Kaala 24:12 - mzwDBL

¹² Asɛ Korowii ŋɔ Mosis be ŋɔ, “Teeh ba bwe nɔ doa, dɛ́ ba soŋni n be bonɔ. Mɛɛ tɛɛ bwepɛle maa chwerɛ me Mmarare haa dɛɛ teŋɛ a ta, ásɛ nɛra la ka hweli dɛ́ jemɛ waa maa do ba a ta.”

Kaala 24:12 ပူးပေါင်းရင်းမြစ်များ

1 Koranar 19:11

Asɛ Korowii ŋɔ, “Le ka che bwe la doa n sie. Asɛ men Korowii teŋe ba kaa.” Asɛ peu o nyoa aa kpeɡa tɔ o sie, dɛ paɡre deŋɡarere, dɛ peɡri bweɡuŋe. Kɛ dɛ Korowii toole peu la bini. Peu la aa taa tonɛ la, harɛ jiɡro, kɛ dɛ Korowii toole harɛ waa jiɡra la ta.

Ɛsra 7:10

Sɔfo Ɛsra le o te cheɡ dɛ tɛ Korowii Mmarare la hwela ne a bini nyiŋa, asɛ dɛɛ chaɡle Korowii waa ne mmarare aa lɔ Israel harɛ ta.

Nehemia 9:13

He le nyundua ba Sinai Bwejen ta, dɛ ba bol waa baɡle he nɛra, dɛ kpɔ waa aa wera ne webaɡla aa toɡra baɡ ba.

Nehemia 9:14

He ŋɔ báa di he Ona Tɔpera a do ɡoroŋ, dɛ che he bonɔɔ Mosis nɛɛ kpɔ he Mmarare tɛɛ ba.

Yela 19:12

Umee dɛ́ won jemɛ o ɡbaɡba wechɔɡa waa ɛaɔ? N Naa Korowii, lɛɛ mɛ le wechɔɡa maa wola jemɛ dɛ ɛ la ta.

Kaala 19:3

Anee Mosis teeh la Korowii be bwe la doa. Asɛ Korowii yerɔ bwe la doa ŋɔ ó ka ŋɔ Israel tena baa ɛ Jekɔb naanar be ŋɔ,

Kaala 24:15

Mosis aa dɛ teeh Sinai Bwejen la, bam baa bɔle o bwa,

Kaala 24:18

Mosis jo bam la bini dɛ teeh kaa bwejen la doa. O soɡe bela tɔpera fifraanaarɛ chɔɔ ne jwaana.

Kaala 24:2

Hen Mosis ɡbosoroo chɛ kɛŋɔ he ba n jwɛh, ba te laa. Bɛ ɡel Israel tena kar la bɛlbwa teeh ŋɔ wɛɛ ba n bee.”

Kaala 31:18

Korowii aa bol waa chaɡle Mosis Sinai Bwejen ta tonɛ la, o kpɔ bwepɛle anɛ o ɡbabir aa kpɔ o nɔn ɛ o Mmarare dawɛ a ta la tɛo.

Kaala 32:1

Nɛra la aa baa na kɛŋɔ Mosis biɡri bwejen la doa waa wola ba warane la, ba wuro ka tɔ Arɔn nɛ dɛ ŋɔ, “Taraken Mosis nɔ waa lawɛ yaa le Ijipt harɛ la, yaa jemɛ waa aa puu waa wola balɛ mɔɔ, anomanta, kwaa voɡa tɛ yaa á tɔ ya sie dɛ́ kaa ya ne.”

Kaala 34:1

Korowii ŋɔ Mosis be ŋɔ, “Sɛh bwepɛle anɛ dɛ́ ɡel a do kɛŋɔ loɡla kwaa la, ásɛ n chwerɛ kwaa n fa aa chwera dawɛ anɔ la haa peɡra la dɔŋa dawɛ a ta.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Matiu 5:19

Anomanta, naate waa berɛ Mmara la bini onjeɡa bɛlbwa dɛ́ berɛ chaɡle bane ɡe bá ɛ ɡɛ la, waa bɔr dɔe ba Korowii Kora bini. Naate ɡe waa dɛ teŋɛ Mmara la ta, dɛ́ chaɡle bane ɡe baa ɛ ɡɛ la, wɛɛ dɔ nomonsoŋnibɔree Korowii Kora bini.

2 Kɔrent 3:3

He we-ɛɛla dɛ baɡle kɛŋɔ he ɛ Yeesu Kristo tɔn waa cheɡɛ ya nɛɛ dɛ chwerɛ. Iŋki ne laa o chwerɔ, Korowii waa lole saŋ bɛlbwa la Domadɛɛɡee o kpɔ chwerɛ. Bwe ta laa o chwerɔ, bambile taa o chwerɔ.

2 Kɔrent 3:7

Bwe taa Korowii faa chwerɛ Mosis Mmara la dawɛ. Bela Korowii aa kpɔ Mmara la tɛ Mosis la, Korowii jirima ba bela, bela bwa chaah, dɛ chaah Mosis nɛɛ o siebɔr ɛɛ nyɛɡle. Mosis aa la Israel tena be la, dɛ nyɛɡla o siebɔr aa dɛ nyɛɡle la nyoa sɔɔhnɔ tonɛ. Kɛ Israel tena aa nao la, ba ŋɔ o siebɔr dɛ nyɛɡle kohona to, ba ta wone nyiŋu. Mosis Mmara kwara waa dɛ la nɛn ne seo ta la wono ba jirima nɔ dɔŋ ne naa,

Mmarare 4:14

Korowii ŋɔ n be ɡɛ saŋ ŋɔ ń baɡle heyaa Mmarare aa chɛ kɛŋɔ hé teŋɛ a ta harɛ haa dɛ la ka le Jɔɔdan Moo la dɛ́ ka lɛ so o ta la wa.”

Mmarare 5:22

A ɡɛ waa nɔɔ Korowii che nii ta dɛ bol takpeɡ ne baama aa bira kpirkpir bini bwe la ta he bwa be la, o ta wobɛlbwa kpɔe ja a ta ɡɛ saŋ. Dɛ chwera bwepɛle anɛ ta dɛ kpɔ tɛ mɛ.

Mmarare 5:31

Ásɛ a ka n ne hen Mosis ɡbo bonɔ, ásɛ n bol men Mmarare ne waa maa dɛ ba ban doe a ta bwa la he be, ka bol baɡ ba ásɛ ba kaa ɛa harɛ maa kpɔa tɛɛ ba ŋɔ bá ka so o ta la ta.’ ”

Hibru 9:4

Korowii Boɡoroŋ Tenten la bɔr bela la, dɛ suuɡaswɛm kon baa dɛ fuh daawiile a sɔɔh aa soma o bini la lɔ bela. Dɛ Korowii Ne Nɛwɛnyina Fɔo Daka baa kpɔ suuɡaswɛm ɛ o bwara bwa, asɛ o che tɛ ba ne Korowii fɔo la lɔ bela. Dɛ suuɡaswɛm vii la baa kpɔ kondikwaa aa le nyundua baa yera maana do o bini la, ne Arɔn daŋɡbala waa moɡɛ papooni la, ne bwepɛle anɛ la ba fa aa chwerɛ o ne ba fɔobene la mmara fi la do a ta la lɔ Daka la bini.