Kaala 23:6 - mzwDBL

⁶ He bɛ nɛn nyae waa koh dɛ́ pao bolchɔɡe kɔɔto.

Kaala 23:6 ပူးပေါင်းရင်းမြစ်များ

2 Webena 19:7

Hé kpɔ duure dɛɛ tɛ Korowii, dɛ́ nyiŋi kɛrɛdɛ dɛɛ bol waa aŋwɛnɛ ta, dɛkalkɛ Korowii yaa dɛ tomɔ be te, waa waa sie berɛ bole pae ta, waa nɛn siebɔr kɛɛ sen yawa nyiŋi.”

Job Tɔn 31:13

Dɛ n ta kasinteŋ bolɛ n bonɔɔna ne toli be, ɡɛ saŋ waa aa lɔ n ne ba baah ta naa,

Sɛɡla 18:5

Aa were kɛŋɔ bá nyiŋi nɛnchɔɡe siebɔr, dɛ́ kpɔ bolchɔɡe tɛ nɛn waa wola bolchɔɡe dii.

Sɛɡla 22:22

Bɛ he dɔŋ nyae waa koh dɛ́ ɛɡro lɛ komɛl. Bɛ o nɛɛ nya, ásɛ dɛ bol waa bɔɔ kɔɔto.

Sɛɡla 31:5

A ɡelɔ baa soh mmarare aa lɔ ba harɛre ta, baa nyaara waa bolɛ dɛɛ tɛɛ ba aŋwɛnɛ ta.

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.

Aesaya 5:23

Hé bwɛɛlɛ, he banɔ la wechɔɡ-ɛɛra aa dɛ yawɛ heyaa sen hɛɛ ta ba, dɛ́ yon pa bolsom te bolchɔɡe la.

Jeremia 5:28

Baa di kondɛɛɡa vaɡɛ dɛ je nomanta, ba wechɔɡa ta jaɡa dɔe. Baa bilalbii waa bolɛ dɛɛ tɛɛ ba, baa kasinteŋ bol dɛɛ cha nyaara ɡe.

Jeremia 6:28

Ba bwa ɛ deŋnekpeɡ ne bambikpeɡ tena, dɛ valɛ dɛɛ ɛ nyokpɛl ɡbo. Ba kpeɡri kɛŋɔ ayaawa ne buni ken, ba bɛlbwa we-ɛɛla aa were.

Jeremia 7:6

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.

Lewi Dea Tena 19:15

Hé nyiŋi dɛɛ pa waa bole aŋwɛnɛ ta. Naate ɛ nyaaraa, he bɛ o nɛɛ sune, he bɛ suuɡa te ɡe siebɔr nyiŋi. Kpɔ kasinteŋ pa he dɔŋ bole.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

Mmarare 27:19

Bá berɛ ŋɔ, ‘Nomɛlbwa waa wola hɔɔhra kɛɛ bilalbii kɛɛ luhaahna waa bolɛ tɛɛ ba aŋwɛnɛ ta la, Kórowii taahno.’ Israel tena la bwa chaŋe ŋɔ, ‘Aamen!’

1 Samoɛl 8:3

Kɛ dɛ ba te ta doe kɛŋɔ ba mɛɛ. Dɛ ba sie beɡre suuɡa, anomanta, ba ɡelɔ nɛra ɛɛ yaɡ ba sen, baa waa aŋwɛnɛ ta bol.