Kaala 27:1 - mzwDBL

¹ Korowii berɔ ŋɔ Mosis be ŋɔ, “Kpɔ akaasia daa kwaa kon baa ɛ saraha o ta dɛɛ tɛ mɛ. Gel o jaŋne ne o paɡri bwa ɛ beŋkpoŋ. O jaŋne ɛ naɡale anuanɛ ne tama, o paɡri ɡe naɡale anuanɛ ne tama. O daŋa ɡe ɛ naɡale anaarɛ ne tama.

Kaala 27:1 ပူးပေါင်းရင်းမြစ်များ

2 Samoɛl 24:18

Awola tɔpere la, Gad la Kooro Devid be dɛ ka ŋɔ o be ŋɔ, “Ir la Jebus te Arauna mea lɔ bɔr bela, dɛ́ ka ma kon baa ɛ saraha o ta tɛ Korowii.”

2 Koranar 16:14

Dɛ ɛ ayaawa kon baa dɛ ɛ saraha o ta, dɛ kpɔ do Korowii nɔn ta, o che saraha konfale la ne Korowii Dea la baah ta. Anomanta, Kooro Ahas kaa kpɔ ombene la ka cheɡ onfale la weekaŋle nyunduabɔr.

1 Webena 6:49

Arɔn ne o naanar ɡboo dɛ́ kpɔ saraha kwaa baa fuah ba kon baa dɛ fuh saraha o ta, dɛ́ kpɔ ane ɡe ba kon baa dɛ fuh daawiile o ta la ta. Banee dɛɛ ɛ Boɡoroŋ Tenten bela toma, dɛ́ soŋe Israel tena wechɔɡa Korowii be ó kpɔ kɛ ba, ɡɛ Korowii bonɔɔ Mosis aa do ba la.

2 Webena 4:1

Kooro Solomɔn ɡelɔ ba kpɔ ayaawa ɛ saraha kon. O jaŋne lɔ naɡale fifraatoro, o paɡri naɡale fifraatoro, asɛ o jaŋne dɛ́ kaa nyundua ɡe naɡale fi dɛ anue.

Ɛsra 3:2

asɛ Josadak bibaa Jesua ne o bala sɔfore, ne Sealteɛl bibaa Sɛrobabɛl ne o bala baa ja o nɛ, pa mun dɛ berɛ kwaa ma saraha kon tɛ Korowii Israel tena aa dɛ tomɔ, dɛɛ fuh saraha kwaa o ta, ɡɛ baa chwera do Korowii bonɔɔ Mosis Mmara tɔn bini la.

Kaala 17:15

Mosis ɛ kon waa ɛ saraha o ta dɛɛ tɛ Korowii bela, dɛ pa o sɔn ŋɔ, “Korowiirii yoa dɛɛ tɛ mɛ.”

Kaala 24:4

Mosis chwerɛ komɛlbwa Korowii aa bola. Tɔ aa dɛ per chɔmbibii la, o iro dɛ kwaa saraha kon tɛ Korowii bwe la lɔɡa, dɛ paaɡe bwea fi dɛ anɛ a che tɛ Israel deene fi dɛ anɛ la.

Kaala 31:9

ne kon baa dɛ fuh saraha kwaa o ta ne o koŋkwaa bwa, dɛ loɡbajen ne kon waa chɔŋɛ o ta,

Kaala 35:16

ne kon baa dɛ fuh saraha kwaa o ta ne ayaawa kafola, ne o dajaŋa baa kpɔ dɛɛ cheo ne loɡa aa jaa bwa, ne ayaawa loɡbajen dɛ kon waa dɛɛ chɔŋɛ o ta,

Kaala 39:39

ne saraha kon baa kpɔ ayaawa ɛ o ne o kafola, ne o dajaŋa baa kpɔa dɛɛ cheo ne o koŋkwaa bwa, ne loɡbajen dɛ o kon waa chɔŋɛ o ta,

Kaala 40:10

Ɛ noo la ane merɛ kon baa fuh saraha kwaa dɛɛ tɛ Korowii o ta la, ne o koŋkwaa bwa ta. Gɛɛ hɛɛ ba ɛɛ dɛ́ lea cheɡ á do ɡoroŋ kohona tɛ men Korowii.

Kaala 40:29

O kpɔ kon baa fuh saraha kwaa o ta dɛɛ tɛ Korowii la ɡe ba cheɡ Korowii Tɛnte Dea waa ɛ o Cheremibɔr la doonyoa bela, asɛ dɛ kpɔ saraha kwaa baa dɛ fuah ne mea saraha ba tɛ Korowii ɡɛ waa doo la.

Kaala 40:6

Ásɛ dɛ kpɔ kon baa fuh saraha kwaa dɛɛ tɛ Korowii o ta la ba cheɡ n Dea Cheremibɔr la sie,

Nɛra Kura 3:31

Ba tomaa kɛŋɔ báa nyiŋi Korowii Ne Nɛwɛnyina Fɔo Daka la ta, ne teebur ne kandea daa ne kwaa baa dɛ ɛ saraha a ta la, ne koŋkwaa sɔfore aa kpɔ dɛɛ ɛ toma Korowii Tɛnte Dea bela, ne pateesan waa tɔ Boɡoroŋ Tenten la ta. Gɛ bwa aa chɛ kɛ bá kpɔ kwaa nɔ bwa ɛ toma lɔ ba nɔn ta.

Nɛra Kura 4:13

Bá laa tɔɔ aa lɔ saraha kon baa kpɔ ayaawa ɛo la pa, dɛ́ kpɔ yakɔl bɔle o ta.

Nɛra Kura 4:14

Ásɛ dɛ pa koŋkwaa bwa baa kpɔa dɛɛ ɛ toma saraha kon la ta. Anee kwaa baa kpɔa dɛɛ buh nii, ne bune baa kpɔ toh ola, ne soofire, ne loɡa baa do chal kɛɛ nee a bini dɛ ɛ dɛɛ merɛ, dɛ́ kpɔa chɔŋɛ o ta, ásɛ dɛ kpɔ mpo nae tɔne la bɔle a ta. Ásɛ dɛ kpɔ daa baa kpɔa dɛɛ cheo la suuɡi nɔnloɡa aa lɔ o loŋkoni ta la.

Hibru 13:10

Juu tena sɔfore baa dɛ ɛ toma Korowii Tɛnte Dea bini la ta ŋwɛnɛ dɔe kɛŋɔ ba di ya saraha kwaa yaa dɛ di la ane.