Waa doŋi baa la le bela habɔɔ la, o kpɔ Kerobim ne tokobii bɛl waa dɛ nyɛɡle kɛ ninlao dɛɛ beɡre bobɛlbwa, dɛ ka cheɡ Eden bodɛɛɡe wee leebɔr pera, ásɛ nomɛlbwa bɛ won di daa la nɔna.
ne suuɡaswɛm tenten baa kpɔ ɛ kon baa dɛɛ fuh daawiile a sɔɔh aa soma o ta ne a tɔɡre. Kooro Devid kpɔ kon waa do kɛ torɔɡo baa kpɔ Kerobim baa kpɔ suuɡaswɛm tenten ɛa, a paɡri kena tɔ Korowii Ne Nɛwɛnyina Fɔo Daka la ta ne a tɔɡre ɡe baɡlo.
Kpɔ suuɡaswɛm tenten ɛ daka la tɔ bela maa ba cheme heyaa dɛ kpɔ he wechɔɡa kɛ heyaa la, o jaŋne ka tama ó ɛ naɡale anaarɛ, ásɛ o paɡri ɡe ɡwaa naɡale anɛ.
Belaa Korowii ŋɔ baa la waa tɔ yapoŋ la be ŋɔ, “La saaker nakpale aa lɔ Kerobim la lɔɡa la baah ta. Pa ninhɔla he nɔɔra su, dɛ́ kpɔ merɛ bwɛjen la ta.” N taa cheɡa dɛɛ nyiŋu la, o kaa jo.
Ba kwaa kena kwaa anɛ ane baa dɛ yera Kerobim la chɔŋɛ Daka la ta a paɡri kena tɔ o ta a sie chaɡɛ dɔŋa. Belaa ba laa Korowii bandia dɛɛ kpɔ o nɛra nɛɛ la, aa baɡle kɛŋɔ Korowii jirima lɔ bela. Yaa won dɔ bɔr taraken dɛ baɡle kwaa nɔ waa bwa ka tonɛ.
Anomanta, ba tomɛ baala ba la Silo, dɛ ka kpɔ Nemenɛ Korowii Ne Nɛwɛnyina Fɔo Daka le bela Korowii Waa Ɛ Koranar Bwa Kooro aa soɡe Kerobim la doa o kookara ta la ba. Eli bibaala banɛ, Hofni ne Fenehas, teŋɛ Daka la nɛɛ dɛ ba.
