛ́ ka fuh daawiile a sɔɔh aa soma dɛ́ɛ tom mɛ, dɛ́ do sɔfo batakaarebora efɔd ba n sie. N berɔ tɛ he naawa dea tena ŋwɛnɛ Israel tena kwaa baa kpɔa ba ɛ saraha dɛ fuh dɛɛ tɛ mɛ la, baa kpɔ a bini ane.