Kaala 25:30 - mzwDBL

³⁰ Kpɔ paanoo haa kpɔ baa tɛ mɛ la dɛɛ dawɛ teebur nɔ ta saŋ bɛlbwa.

Kaala 25:30 ပူးပေါင်းရင်းမြစ်များ

1 Koranar 7:48

Kooro Solomɔn berɔ kpɔ suuɡaswɛm ɛ Korowii Dea la bini laala. Anee, suuɡaswɛm kon baa dɛ ɛ saraha o ta, ne teeburre baa kpɔ paanoo baa bil o ta Korowii sie,

1 Webena 23:29

Ba tomaa kɛŋɔ ba nyiŋi dɛ kpɔ paanoo ba dawɛ teebur ta, ne men aa kpera kɛrɛdɛ ba kpɔ ɛ mea saraha, ne biskeeti baa wola iisi a ta do, a charama ne ɡɛ baa maɡa bwa.

1 Webena 9:32

Kohat dea bibaala la bane ɡee dɛɛ ɛ paanoo baa dɛ dawa teebur ta Ona Tɔpera ta.

2 Webena 13:11

Chɔɔ ne jɔmɔra bwaa ba kpɔ saraha kwaa ba baa fuh, dɛ fuh daawiile a sɔɔh aa soma dɛɛ tɛ Korowii. Ba kpɔ paanoo dɛɛ dawɛ teebur waa do ɡoroŋ doŋa bɛlbwa aa wola toole o ta, dɛ choŋi kandere aa lɔ kandea daa baa kpɔ suuɡaswɛm ɛo jɔmɔra bɛlbwa. Ya dɛ ɛ waa Korowii yaa dɛ tomɔ la aa do yaa, kɛ he te vɛoh.

2 Webena 2:3

Kooro Solomɔn kpɔ kala tɛ Taaya Kooro Hiram ŋɔ, “Tɛ mɛ peleme daa ɡɛ haa tɛ n mɛɛ Kooro Devid o do koodem la.

2 Webena 2:4

N dɛ ba Dea doe tɛ Korowii maa dɛ tomɔ, ásɛ baa tomɔ o bini. Wɛɛ do ɡoroŋee, ásɛ n ne n nɛra fuh daawiile a sɔɔh aa soma dɛɛ tomɔ bela, dɛ́ kpɔ paanoo baa lea cheɡ tɛ Korowii o do ɡoroŋ dɛɛ ba o sie tɔpere bɛlbwa, dɛɛ fuh saraha kwaa chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane Korowii yaa dɛ tomɔ aa lea cheɡ. Gɛ waa nɔ chɔ le tɛ Israel tena saŋ bɛlbwa dɛɛ la.

Kaala 35:13

ne teebur la ne o konjeɡre, ne daa baa kpɔ ɡɔɔro dɛ paanoo baa kpɔa baa bil Korowii sie,

Kaala 39:36

ne teebur la ne o konjeɡre, ne paanoo baa kpɔa baa bil Korowii sie,

Kaala 40:23

Dɛ kpɔ paanoo la ɡe ka dawɛ o ta Korowii sie, ɡɛ waa doo ŋɔ o ɛ la.

Kaala 40:4

Kpɔ teebur la ba cheɡ o bini, dɛ́ kpɔ o koŋkwaa bwa dawɛ o ta. Kpɔ kandea daa la ɡe ba cheɡ, dɛ́ kpɔ kandere la ba chɔŋɛ a ta.

Ɛsekeɛl 41:22

Ba kpɔ daa kwaa kon baa dɛɛ ɛ saraha o ta. O daŋa lɔ naɡale anaarɛ ne tama, dɛ dɔ baŋne anaarɛ. Bɛlbwa lɔ naɡale atoro. Asɛ baa la ŋɔ n be ŋɔ, “Teebur waa cheɡɛ Korowii sie laanee la.”

Malakae 1:12

Kɛ he sɔfore dɛ chɔɡ n sɔn dɛ ŋɔ n saraha kon la kah doŋa. He ŋɔ kondikwaa baa kpɔa dɛɛ ba o ta la ɡe ta jirima dɔe, dɛ ɛ konsale.

Malakae 1:7

Korowii ŋɔ, “He kpɔ kondikwaa aa kah doŋa dɛɛ ba n saraha kon ta. He berɔ ŋɔ, ‘Ŋwɛnɛ besoo taa ya kpɔ doŋa kah he saraha kon laɔ?’ He ŋɔ Korowii saraha kon la ta jirima kon ɛɛ.”

Nɛra Kura 4:7

Bá paɡri yaburum bɛl bɔle teebur Korowii paanoo aa dɛ dawɛ o ta la ta, dɛ́ pa tafolabɔtɔre ne loɡa ne lerwe baa dɛ do sen a bini, dɛ́ kpɔ ɛ saraha dawɛ bela. Paanoo la baa yon kpɔ dawɛ o ta la chɛ kɛ ó ta dawɛ bela.

Matiu 12:4

O jo Korowii Dea dɛ kpɔ paanoo aa ɛ Korowii kwa, o ne o nɛra di. Mmara fe aa ŋwɛnɛ tɛ kɛ bá fee di ɡɛ paanoo la, sɔfore ɡboo fe dɔ ŋwɛnɛ kɛ bá dia.

Hibru 9:2

asɛ o do Korowii Tɛnte Dea la bini. Pateesan teŋe dea la doonyoa, asɛ bɛl ɡe bɔne dea la bini anɛ. Dea la boloɡle la sɔne Boɡoroŋ. A ɡɛ Boɡoroŋ la bɔr belaa kandea da ne teebur, dɛ paanoo baa kpɔa dɛɛ cheɡ Korowii sie la do.

1 Samoɛl 21:4

Anee sɔfo la chaŋe Devid ŋɔ, “N ta paanoo pɛɛ bɛlbwa dɔe, atane onɔ la baa lea cheɡ tɛ Korowii la ɡbo. Dɛ he laa tena nɔ ta haahna chɔe baah nɔ ta tenaa, he lɛ tɛɛ ba.”

1 Samoɛl 21:5

Devid ŋɔ, “Kasinteŋ, n ne laa tena nɔ dɛ kaa wepɛɛ ta kwaraa naa, ba laa ba te dɛɛ kpɔ haahna chɔe ta, doŋa bɛlbwa le ba nɛ, ń baa bol waa aa hiah dɛ do ken nɔ.”

1 Samoɛl 21:6

Anomanta, sɔfo la kpɔ paanoo baa lea cheɡ tɛ Korowii o do ɡoroŋ la tɛo, dɛkalkɛ dɛ paanoo bɛlbwa toole ka ja anɔ la baa kpɔa dɛɛ bil Korowii sie. O laa kpɔ teebur waa do ɡoroŋ la ta, dɛ kpɔ anɔ la aa wɔba ba chiɡ a naa ta.