Kaala 24:1 - mzwDBL

¹ Korowii berɔ ŋɔ Mosis be ŋɔ, “He ne Arɔn ne Nadab ne Abihu dɛ Israel nomonome fifraanuanɛ la teeh bwe ba n be. Hé che bojaŋ tama dɛɛ tom mɛ.

Kaala 24:1 ပူးပေါင်းရင်းမြစ်များ

1 Webena 6:3

Amram ɡe dɔ bibaala banɛ, Arɔn ne Mosis, asɛ o bihaah beŋkpoŋ sɔne Miriam. Arɔn ɡe bibaalaa, Nadab ne Abihu ne Eliasa dɛ Itama.

Kaala 1:5

Nɛra baa le Jekɔb luɡe ta nɔ bwa lɔ fifraanuanɛ, kɛ dɛ Josef te soɡe Ijipt harɛ ta.

Kaala 19:20

Korowii tuo ba bwejen la doa, dɛ yerɛ Mosis ŋɔ ó ba o be nyundua bela. Asɛ o teeh la o be,

Kaala 19:24

Belaa Korowii ŋɔ Mosis be ŋɔ, “Berɛ tu ka kpɔ Arɔn ja he nɛɛ he bwa ba. Kɛ sɔfore la ne nɛra la te bɛ lii kɛŋɔ baa ɡale jwɛh laanee dɛ́ ba n be bwe nɔ ta. Gɛ laa aa, mɛɛ tɛr ba deŋnee.”

Kaala 19:9

Belaa Korowii bol o be ŋɔ, “N dɛ ba bam waa bira kpirkpir kohona bini cheɡa dɛ́ ba he be, ásɛ nɛra la bwa no kɛŋɔ n ne he dɛ bol wa, á che a ta baa yaradae saŋ bɛlbwa.” Ate, Mosis bol waa baa bola la chaɡle Korowii.

Kaala 20:21

Dɛ ba ta cheɡɛ bojaŋ, asɛ Mosis ɡe ka bɛne bam waa bira kpirkpir bela Korowii aa lole la.

Kaala 24:15

Mosis aa dɛ teeh Sinai Bwejen la, bam baa bɔle o bwa,

Kaala 24:2

Hen Mosis ɡbosoroo chɛ kɛŋɔ he ba n jwɛh, ba te laa. Bɛ ɡel Israel tena kar la bɛlbwa teeh ŋɔ wɛɛ ba n bee.”

Kaala 24:9

Ate, Mosis ne Arɔn ne Nadab dɛ Abihu ne Israel nomonome fifraanuanɛ la bwa teeh kaa bwe la doa,

Kaala 28:1

Korowii berɔ ŋɔ Mosis be ŋɔ, “Gel bá kpɔ he dɔɔ Arɔn ne o bibaala Nadab ne Abihu ne Eliasa dɛ Itama le Israel tena bini, ásɛ ba ɛ sɔfore dɛɛ tom mɛ.

Kaala 3:5

Anee Korowii ŋɔ, “Bɛ suuh tel. Foo he naŋɡawa, dɛkalkɛ bela haa cheɡa la ɛ boɡoroŋ.

Kaala 34:2

Kpɔ he te kere chɔmbibi, ásɛ dɛ ba n be Sinai Bwejen la doa.

Kaala 6:23

Arɔn ɡe mo haah. O sɔne Eliseba. Dɛ Aminadab bihaahnee o ɛ Naasɔn nimambie. Bibaala baa lola laanee Nadab ne Abihu ne Eliasa dɛ Itama.

Ɛsekeɛl 8:11

Dɛ Israel nomonome fifraanuanɛ lɔ bela, asɛ Safan bibaa Jaasania ja ba nɛ. Ba bɛlbwa kpoŋe kon baa dɛ fuh daawiile a ta, chuu la sɔɔh do som dɛɛ kaa nyundua.

Nɛra Kura 11:16

Ate, Korowii ŋɔ Mosis be ŋɔ, “Le Israel tena nomonome fifraanuanɛ baa wona dɛɛ ɛ toma la kɛrɛdɛ, dɛ́ kpɔ ba ba n Dea Cheremibɔr la doonyoa, he ne ba che bela.

Amanesoma Luk Aa Chwera Tɔn 10:1

Anɔ habɔɔ la Yeesu yerɛ o habɔteŋra fifraanuanɛ dɛ banɛ bane, dɛ pɛ ba banɛnɛ, dɛ tom ba ŋɔ bá tɔ sie bwɛɛre ne bela waa dɛ ba a ta laŋa la ta.

Amanesoma Luk Aa Chwera Tɔn 10:17

Yeesu habɔteŋra fifraanuanɛ dɛ banɛ la la o toma la dɛ ba silɛɛ ne, asɛ ba ne o cheme. Ba ne waa chema la, ba ŋɔ o be ŋɔ, “Ya Dɔɔ, yaa kaa che he sɔn ta dɛ bol waa la, kwaa aa dɛ ir nɛra nɛɛ kwaraa ɔmɛ yaa.”

Mmarare 1:15

Anee n kpɔ wejerema ne nɛra baa dɛ no waa mun ba waa dɔ nyɛl dɛ le dea bɛlbwa bini, dɛ kpɔ ba chɔ he nyoa. Bane chɔ nɛra kaɡboŋa nyoo, bane chɔ lafare nyoo, bane ɡe chɔ fifraanunue nyoo, asɛ bane ɡe chɔ nɛra fifi nyoo. Dɛ le bane ɡe baa nyiŋi deene la bɛlbwa waa ta.