Kaala 24:8 - mzwDBL

⁸ Belaa o berɛ kpɔ chal la merɛ nɛra la nɛ dɛ ŋɔ, “Chal nɔɔ ɡela fɔo he ne Korowii aa fɔwa dɛ ŋɔ hɛɛ dɛɛ teŋɛ o Mmarare ta la won che tɛ heya.”

Kaala 24:8 ပူးပေါင်းရင်းမြစ်များ

1 Koranar 8:21

Korowii ne ya naawa fɔo baa fɔwa ɡɛ saŋ waa le ba ne Ijipt harɛ ta la nomanta, n kwaa bɔr Dea la bini tɛ Korowii Ne Nɛwɛnyina Fɔo Daka bwepɛle anɛ aa teɡli o bini la o ba che o bini.”

1 Koranar 8:9

Komɛlbwa toole Korowii Ne Nɛwɛnyina Fɔo Daka la bini ka ja bwepɛle anɛ Mosis aa kpɔa teɡli o bini Sinai Bwejen ta, bela Korowii ne Israel tena aa fɔwɛ fɔo ɡɛ saŋ baa le Ijipt harɛ ta la.

Yela 78:36

Kɛ dɛ neɡra ɡboo baa neɡro, ba wobɛlbwa ta kasinteŋ ɛɛ.

Kaala 24:6

Mosis kpɔ kwaa la chale la pera do loɡa bini, asɛ dɛ kpɔ a kar la merɛ saraha kon la ta.

Aesaya 52:15

Kɛ taraken, harɛre nɛra nyoa ɛɛ kpo o waa, koranar hel, ba bwara yɔr. Baa na waa baa wola ba be bolɛ bwaa, ásɛ anɔ la baa wola noɛ bwa la, bá no a mun.”

Jeremia 31:32

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la, aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ.

Ɛsekeɛl 16:8

A habɔɔ n berɔ fɛrɛ ba kaa, dɛ na kɛŋɔ namete he kpeɡo kohona kɛŋɔ he yalɛ, asɛ n paɡri n yal nyoa tɔ he nɛ, he ta mumɡbal cheɡɛ kpa. N ŋwɛɛrɔ baɡle asɛ n ne he fɔwɛ fɔo he berɛ n haah. Men Nemenɛ Korowiirii bola.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Lewi Dea Tena 8:30

Asɛ o kpɔ noo baa kpɔa dɛɛ do ba sɔfore ta, ne chal la ane le saraha kon la ta dɛ ɛ merɛ Arɔn laala ta, dɛ o bibaala la ɡe kwaa ta. O ɛ ɡɛ dɛ le Arɔn ne o laala ne o bibaala la ɡe ne ba laala cheɡ ba do ɡoroŋ.

Haɡae 2:5

Haa le Ijipt harɛ ta la, n baɡɛ heyaa nyoa ŋɔ mɛɛ ja he nɛɛ saŋ bɛlbwaa. N ta ja he nɛ, he bɛ ɔmɛ.”

Sekaria 9:11

Korowii ŋɔ, “Kɛ he te, kwaa haa kpoora dɛ ɛ saraha tɛ mɛ la, a chal nee n ne he fɔwɛ fɔo, anomanta, mɛɛ lawɛ he nɛraa le bɔɔ baa kaa do ba o bini nee aa wola toole bela la ta.

Matiu 26:28

Sen nɔɔ cheɡa tɛ n chal maa dɛ ba nɛra kɛrɛdɛ waa koeh dɛ́ fuɡe ta ásɛ Korowii che a ta dɛ́ kpɔ ba wechɔɡa kɛ ba. Á ɛ fɔo dɛ́ chɔ Korowii ne nɛwɛnyini baah ta.

Amanesoma Mak Aa Chwera Tɔn 14:24

Asɛ o ŋɔ ba be ŋɔ, “Sen nɔ cheɡɔ tɛ n chal maa dɛ ba nɛra kɛrɛdɛ waa koeh dɛ́ fuɡe ta. Á ɛ fɔo dɛ chɔ Korowii ne nɛwɛnyini baah ta.

Amanesoma Luk Aa Chwera Tɔn 22:20

Gɛ tentenee baa di kwaa la tonɛ la, o kpɔ numol ne sen la tɛɛ ba dɛ ŋɔ, “Sen nɔɔ cheɡa tɛ n chal maa dɛ ba he waa koeh dɛ fuɡe ta. Aa ɛ fɔofalee dɛ́ chɔ Korowii ne nɛwɛnyini baah ta.”

1 Kɔrent 11:25

Baa dia tonɛ la, o laa numol ne sen ane kpɔ, dɛ ŋɔ, “Sen nɔɔ cheɡa dɛ tɛ n chal. Aa ɛ fɔofalee dɛ́ chɔ Korowii ne nɛwɛnyina baah ta. Hɛ́ɛ nyɔ dɛ́ kpɔ dɛɛ lii mɛ.”

Ɛfesos 1:7

O Binyini laanee lɛ ya seo sewɛ. O chalee yawɛ yaa tɛ Korowii, asɛ o kpɔ ya wechɔɡa dɛɛ kɛ yaa. Anee dɛɛ baɡle suna waa sune ya nɛɛ kohona dɛɛ cha yaa la.

Mmarare 5:2

Sinai Bwejen taa Korowii yaa dɛ tomɔ ne ya fɔwɛ fɔo.

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Josua 24:25

Awola tɔpere la, Josua ne Israel tena la fɔwɛ fɔo Sɛkem bela baa chema la, asɛ o berɛ kpɔ mmarare ane báa dɛɛ teŋɛ a ta tɛɛ ba.

1 Pita 1:2

Korowii waa ɛ ya Mɛɛ cheɡɛ jema waa jemɛ heyaa wubwa la ta, dɛ le heyaa kɛŋɔ o nɛra dɛ tɛ o te. O Domadɛɛɡe laanee ɡela he do ɡoroŋ, dɛ ɡel hɛɛ teŋɛ Yeesu Kristo waa ta, asɛ o chal yaɡle he doŋa he nɛ. Kórowii cha heyaa dɛ tɛ heyaa bosɔɔhna kohona.