Kaala 25:9 - mzwDBL

⁹ Gɛ maa baɡle heyaa hé ɛ Tɛnte Dea ne o dor ne o bini kwaara la, ɡɛ tentenee chɛ kɛŋɔ he ɛo.

Kaala 25:9 ပူးပေါင်းရင်းမြစ်များ

Kaala 25:40

Nyiŋi kɛrɛdɛ dɛ́ ɛa ɡɛ tenten maa baɡle bwejen la doa la.”

Hibru 8:5

Ba sɔfore toma baa dɛ ɛ la, chaaraa baa chaa ɡɛ baa dɛ ɛa Korowii doa la. A tenten laa. A waa Mosis fa aa dɛ ba Korowii Tɛnte Dea baa dɛ tomɔ o bini la ɛɛ la, Korowii ŋɔ o be ŋɔ, “Nyiŋi dɛ ɛ komɛlbwa kɛrɛdɛ kɛŋɔ maa baɡle bwe la doa la.”

We-ɛɛla 7:44

Ya naawa aa lɔ pua hɛŋle ɡbo harɛ ta la, dɛ ba dɔ tɔne ane baa dɛ baŋra kɛŋɔ dea ken, asɛ a ɡɛ dea la ɛ Korowii Dea Cheremibɔr. Gɛ Korowii aa baɡle Mosis laanee ba kwaaro.

Hibru 9:9

A ɡɛ waa nɔ cheɡɔ dɛ tɛ fini nɔ. A baɡlɔ kɛŋɔ saraha ɛɛ ne konaatena fuih dɛɛ tɛ Korowii aa won ɡel nɛn baa fuh kwaa la dɛɛ tɛo la tea to.

Hibru 8:2

Korowii Dea bini tenten la, belaa wɛɛ di sɔfore. O ɛ Korowii Tɛnte Dea ɡbaɡba, nɛwɛnyini laa doo.

Hibru 9:2

asɛ o do Korowii Tɛnte Dea la bini. Pateesan teŋe dea la doonyoa, asɛ bɛl ɡe bɔne dea la bini anɛ. Dea la boloɡle la sɔne Boɡoroŋ. A ɡɛ Boɡoroŋ la bɔr belaa kandea da ne teebur, dɛ paanoo baa kpɔa dɛɛ cheɡ Korowii sie la do.

Kaala 26:30

Gɛ maa chaɡle bwejen la doa laanee chɛ kɛŋɔ he baŋre n Tɛnte Dea la.

Nɛra Kura 8:4

Gɛ baa ɛ kandea daa la, suuɡaswɛm ɡbosoo nee ba loɡɔ, le o mun ta kaa o numoli aa do kɛ daa fee la ta. Gɛ tenten Korowii aa baɡle Mosis laanee o ɛo.

Kaala 39:32

Gɛɛ a do Israel tena tonɛ toma aa lɔ Korowii Tɛnte Dea waa ɛ o Dea Cheremibɔr bela bwa, ɡɛ Korowii aa do Mosis la.

Kaala 39:42

Israel tena la ɛ toma la bwa ɡɛ tenten Korowii aa do Mosis la.

Kaala 39:43

Mosis kaa na toma la, dɛ ba ɛa kɛrɛdɛ ɡɛ tenten Korowii aa do ba la, asɛ o soŋe andɛɛɡa Korowii be tɛɛ ba.

Nɛra Kura 4:12

Bá kpɔ yaburum bɛl fɔrɔwe koŋkwaa bwa baa kpɔa dɛɛ ɛ toma Boɡoroŋ bela la, dɛ́ berɛ kpɔ mpo nae tɔne bɔle a ta, dɛ́ kpɔ dawɛ kon baa kpɔa dɛɛ chea la ta.