Kaala 25:8 - mzwDBL

⁸ Gel ba ɛ Tɛnte Dea waa do ɡoroŋ tɛ mɛ, ásɛ n ba so ba bini.

Kaala 25:8 ပူးပေါင်းရင်းမြစ်များ

1 Koranar 6:13

Mɛɛ so n nɛra Israel tena baahnee Korowii Dea haa dɛ do nɔ bini, maa ban ta bwa.”

1 Webena 22:19

Name, le fini kpɔ he bambile ne liire bwa ne dɛɛ tomɛ Korowii. Pa mun ma Korowii Dea la, ásɛ dɛ won kpɔ Korowii Ne Nɛwɛnyina Fɔo Daka la ne laala aa do ɡoroŋ ba kpɔ dɛɛ tomɔ la bwa ba cheɡ o bini.”

Kaala 15:17

He kpɔ ba ka so he be bwe doa, bwe la doa waa ɛ he soŋnibɔr la, he ɡbaɡba Dea waa do ɡoroŋ he che he kpeɡri ta cheɡo la.

Kaala 15:2

Korowiirii n bokpeɡa, o sɔn ber mɛ yel mɛɛ ɡo, onee n Lɛɛ, onee mɛɛ tomɛ dɛɛ kpɛɛro, Korowii n naa wa aa tomɔ laanee on, o sɔnee mɛɛ ba yera dɛɛ tomɔ.

Kaala 29:45

Mɛɛ do he Israel tena binii, ásɛ dɛ ɛ Korowii haa dɛ tom mɛ.

Kaala 29:46

Baa jemɔɔ kɛŋɔ menee Korowii baa dɛ tom mɛ, n kpɔ ba le Ijipt harɛ n ne ba so. Menee Korowii baa dɛ tom mɛ la.”

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Ɛsekeɛl 37:26

N ne baa fɔwɛ deŋnesɔɔhna fɔwee o do le saŋ bɛlbwa dɛɛ la. Mɛɛ ɡeloo ba do kpeɡri ba mun ya kohona, ásɛ n kpɔ n Dea la ba cheɡ ba harɛ ta saŋ bɛlbwa dɛɛ la.

Ɛsekeɛl 37:28

N kpɔ n Dea la ba cheɡ ba harɛ la ta saŋ bɛlbwa dɛɛ la naa, anee dɛ́ ɡel harɛre nɛra jemɛ kɛŋɔ menee le Israel tena tɛ n te.’ ”

Ɛsekeɛl 43:7

O ŋɔ, “Nɛwɛnyini bie, n kookara chebɔree bonɔ. Bonɔɔ mɛɛ ba soɡa saŋ bɛlbwa dɛɛ la, dɛɛ nyiŋi n nɛra Israel tena nɛ. Israel tena aa ba koranar baa serewaa ɛ kɛŋɔ voɡa aa wola mkpa dɔe, dɛɛ toma dɛɛ ɛ jwamanwa bonɔ, dɛ́ kpɔ doŋa kah n sɔn waa do ɡoroŋ la kpa.

Lewi Dea Tena 10:4

Belaa Mosis yerɛ baala banɛ bane baa dɛ yer ba Mesael ne Ɛlsafan. Arɔn mɛɛ bie Usiel biirii ban. O ŋɔ ba be ŋɔ, “Hé ba bonɔ dɛ́ ba che he nimanar le Korowii Dea sie bonɔ, dɛ́ kaa bane bela yaa soɡa nɔ dahara ka ta.”

Lewi Dea Tena 21:12

kɛɛ dɛ́ le Korowii waa dɛ tomɔ Dea ta, kɛɛ dɛ́ ɡel o kah doŋa, dɛkalkɛ ba fuɡe noo do o nyu ta dɛ ɛo Sɔfonomoa tɛ Korowii waa dɛ tomɔ. Korowiirii bola.

Lewi Dea Tena 26:11

Mɛɛ so he be n Tɛnte Dea la binii. Maa habɔɔ berɛ kpo heyaa bwa.

Lewi Dea Tena 4:6

dɛ́ kpɔ o nonii do chal la ta, dɛ́ ɛ ane merɛ pateesan waa lɔ n Tɛnte Dea la sie kera anuanɛ n sie.

Sekaria 2:10

Korowii ŋɔ, “Jerusalam tena, hé ɡel he sie lɛ hɛɛ ɡo yela! N dɛ ba dɛ́ ba so he baah ta.”

Sekaria 8:3

Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”

Nɛra Kura 5:3

Haahna ne baala bwa baa do ɡɛ la, bá le ba ne dahara, ásɛ ba bɛ doŋa ba kpɔ kah bela haa soɡa n do he baah ta la.”

We-ɛɛla 7:44

Ya naawa aa lɔ pua hɛŋle ɡbo harɛ ta la, dɛ ba dɔ tɔne ane baa dɛ baŋra kɛŋɔ dea ken, asɛ a ɡɛ dea la ɛ Korowii Dea Cheremibɔr. Gɛ Korowii aa baɡle Mosis laanee ba kwaaro.

2 Kɔrent 6:16

Voɡa ɛɛ wonoo che Korowii Dea a maɡre aa? Ya bwadabii nɔɔ Korowii waa lole saŋ bɛlbwa la dea. Anee Korowii ɡbabir bol la. O bolɔ ŋɔ, “Mɛɛ ba so n nɛra bee, dɛ́ do ba baah, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Josua 22:31

Ate, sɔfo Eliasa bibaa Fenehas ŋɔ ba be ŋɔ, “Ya jemɔ name kɛŋɔ Korowii ja ya nɛɛ fini, he ta he te laa kpɔ Korowii nɛɛ waa nɔ ta, he lɛ Israel tena bwa nyu le tɛra Korowii fe aa tɛr he deŋne la ta.”

Wepila 21:3

Asɛ n no takpeɡ bɛl o le kookara la ta, dɛ ŋɔ “Hɛ́ɛ no! Taraken Korowii dobɔree nɛwɛnyini bini. O ne banee dɛ́ so, bá ɛ o nɛra ásɛ o ɡe ɛ ba Korowii, ba ne o so.