Kaala 25:20 - mzwDBL

²⁰ Kerobim la chɛ kɛŋɔ á sie ɡba dɔŋa daka la doa, a kena paɡri kaa nyundua dɛɛ cheme dɔŋa dɛɛ tɔ o tɔ la ta.

Kaala 25:20 ပူးပေါင်းရင်းမြစ်များ

Mumpar 28:12

O chɔe bini la, o deero dɛ na kɛŋɔ sanjol le nyundua ba chiɡ harɛ, asɛ nyundua toroma teeh dɛ la dɛɛ ba.

1 Koranar 6:23

Kooro Solomɔn ɡelɔ ba kpɔ ɔleve daa sɛh Kerobim aa do kɛŋɔ hweera kwaa anɛ ane cheɡ Korowii Dea la bini tenten bela. Bɛlbwa jaŋne dɛ kaa nyundua lɔ naɡale fi dɛ anue.

1 Koranar 6:27

Kooro Solomɔn ɡelɔ ba kpɔa cheɡ dɔŋa jwɛh Boɡoroŋ Tenten bela. Ba ɛa a kena anɛ nyoo ɛɛ chuɡe danjwɛ, asɛ anɛ ɡe ba cheme dea la baah ta.

1 Koranar 8:7

Kerobim la kena bɔle bela Fɔo Daka la aa cheɡa la bwa, dɛ tɔ o ne daa baa kpɔa dɛɛ cheo bwa ta.

1 Webena 28:18

ne suuɡaswɛm tenten baa kpɔ ɛ kon baa dɛɛ fuh daawiile a sɔɔh aa soma o ta ne a tɔɡre. Kooro Devid kpɔ kon waa do kɛ torɔɡo baa kpɔ Kerobim baa kpɔ suuɡaswɛm tenten ɛa, a paɡri kena tɔ Korowii Ne Nɛwɛnyina Fɔo Daka la ta ne a tɔɡre ɡe baɡlo.

2 Webena 3:10

Kooro Solomɔn ɡelɔ ba ɛ Kerobim anɛ, asɛ dɛ kpɔ suuɡaswɛm ɛ a bwara a che Boɡoroŋ Tenten bela.

Kaala 25:18

Berɛ kpɔ suuɡaswɛm kwaa Kerobim la do o tɔ la nyoo.

Kaala 25:19

Kerobim la beŋkpoŋ chɔŋɛ o baŋ bɛl, ásɛ bɛl ɡe do baŋ bɛl. Kombeŋkpoŋii chɛ kɛ he kpɔ kwaa Kerobim la ne daka la tɔ la bwa.

Ɛsekeɛl 1:20

Bobɛlbwa a doma aa dɛ kaa a ne la, o ne saaker nakpale laanee dɛɛ kaa, dɛkalkɛŋɔ a doma la lɔ saaker nakpale la ta.

Ɛsekeɛl 28:14

N le Kerob cheɡ wɛɛ daahne. Dɛ he soɡe n bwejen waa do ɡoroŋ la ta, dɛɛ valɛ bwedɛɛɡa aa dɛ nyɛɡle baah ta.

Matiu 24:31

Nɛra ɛɛ no Korowii bɛla la sii, ásɛ Korowii tomɛ o nyundua toroma bá ba harɛ nɔ ta bobɛlbwa, dɛ́ ka boa o nɛra waa chal ba dɛ lɛɛ ba la bwa nyoa.

Amanesoma Jɔn Aa Chwera Tɔn 1:51

Yeesu ŋɔ ba be ŋɔ, “Kasinteŋ, n dɛ ŋɔ he be, hɛɛ nao nyundua aa pila, ásɛ nyundua toroma che bela tu dɛɛ ba Men Nɛn Bie be, dɛ berɛ teeh dɛɛ kaa.”

1 Kɔrent 11:10

A ɡɛ waa nɔ ne nyundua toroma nyiŋa baa dɛ nyiŋi heyaa nomanta, a chɛ kɛŋɔ haah kpɔ kon dɛɛ bɔle o nyu á baɡle kɛŋɔ baa dɔ kpeɡri o nɛ.

1 Kɔrent 4:9

N te be, Korowii ɡelɔ ya banɔ nɔ yaa ɛ Yeesu toroma nɔ ka mun, dɛ do kɛŋɔ nɛra baa laɡ ba dɛɛ la ka kpoo ba, asɛ nɛra bwa ɛɛ nyiŋ ba, dɛkalkɛŋɔ nyundua toroma ne nɛra bwa dɛ nyiŋi yaa.

Ɛfesos 3:10

O ɛ ɡɛ ásɛ nyundua toroma, ne kwaa aa dɔ kpeɡri bwa dɛ do Korowii be nyundua bwa pese asɔre tena waa dɛ́ jemɛ ɡɛ bwa Korowii wejema aa kana ne ɡɛ waa dɛ ɛ o toma.

Kolosi 2:10

He ne waa pɛa la, he dɔ komɛlbwa. Onee dɔ sɔn waa ɡwaa kwaa yaa wola an na bwa soo siwi sɔn.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

Hibru 9:5

Ba kwaa kena kwaa anɛ ane baa dɛ yera Kerobim la chɔŋɛ Daka la ta a paɡri kena tɔ o ta a sie chaɡɛ dɔŋa. Belaa ba laa Korowii bandia dɛɛ kpɔ o nɛra nɛɛ la, aa baɡle kɛŋɔ Korowii jirima lɔ bela. Yaa won dɔ bɔr taraken dɛ baɡle kwaa nɔ waa bwa ka tonɛ.

1 Pita 1:12

Korowii ɡelɔ a ɡɛ keamere la jemɛ kɛŋɔ ba koeh baa dɛ koh la, ba laa dɛ́ di a tɔnɔ, heyaa ba koh dɛɛ tɛ. Waa haa noa taraken dɛ le Amanesoma baa bola he be la ta la, ban fa bola. Korowii Domadɛɛɡe waa tomɔ ya be laanee cha ba ba bola he be la. Korowii nyundua toroma kwaraa dɛ nyin a ɡɛ waa nɔ dɛ́ jemɛ.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.