Kaala 26:7 - mzwDBL

⁷ Kpɔ booh pona sɔh pateesanre dɛ́ kpɔ bɔle n Tɛnte Dea, a bwa ɛ pateesanre fi dɛ beŋkpoŋ.

Kaala 26:7 ပူးပေါင်းရင်းမြစ်များ

Yela 45:13

Kooro hanfale lɔ koodem, o wer dɔŋ toole, ba kpɔ suuɡaswɛm ŋwɛɛra sɔh ja ŋwɛɛra baa kpɔa sɔh o batakaarejaŋ la ta.

Kaala 25:4

ne jiseburum ne jisekɔl ne jiseswɛm ne yadɛɛɡa ampoŋa dɛ booh pona,

Kaala 26:1

Korowii berɔ ŋɔ Mosis be ŋɔ, “Kpɔ jisepondɛɛɡe ne jiseburum ne jisekɔl dɛ jiseswɛm sɔh pateesanre fi, dɛ́ ɡel nɛn waa dɔ kwaa sɔeh wejema ɛ Kerobim dawɛ a ta, dɛ́ kpɔ kwaa Tɛnte Dea waa ɛ n dobɔr tɛ mɛ.

Kaala 26:12

Kɛ pateesan baa kpɛwɔ la chɛ kɛ ó vah n Tɛnte Dea la habɔɔ.

Kaala 26:14

Kpɔ pebal tɔne baa doa konswɛɛma tɔ tɛnte la, ásɛ dɛ kpɔ mpo nae tɔne bɔlo ja.

Kaala 26:6

Kpɔ suuɡaswɛm ɛ kwaa fifraanue haa doa tora a sie aa chaɡɛ dɔŋa la pɛ, á ɡel n Tɛnte Dea la bwa ɛ beŋkpoŋ.

Kaala 26:8

A ɡɛ pateesanre fi dɛ beŋkpoŋ la bwa chɛ kɛ á ɛ kɛrɛdɛ. A jaŋne ɛ naɡale fifraanaarɛ dɛ anue, a paɡri ɡe ɛ naɡale anumɛl.

Kaala 26:9

Kpɔ pateesanre la anue pɛ dɔŋa á ɛ beŋkpoŋ, ásɛ dɛ pɛ anumɛl la kar la ɡe á ɛ beŋkpoŋ. Kpɛwɛ pateesan numɛlte la ó do Tɛnte Dea la doonyoa bela.

Kaala 35:23

Asɛ nomɛlbwa waa dɔ jiseburum, Jisekɔl kɛɛ jiseswɛm kɛɛ yapondɛɛɡe kɛɛ booh pona, pebal tɔne baa doa konswɛm kɛɛ mpo nae tɔne ba a ne.

Kaala 35:26

Haahna la bwa ɡe baa jemɛ booh pona ne jise ɛɛ la ba a ne.

Kaala 35:6

ne jiseburum ne jisekɔl ne jiseswɛm ne yadɛɛɡe ompoŋ dɛ booh pona,

Aesaya 4:5

Korowii ɛɛ ɡeloo ninchuu ɛ kɛŋɔ baama, dɛ́ ba tɔ Saayɔn Bwejen ne nɛra baa lɔ o ta nɛ webaŋa, dɛ́ berɛ ɡel nii ɡe tɔ ba nɛɛ dɛɛ chaah ba jwaana á ɛ kɛŋɔ chunchule, dɛ́ tɔ bwɛɛ la jirima bwa ta,

Nɛra Kura 3:25

N Dea Cheremibɔr toma baa kpɔa do ba nɔn ta laanee kɛŋɔ, báa nyiŋi o ne kwaa baa kpɔa bɔle o bini ne baŋ, dɛ o doonyoa pateesan la ta,

Nɛra Kura 31:20

Hé laa doŋa kpɔ yale ne kwaa baa kpɔ oltɔn ne booh pona ne daa ɛa bɛlbwa ta.”

Nɛra Kura 4:25

A chɛ kɛ báa che n Tɛnte Dea waa ɛ n Dea Cheremibɔr la pateesanre, ne kwaa baa kpɔa bɔle o bini, ne mpo nae tɔne baa kpɔa bɔle o baŋ, ne pateesan waa tɔ n Dea Cheremibɔr doonyoa la,

1 Pita 3:4

Hé ɡel nɛra na he wer waa aa lɔ bambile bini siwi aa wola an na la ta. Hé do pwɛre, dɛɛ ɛ waa bɔeh. Anee wera aa wola tu bwa, dɛ do wer kohona Korowii be.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”