Kaala 25:38 - mzwDBL

³⁸ O kon baa kpɔ dɛɛ fee ŋwɛn la doŋa ne o loɡbakorɔre bwa chɛ kɛŋɔ á ɛ suuɡaswɛm tenten.

Kaala 25:38 ပူးပေါင်းရင်းမြစ်များ

Jeremia 52:18

Dɛ berɛ pa viine ne soofire ne kwaa baa pa tɔɔ dɛɛ do a bini, ne kwaa baa kpɔa dɛɛ menɛ kandea ŋwɛɛra, ne loɡa baa kpɔa dɛɛ chaɡɛ kwaa baa dɛ kpoo chale, ne loɡa baa dɛ fuh daawiile a bini, dɛ ayaawa kwaa bwa soo siwi baa kpɔa dɛɛ ɛ toma Korowii Dea bwa kaa.

Aesaya 6:6

Belaa Serafim la bɛl kpɔ nyɛwa, dɛ kpɔ ka nyɛwɛ nihɔl le kon baa ɛ saraha o ta dɛɛ tɛ Korowii la ta, dɛ kpɔ ir ba n be,

2 Webena 4:21

ne kwaa baa kpɔa dɛɛ nyɛwɛ kandea ŋwɛn doŋa, ne kwaa ane kɛŋɔ daa fee, dɛ kandere. Suuɡaswɛm tenten nee o ɛ a bwa,

2 Koranar 25:14

Dɛ berɛ pa viine ne soofire ne kwaa baa pa tɔɔ dɛɛ do a bini, ne kwaa baa kpɔa dɛɛ menɛ kandea ŋwɛɛra, ne loɡa baa kpɔa dɛɛ chaɡɛ kwaa baa dɛ kpoo chale, ne loɡa baa dɛ fuh daawiile a bini, dɛ ayaawa kwaa bwa soo siwi baa kpɔa dɛɛ ɛ toma Korowii Dea bwa kaa.

2 Koranar 12:13

Ba ta suuɡa la bɛlbwa kpɔe bɔ suuɡapoŋ loɡa, ne loɡa baa do chal kɛɛ nee a bini dɛ ɛ dɛɛ merɛ kwaa ta, ne bune baa kpɔa dɛɛ menɛ kandere ŋwɛɛra ne bɛle, kɛɛ suuɡaswɛm komɛlbwa, kɛɛ suuɡapoŋ dɛ cheɡ Korowii Dea bela.

1 Koranar 7:50

O berɔ ɛ suuɡaswɛm tenten loɡbaala, ne kon baa kpɔa dɛɛ fee kandea ŋwɛn la doŋa, ne loɡa baa do nee kɛɛ chal a bini dɛ ɛ dɛɛ merɛ, ne loɡa ne kwaa baa kpɔa dɛɛ buh nii, ne dea la ɡbeni baa kpɔ suuɡaswɛm ɛa, ne ɡbeni aa lɔ Boɡoroŋ Tenten bela ɡbeni, dɛ ɡbeni aa lɔ Dea la nyoa bwa.

Nɛra Kura 4:9

Bá kpɔ yaburum bɛl bɔle kandea daa la ne o kandere la ta, ne kwaa baa kpɔa dɛɛ kwaa o ŋwɛɛra la, ne o loɡbakorɔre ne loŋa baa kpɔ noo dɛɛ do a bini, dɛ́ kpɔ dɛɛ do kandere la ta.

Kaala 37:23

O kwaa kandere anuanɛ ba kpɔ do o ta, ne kwaa baa kpɔa dɛɛ fee kandea ŋwɛn la doŋa ne o loɡbakorɔre bwa. Suuɡaswɛm tenten nee o ɛa.

Kaala 25:37

Ásɛ dɛ ɛ kandere anuanɛ dɛ́ kpɔa chɔŋre kandea daa la ta aa chaah bela o sie aa chaɡa.

Kaala 25:39

Suuɡaswɛm o tɔɡre aa ɛ kilore fifraatoro dɛ anaarɛɛ chɛ kɛ he kpɔ kwaa kandea daa la ne o konjeɡre bwa.