Kaala 27:9 - mzwDBL

⁹ Ɛ dembaah ja n Tɛnte Dea la ta dɛ́ keo. O weekaŋle harɛbɔr pera bela jaŋne ɛ naɡale lafa fifraanue, ásɛ dɛ dɔ pateesanre baa kpɔ jisepondɛɛɡe sɔah kɛrɛdɛ,

Kaala 27:9 ပူးပေါင်းရင်းမြစ်များ

1 Koranar 6:36

Korowii Dea la sie la, o ɡelɔ ba ma dembaah, dɛ ɡel ba kpɔ bwea baa sɛah ma danjwɛɛ baro. Ba kpɔ bwea atoro ma chɔŋɛ aa, dɛ ba kpɔ dola dawɛ a ta.

1 Koranar 8:64

Awola tenten la, Kooro Solomɔn le dembaah waa lɔ Korowii Dea sie la cheɡ o do ɡoroŋ tɛ Korowii. Belaa o kpo kwaa dɛ fuah, dɛ ɛ mea sarahare, dɛ fuh ola la noorare ɛ deŋnesɔɔhna sarahare, dɛkalkɛŋɔ saraha kon baa kpɔ ayaawa ɛo la aa kanɛ kɛ a ɡɛ kwaa la bwa won jo o ta.

2 Webena 33:5

Korowii Dea dembaahna anɛ la bini la, o ɛ kwaa baa dɛ ɛ saraha a ta, baa tomɛ kwaa aa lɔ nyundua kɛŋɔ wee ne korobie, dɛ weweela.

2 Webena 4:9

Kooro Solomɔn ɡelɔ ba ɛ dembaah Korowii Dea la bini ne o baŋ tɛ sɔfore. Gbeni aa lɔ dembaah doonyoo la baahna la, ba kpɔ ayaawa ɛ a bwara.

Yela 100:4

Hé kpɔ silɛɛ ɡo yela jaamo, dɛ́ jo o Dea bini kpɛɛro. Hé jaamo dɛ́ kpɛɛ o sɔn la.

Yela 116:19

he Dea waa lɔ Jerusalam la bini. Hé kpɛɛ Korowii!

Yela 84:10

Nɛn soɡe he Dea tɔpebeŋkpoŋ ɡbo aa, a bɔ kɛ waa kaa di tɔpera kaɡboŋ bobɛl. N fe ɛɛ che Korowii maa dɛ tomɛ Dea doonyoa dɛɛ daah bela, dɛ́ ɡwaa kɛ maa kaa so nyubinikpeɡ tena deremi.

Yela 92:13

Ba do kɛŋɔ daa baa dua Korowii Dea, aa dɛɡ Korowii yaa dɛ tomɔ Dea bela ken.

Kaala 27:10

ásɛ dachiɡri la ɛ fifraanɛ, ayaawa loɡa fifraanɛ do a mune ta. Bune aa lawɛ dachiɡri la kpoŋe la bwa chɛ kɛ he kpɔ suuɡapoŋa ɛ a bwara.

Kaala 35:17

ne pateesanre aa tɔa dɛ bar Korowii Tɛnte Dea la dembaah, ne o dachiɡri ne a loɡa dɛ pateesan waa do dembaah la doonyoa.

Kaala 36:17

Ba do tora fifraanue pateesanre baa lɔa pɛ la nyoo bela, asɛ dɛ berɛ do fifraanue onɔ la ɡe nyoa ta ɡɛ tenten.

Kaala 39:40

ne pateesanre aa bar Korowii Tɛnte Dea la, ne o Dea Cheremibɔr dachiɡri, ne loɡa aa lɔ a mune ta, ne pateesan waa lɔ dembaah doonyoa la ta, ne ŋwɛɛra ne kwaa baa kpɔa baŋre dembaah dachiɡri, dɛ koŋkwaa bwa baa kpɔ kwaa bela bwa,

Kaala 40:33

O kpɔ dachiɡri ne pateesanre ke Korowii Tɛnte Dea la ne saraha kon la, asɛ dɛ kpɔ pateesan la saɡɛ dembaah la doonyoa la ta. Gɛɛ a do Mosis ɡel ba ɛ toma la bwa tonɛ.

