Kaala 24:10 - mzwDBL

¹⁰ dɛ ka na Korowii Israel tena aa dɛ tomɛ la. Harɛ waa cheɡɛ o ta la ɛ bobɛl baa mao bwea ne o ir nyundua, dɛ do ɡereŋ kɛŋɔ bwedɛɛɡe baa dɛ yerɔ safaaya la, dɛ ɛ burum kɛŋɔ nyundua ken.

Kaala 24:10 ပူးပေါင်းရင်းမြစ်များ

Mumpar 32:30

Belaa o ŋɔ, “N na Korowii siwi ne dɛ ta so mkpa ta.” Anomanta, o pa bela sɔn Pɛneɛl.

Mumpar 32:31

Jekɔb aa le Pɛneɛl dɛɛ kaa la dɛ wee leɔ. O kɛɡra la aa sora nomanta, dɛ o dɛ chole o ta.

1 Koranar 22:19

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

2 Webena 6:17

N Naa Korowii Israel tena aa dɛ tomɛ, ɡel wobɛlbwa haa baɡɛ n mɛɛ Kooro Devid waa ɛ he bonɔɔ nyoa la ɛ kpela.

Kaala 24:11

Kɛ Korowii ta Israel nomonome la wobɛlbwa ɛɛ. Ba na Korowii dɛ ta so le dɛ di kwaa dɛ nyɔ sen.

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Kaala 33:20

Kɛ maa ɡel he na n siebɔr, nomɛlbwa waa na mɛ la, sewaa chɛ kɛ naate sewɛ.”

Kaala 33:23

Maa ba kaa mɔɔ la ásɛ n laa nɔn kpɔ he nɛ he na n habɔɔ, kɛ haa n sie te nae ba.”

Yelsom 5:14

O nɔɔra wer kɛŋɔ suuɡaswɛm bune, baa kpɔ bwedɛɛɡa a yoɡ aa kpeɡa cheɡ a ta. O bwadabii wer kɛŋɔ bala nyen baa loɡao la, dɛ kpɔ bwedɛɛɡa ane a yoɡ aa kpeɡa cheɡ a ta.

Yelsom 6:10

Umee wera tolo kɛŋɔ bɔr aa dɛ chaah nɔɔ? O wer kɛŋɔ korobie, dɛɛ chaah kɛŋɔ wee.

Wiile 4:7

Jerusalam sitɔɔla waa fa do chasee kɛŋɔ yabi aa toa ken. Ba fa dɔ bwadabii dɛ dɔ bokpeɡa, dɛ je ɡe kohona.

Ɛsekeɛl 1:1

Waa aa lɔ tɔn nɔ bini nɔ, Korowiirii pila baɡle men Busi bie sɔfo Ɛsekeɛl. Baa lawɛ n ne Juu tena laa ta kaa Babelɔn harɛ ta ka so Keba Moo nyoa, bene fifraatoro korobie anaarɛ tɔpenue taa a ɡɛ waa nɔ chiɡ.

Ɛsekeɛl 10:1

Men Ɛsekeɛl nyiŋi kon waa bɔle Kerobim la doa, dɛ na komɛl kɛŋɔ kookara baa kpɔ bwedɛɛɡa ane aa ɛ burum baa yera safaaya ɛo.

Daneɛl 10:17

Nomoa, ɛrɛɛ men maa ɛ he bonɔɔ nɔ ne hɛɛ ba wona bol waɔ? N bokpeɡa bwa tonɔ maa wola won hwee kɛrɛdɛ.”

Nɛra Kura 12:8

N ne o bol wa dɔŋa be, a bini chɔ kɛrɛdɛ, wobobeela laa. O dɛ na ɡɛ maa doa kɛrɛdɛ. Ɛrɛ waa haa wola ɔmɛ kɛŋɔ he bol n bonɔɔ Mosis waa nɔɔ?”

Matiu 17:2

Baa soɡa la, dɛ Yeesu beɡrɔ, o siebɔr do kɛŋɔ wee ken, asɛ o laala waa doa la ɡe to dɛɛ nyɛɡle al-al ken.

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Amanesoma Jɔn Aa Chwera Tɔn 14:9

Asɛ Yeesu chaŋe ŋɔ, “N ne haa lole le saŋ la bwa nɔ, amɔ he ta wone jem mɛ mɔɔ naa, Felep? Nomɛlbwa waa na mɛ la, dɛ n Mɛɛɛ o na la. Ɛrɛɛ he berɛ ŋɔ ń baɡle heyaa n Mɛɛ la nɔɔ?

Amanesoma Jɔn Aa Chwera Tɔn 6:46

A ta ɛɛ kɛŋɔ nomɛl na Korowii siwi ne ka, nemenɛ men maa le o be nyundua dɛ ba la ɡbo.

1 Timoti 6:16

O ɡboo dɔ mkpa waa wola sewɛ bwa, dɛ so bela aa chaahna kohona nomɛlbwa aa wola won tel o jwɛh. Nomɛlbwa ta on nae ka, asɛ nomɛlbwa ɡe aa won nao bwa. Onee chɛ duure ne kpeɡri bwa dɔe saŋ bɛlbwa dɛɛ la. Aamen.

1 Jɔn 4:12

Nomɛlbwa ta Korowii nae ka. Kɛ dɛ ya dɛ nyin dɔŋa aa, anee Korowii ɛɛ ba yaa lawɛ pɛl o nɛ, ásɛ o nyina la do ya be kɛrɛdɛ ka tonɛ.

Wepila 1:16

O kpoŋe weweela anuanɛ o nɔndiɡ ta, asɛ tokobijen sie anɛ te waa nyɛɡa ɛɛ le o nyoa. O siebɔr ɡe dɛ nyɛɡle kɛŋɔ wee aa dɛ lɔ kpeɡri nɛɛ la.

Wepila 21:11

Dɛ Korowii jirima ɡelɔ o bwa ɛɛ nyɛɡle kɛŋɔ bwedɛɛɡe baa dɛ yerɔ jasepa o do wer kohona dɛ do ɡereŋ la.

Wepila 4:3

Naate waa soɡe o ta la dɛ nyɛɡle al-al kɛŋɔ bwedɛɛɡa answɛɛma aa dɛ nyɛɡle. Dɛ bwaala deŋɡare bɛl bar o kookara la, dɛ do kɛŋɔ bwelwɛɛne ane aa dɛ nyɛɡle.