Kaala 24:3 - mzwDBL

³ Mosis aa la nɛra la be dɛ ka bol Korowii waa ne o Mmarare bwa ba be la, ba bwa kpɔ taa beŋkpoŋ sɛh ŋɔ, “Wobɛlbwa Korowii aa bol la, yaa ɛɔ.”

Kaala 24:3 ပူးပေါင်းရင်းမြစ်များ

2 Webena 15:14

Ba do lɔŋɔ kohona dɛ hoh bɛle, ne pee nyeɡle bɛle, dɛ ŋwɛɛ ntam baɡle Korowii ŋɔ, baa teŋɛ fɔo la taa.

2 Webena 15:15

Juda tena la bwa sie lɛo dɛɛ hɛɡre, dɛkalkɛ ba ŋwɛɛ ntam bambile bwa ne. Ba nyin Korowii sibeɡra ne, asɛ dɛ nao. Anomanta, Korowii tɛɛ ba deŋnesɔɔhna le ba dɔma nɔn ta.

Yela 50:5

Korowii berɔ ŋɔ, “N dɛ nyin kɛ n nɛra maa lee ba cheɡ tɛ n te boa ba nyoa, nɛra baa kpo kon ɛ saraha, a che tɛ fɔo n ne baa fɔwa la.”

Kaala 19:8

Ate, nɛra la bwa sɛh dɛ ŋɔ, “Yaa ɛ ɡɛ Korowii aa bola bwaa.” Asɛ Mosis ba bol sɛɛh baa sɛh waa la ta la Korowii be.

Kaala 24:2

Hen Mosis ɡbosoroo chɛ kɛŋɔ he ba n jwɛh, ba te laa. Bɛ ɡel Israel tena kar la bɛlbwa teeh ŋɔ wɛɛ ba n bee.”

Kaala 24:7

Ate, dɛ kpɔ Korowii Ne Nɛwɛnyina Fɔo Tɔn la kure baɡle nɛra la. Ba bwa sɛh ŋɔ, “Yáa ɛ wobɛlbwa Korowii aa ŋɔa laanee, yaa dɛɛ teŋɛ a taa.”

Jeremia 11:4

A ɛ waa maa do ba naawa ɡɛ saŋ maa laɡ ba le Ijipt harɛ waa do wɔrɔbe ba nɛɛ kɛŋɔ nii aa won buni mwɛɛla la. N ŋɔ ba be ŋɔ, baa duu mɛ dɛɛ teŋɛ wobɛlbwa maa do ba a ta la ta, ásɛ ba ɛ n nɛra, n ɡe ɛ Korowii baa dɛɛ tom mɛ.

Jeremia 34:13

“Waa Korowii Israel tena aa dɛ tomɔ aa dɛ bol laanee nɔ, ‘N ne he naawa fɔwɛ fɔo ɡɛ saŋ maa laɡ ba le Ijipt harɛ ta, bela baa do ba kɛŋɔ yoma la, kɛŋɔ

Haɡae 2:5

Haa le Ijipt harɛ ta la, n baɡɛ heyaa nyoa ŋɔ mɛɛ ja he nɛɛ saŋ bɛlbwaa. N ta ja he nɛ, he bɛ ɔmɛ.”

Malakae 2:10

Mɛɛ beŋkpoŋ laa ya dɔ aa? Korowii beŋkpoŋ laa ta ya bwa naa? Ɛrɛɛ ya waa aa wola kasinteŋ dɔe dɛɛ tɛ dɔŋa, yaa chɔɡ fɔo Korowii ne ya naawa aa fɔwa la nɔɔ?

Mmarare 11:1

Mosis berɔ ŋɔ, “Anomanta, hɛ́ɛ nyin Korowii haa dɛ tomɔ nɔ waa dɛ́ɛ teŋɛ o Mmarare bwa ta.

Mmarare 4:1

Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.

Mmarare 4:45

Anee ɛ webaɡla ne Mmarare Korowii aa kpɔa tɛɛ ba a ɡɛ saŋ baa le Ijipt harɛ ta ba habɔɔ,

Mmarare 4:5

Hé na, n baɡle heyaa Mmarare bwa ɡɛ Korowii maa dɛ tomɔ aa ŋɔ n be la, ásɛ he ɡe kaa teŋɛ a ta harɛ haa dɛ la ka kpɔ ó ɛ he kon la ta.

Mmarare 5:1

Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.

Mmarare 5:31

Ásɛ a ka n ne hen Mosis ɡbo bonɔ, ásɛ n bol men Mmarare ne waa maa dɛ ba ban doe a ta bwa la he be, ka bol baɡ ba ásɛ ba kaa ɛa harɛ maa kpɔa tɛɛ ba ŋɔ bá ka so o ta la ta.’ ”

Mmarare 6:1

Mosis berɔ ŋɔ, “Mmarare Korowii aa do mɛ ŋɔ ń baɡle heyaa laanee mɛɛ ba heyaa baɡla nɔ. Hé kaa do sie a ta, harɛ haa dɛ ba o ta kaala ka so la ta.

Josua 24:21

Asɛ Nɛra la bwa ŋɔ Josua be ŋɔ, “Akai! Korowiirii yaa ba toma.”

Josua 24:22

Anee Josua ŋɔ, “Heyaa he ɡbaɡba danseɛ kɛŋɔ haa le Korowii cheɡ ŋɔ onee hɛ́ɛ ba toma nɔ.” Ba ŋɔ, “Ɔɔh, ya ɛ ya ɡbaɡba danseɛ.”

Josua 24:24

Asɛ ba ŋɔ, “Korowii yaa dɛ tomɔ la ɡboo yaa ba toma, dɛ́ɛ teŋɛ waa waa do yaa a ta la ta.”