Kaala 27:2 - mzwDBL

² Sɛh o loŋkoni anaarɛ la bwa á kaa nyundua tama kɛŋɔ nyeɡlare ken. Daa beŋkpoŋii chɛ kɛ he kpɔ ɛ saraha kon la ne o nyeɡlare bwa, kpɔ ayaawa ɛ o bwara.

Kaala 27:2 ပူးပေါင်းရင်းမြစ်များ

1 Koranar 1:50

Dɛ Adonija ɡbabir dɛ ɔmɛ Kooro Solomɔn, anomanta, o iro jo Korowii Dea Cheremibɔr la bini, dɛ ka lawɛ kwaa aa paaɡe saraha kon la loŋkoni ta kɛŋɔ nyeɡlare la kpoŋe.

1 Koranar 2:28

Joab aa wola Absalɔm chae o di kora dɛ cha Adonija la, waa noa kɛŋɔ ba kpo Adonija la, o chwao ka jo Korowii Tɛnte Dea la bini, dɛ ka lawɛ kwaa aa do kɛŋɔ nyeɡlare dɛ paaɡe kon baa dɛ ɛ saraha o ta loŋkoni la kpoŋe.

1 Koranar 8:64

Awola tenten la, Kooro Solomɔn le dembaah waa lɔ Korowii Dea sie la cheɡ o do ɡoroŋ tɛ Korowii. Belaa o kpo kwaa dɛ fuah, dɛ ɛ mea sarahare, dɛ fuh ola la noorare ɛ deŋnesɔɔhna sarahare, dɛkalkɛŋɔ saraha kon baa kpɔ ayaawa ɛo la aa kanɛ kɛ a ɡɛ kwaa la bwa won jo o ta.

2 Koranar 16:14

Dɛ ɛ ayaawa kon baa dɛ ɛ saraha o ta, dɛ kpɔ do Korowii nɔn ta, o che saraha konfale la ne Korowii Dea la baah ta. Anomanta, Kooro Ahas kaa kpɔ ombene la ka cheɡ onfale la weekaŋle nyunduabɔr.

2 Webena 4:1

Kooro Solomɔn ɡelɔ ba kpɔ ayaawa ɛ saraha kon. O jaŋne lɔ naɡale fifraatoro, o paɡri naɡale fifraatoro, asɛ o jaŋne dɛ́ kaa nyundua ɡe naɡale fi dɛ anue.

Yela 118:27

Korowii beŋkpoŋ ɡboo lole, on sune ya nɛɛ dɛ lɛ yaa. Hé pa he tɔpejen dii la mun, dɛ́ kpoŋe bambie daa, dɛ́ ka valɛ bar kwaa aa do kɛ nyeɡlare, dɛ do Korowii saraha on la bɔr la.

Kaala 27:3

Kpɔ ayaawa ɛ o kwaa bwa, o loɡa baa kpɔ dɛɛ pa o tɔɔ, ne soofire ne loɡa baa do chal kɛɛ nee a bini dɛ ɛ dɛɛ merɛ o ta, ne bune baa kpɔ toh ola dɛ kwaa baa kpɔ dɛɛ buh nii.

Kaala 29:12

Ásɛ dɛ kpɔ noni ɛ nao la chal la ane ɛ kwaa aa paaɡe saraha kon la loŋkoni ta la ta, dɛ́ fuɡe a kar ta saraha kon la mun ta.

Kaala 38:30

Ayaawa nɔɔ ba kpɔ ɛ loɡa aa lɔ Korowii Dea Cheremibɔr doonyoa dachiɡri la mune ta, ne saraha kon dɛ kafola waa lɔ o bini dɛ o koŋkwaa bwa,

Ɛsekeɛl 43:15

Saraha kon la nyundua bela baa kpo kwaa dɛɛ fuah la lɔ naɡale anumɛl, asɛ kwaane aa do kɛŋɔ nyeɡlare anaarɛ paaɡe o loŋkoni ta.

Lewi Dea Tena 16:18

Wɛɛ berɔɔ le ba saraha kon la ta bela n sie, dɛ́ ba laa doŋa bɛlbwa kpɔ o ta. A chɛ kɛ ó kpɔ nao la chal la ane ne booh la chal ane, dɛ́ kpɔ ɛ kwaa aa paaɡe saraha kon la loŋkoni bwa ta.

Lewi Dea Tena 4:18

Sɔfo la kpɔ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni la ta n sie, n Dea Cheremibɔr bela. Dɛ́ fuɡe chal la kabora ka ta kon baa dɛ fuh saraha kwaa o ta la mun ta, n Dea Cheremibɔr la doonyoa bɔr bela.

Lewi Dea Tena 4:25

Ásɛ sɔfo la kpɔ o nonii do chal la ta, dɛ́ kpɔ ane ɛ kwaa aa paaɡe kon baa dɛ fuh saraha o ta la loŋkoni ta. Ásɛ dɛ fuɡe a kabora ta o mun ta.

Lewi Dea Tena 4:7

Ásɛ sɔfo la ɛ chal la ane ɛ kwaa aa paaɡe kon baa dɛ fuh daawiile a sɔɔh aa soma o ta la loŋkoni ta dɛ do n sie n Dea Cheremibɔr la bini la. Chal la kar la, ó le dɛ́ ka fuɡa ta o mun ta n doonyoa bela.

Lewi Dea Tena 8:15

Asɛ Mosis teŋe o baŋa dɛ kpɔ nonii ɛ o chal la ane merɛ kwaa aa paaɡe saraha kon la loŋkoni ta, dɛ leo cheɡ o do ɡoroŋ. Asɛ dɛ berɛ fuɡe chal la kar do saraha kon la mun ta. O ɛ ɡɛ dɛ laa doŋa kpɔ saraha kon la ta o do ɡoroŋ.

Sekaria 9:15

Koranar Bwa Kooro ɛɛ tɔ o nɛra ɡbemɡbee. Baa chɔɡ ba dɔma vamtor bwea nee, dɛɛ moo laa ta kɛŋɔ sennyɔdɛɛra ken. Baa kpoo ba dɔmaa, ásɛ ba chal ɛɛ palɛ kɛŋɔ baa kpoo kwaa ɛ saraha, dɛ kpɔ a chale dɛɛ merɛ saraha kwaa loŋkoni ta la ken.

Nɛra Kura 3:31

Ba tomaa kɛŋɔ báa nyiŋi Korowii Ne Nɛwɛnyina Fɔo Daka la ta, ne teebur ne kandea daa ne kwaa baa dɛ ɛ saraha a ta la, ne koŋkwaa sɔfore aa kpɔ dɛɛ ɛ toma Korowii Tɛnte Dea bela, ne pateesan waa tɔ Boɡoroŋ Tenten la ta. Gɛ bwa aa chɛ kɛ bá kpɔ kwaa nɔ bwa ɛ toma lɔ ba nɔn ta.

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.