Kaala 40:8

Kpɔ dachiɡri ne pateesanre ke dembaah la bar, dɛ́ kpɔ o doonyoa pateesan la ba do o ta.

Ɛsekeɛl 40:14

O maɡɔ le dea waa lɔ tia la dɛ ba Korowii Dea dembaah la ta, o lɔ naɡale fifraanuanaarɛ.

Ɛsekeɛl 40:17

Baa la kpɔ mɛ jo habɔɔ dembaah la bini. Bela la, n na deene fifraatoro baa maa pɛl danjwɛɛ la, ne ŋwɛnɛ bɛl baa mao bwea ne o ir nyundua, dɛ bar dembaah la cheme.

Ɛsekeɛl 40:20

Baa la maɡɛ doonyoa o sie aa chaɡɛ weekaŋle nyunduabɔr paɡri ne o jaŋne. Belaa ba che dɛɛ jo habɔɔ dembaah la ta.

Ɛsekeɛl 40:23

Dɛ doonyoa bɛl lɔ bini dembaah la ta, dɛ chaɡɛ doonyoa waa lɔ weekaŋle nyunduabɔr, ɡɛ tenten wee leebɔr doonyoa la aa doa la. O maɡɔ le doonyoa bɛl ta, dɛ kaa bɛl o ɡe sie aa chaɡɔ ta, asɛ a baah la ɛ naɡale lafa fifraanue.

Ɛsekeɛl 40:28

Ate, baa la kpɔ mɛ kpɔ weekaŋle harɛbɔr doonyoa la ta, dɛ ba n ne bini dembaah la ta. O maɡɛ doonyoa waa lɔ weekaŋle harɛbɔr la, asɛ o ne anɔ la bwa ɛ kɛrɛdɛ.

Ɛsekeɛl 40:32

Baa la berɔ laɡ mɛ ba bini dembaah la ta, wee leebɔr pera, dɛ ba maɡɛ bela doonyoa la, o maɡa a ne anɔ la bwa ɛ kɛrɛdɛ.

Ɛsekeɛl 40:44

Baa la berɔ kpɔ mɛ ba bini dembaah la ta. Deene anɛ lɔ bela. Bɛl lɔ weekaŋle nyunduabɔr doonyoa la jwɛh, o sie chaɡɛ weekaŋle harɛbɔr, onɔ la ɡe do weekaŋle harɛbɔr, o sie chaɡɛ weekaŋle nyunduabɔr.

Ɛsekeɛl 42:3

Ŋwɛnɛ waa chɔ bini dembaah, ne onɔ la waa lɔ habɔɔ Korowii Dea la bɔr baah lɔ naɡale fifraatoro. Ba ma deene atoro chɔŋre dɔŋa nɛɛ kaa nyundua ŋwɛnɛ la baŋ bɛlbwa ta, a sie chaɡɛ dɔŋa, asɛ bɔr do a sie nɛn won che bela.

Nɛra Kura 3:26

ne pateesanre aa bar bela dembaah la ne saraha kon la, ne pateesan waa tɔ dembaah la doonyoa, ne o ŋwɛɛra ta. Gɛ bwa aa chɛ kɛ bá ɛ anɔ bwa lɔ ba nɔn ta.

Nɛra Kura 4:26

ne dembaah pateesanre aa bar n Tɛnte Dea la ne kon baa dɛ ɛ saraha o ta, ne pateesan waa tɔ dembaah doonyoa bela, ne a ŋwɛɛra ne koŋkwaa bwa baa dɛ ɛ ane toma bela. Gɛ bwa aa chɛ kɛ bá kpɔ kwaa nɔ bwa ɛ toma lɔ Gɛsɔn dea tena nɔn ta.

Nɛra Kura 4:32

ne dembaah dachiɡri ne a loɡa aa lɔ a mune, ne kwaa baa kpɔa baŋre tɛnte la ne ŋwɛɛra ne koŋkwaa bwa ne komɛlbwa aa chɛ kɛ bá kpɔ ɛ toma. Yerɛ baa bɛlbwa, dɛ́ kpɔ o bone waa dɛ ba cheɡa do o nɔn ta.